Gasteiz
Miren Larrion Gasteizko Udaleko EH Bilduren bozeramaileak Vital Kutxa zenaren ondarearekin gertatzen ari denaren "opakutasuna eta kontrol falta" salatu du. Azken hilabetean, Vitalquilerrek 500 etxebizitza saldu dizkio inbertsio funts multinazional bati (Catella). Horrela, gure hiriko alokairu-merkatuan sartzeko eta esku hartzeko atea ireki zaie agente arriskutsu horiei, kontrola lortuta alokairuaren prezioaren burbuilak sortzen dute sartzen diren lekuan.
Vitalquiler 2001ean sortu zen, helburu sozialarekin: 'Higiezinen sustapena, lursailak eta ondasun higiezinak erosi eta salduz, eraikin berriak sustatuz eta errentamenduan lagaz etxebizitza eskuratzeko bidea errazteko'. Hala ere, maniobra horrek agerian uzten du Vitalquilerren hasierako konpromiso soziala hautsi dela 500 etxebizitzaren salmentarekin.
Gure hiriko babestutako alokairuko 500 etxebizitza dira, eta hauen inguruko erabakiak, gizarte- eta tokiko-eremu batetik nazioz gaindiko eremu enpresarial batera igaro dira; gainera, Vitalquilerri geratzen zaizkion beste 500 etxebizitza ingururekin gauza bera egin nahi ote duten beldurra sortu da. Salmenta hori, gainera, osasun-krisiaren alarma-egoera eta konfinamendua aprobetxatuz egin da.
Gasteizko Udaleko EH Bilduren bozeramaileak egoera hori salatu du, eta uste du "Vitalek salmenta horretatik lortutako onura guztiak bere Gizarte Ekintzan berriro inbertitu behar direla. Inork ez du ulertu Gizarte-Ekintzari zegozkion 500 pisuko salmenta hau. Orain aukera bakarra dago, Kutxabanken etekintzat jo ezin daitezkeenez, gizarte gisa aurre egin behar diegun premiarik larrienetan berrinbertitu behar dira".
EH Bilduk gogorarazi duenez, Gizarte Ekintzaren programek langabeziagatik, gizarte-bazterketagatik, bizitegi-bazterketagatik, ezintasunagatik, gaixotasunagatik edo pobrezia berriagatik egoera ahulenean dauden pertsonei arreta ematea izan dute helburu, baita enplegua sortzeko eta sustatzeko programak ere.
EH Bilduren ustez, horiek dira, hain zuzen ere, aurre egin behar diegun premiarik larrienak. “Une honetan gizarteak bere onena ematen ari da, erantzukizunetik, herritar guztien erantzukizunetik: etxean geratzetik, funtsezko langileek beren gain hartutako erantzukizun eta arriskura. Hori dela eta, Vital Banku Fundazioari eskatzen diogu, bera ere erantzukizun horrekin jardun dadila eta lortutako diru guztia berriro inbertitu dezala krisi honi eman beharreko erantzun sozial eta kolektiboan”, adierazi du Larrionek.
Kutxa eta bere Ekintza Soziala eraikitzea gasteiztar eta arabar guztien ahalegina izan zen. Hala ere, azkenean banku-fundazio batean bihurtu dela ematen du; klub pribatu moduko bat da, EAJ eta PSE-EEko ordezkariek zuzentzen dutena, eta ez du inolako azalpenik ematen haien erabakien inguruan, nahiz eta EH Bilduk Jon Urrestiri, Fundazioaren patronatuan udalak duen ordezkariari, agerraldi-eskaera desberdinak egin dizkion, eta hark uko egin dion parte hartzeari.
Egoera honen aurrean, EH Bilduk galdera sorta bat aurkeztuko du Gasteizko Udalean, Vital Fundazioak salmenta honetan izan duen jarrera, eragin ekonomikoak eta udal ordezkariak izan duen papera argitzen saiatzeko.