AKTUALITATEA

| 2025-12-12 09:16:00

Judimendiko Sefarad plaza egokitu egingo da, eta horrek berekin ekarriko du pergola bat jartzea eta plazan bertan argiteria publikoa eta irisgarritasuna hobetzea. Ekimen honek 369.997,58 euroko aurrekontua izango du guztira (BEZ barne), Euskal Herria Bilduk udal gobernuarekin lortutako akordioaren ondorioz.

«Egokitzapen honek auzokideen eskaera historiko bati erantzuten dio, espazioa atsegintzea eta plazaren erabilera gehiago eta hobeak bermatzea eskatzen baitzuen, herritarrek gozatzeko espazio erosoagoa bihurtuz. Izan ere, plaza hau auzoko leku bereizgarri eta erabilienetako bat da. Hori dela eta, EH Bilduk proposamen hori sartu zuen aurrekontu akordioan, eta, ondoren, plazan egin beharreko ekimen horiek auzo elkartearekin berarekin zehaztu ditugu», adierazi du Jon Molina EH Bilduko zinegotziak.

Izan ere, 5 hilabeteko iraupena izango duten obrak auzoko jaiak igaro ondoren egingo dira (plaza horretan ospatzen dira), auzo-elkartearekin adostu bezala. Zentzu horretan, proiektu hau "Judimendikoak" Auzo Elkartearekin egin da, eta haiekin kontsultatu eta definitu dira birmoldatuko den plazaren proiektua, denborak eta erabilerak.

Pergolari dagokionez, estalkia plazaren beheko aldean egongo da, ipar-mendebaldean, eta dauden bankaden zati bat estaliko du. Hala, eguraldi txarretik babestuta, jolasteko eta atseden hartzeko aukera emango du, eta, aldi berean, ez ditu oztopatuko edo eragotziko jada bertan ematen diren erabilerak.

Plazaren irisgarritasuna ere hobetuko da, plazaren erdialdean dagoen koska kenduz, non bi bankadak elkartzen diren. Proiektu honek koska eraistea planteatzen du, malda inklinatua batengatik ordezkatzeko, azken urteotan herritarren hainbeste kexa eragin dituen oztopo arkitektoniko hori ezabatuz.

Plazaren hobekuntzak egun dauden bankadetara ere hedatuko dira, horiek egurrezko estaldura batekin partzialki estaliz, eserleku-eremuari berotasuna eta erosotasuna emateko. Era berean, proiektuak espazioaren argiztapena berritzea planteatzen du, hura hobetuz eta modernizatuz.