AKTUALITATEA

EH Bilduk Gasteizko Udalean «aldaketa handien bultzatzaile» izan dela defendatu du

| 2026-07-02 10:02:00

Legegintzaldiko hiriaren egoerari buruzko azken eztabaidan, EH Bilduk defendatu egin du hiru urte hauetan Gasteizko Udalean «aldaketa handien bultzatzaile» izan dela. Rocio Vitero bozeramaileak adierazi duenez, 2023ko udal hauteskundeen ostean gobernua osatzerako orduan, «alkatetzatik aldendu gintuzten, PPren eskutik, egonkortasunaren izenean. Orain, denborak eta gertaera zehatzek erakusten dute Euskal Herria Bildu izan dela Gasteizi egonkortasuna eta aurrerapena eman diona».


Horrela, Viterok gogorarazi du bere alderdiak, akordioen bidez, «proposamen onak» bultzatu dituela Gasteiz eraldatzeko. «Gaur Etxebarria andreak Euskal Herria Bilduk asmatu eta bultzatutako proposamenen erakustaldia egin du berriro. Eta ulertzen dugu. Esan genuelako, Euskal Herria Bilduk proposamen onak zekartzala Gasteiz eraldatzeko proposamenak».


Hala ere, EH Bilduko bozeramaileak deitoratu egin du eztabaidaren lehen saio honek berritasun handirik ekarri ez izana, eta gogorarazi du legegintzaldi honetan hiriaren egoerari buruzko azken eztabaida izan arren, «oraindik urtebete falta dela oraindik, agintaldiaren laurdena». «Baina Etxebarria andrearen diskurtsotik ez da ondorioztatzen gobernuaren ekintza bizkortu egingo denik, eta are gutxiago hiri gisa ditugun erronkei aurre egiteko adostasun zabalak lortzeko bidea irekiko denik, eta erronka horiek ez dira gutxi».


Horren aurrean, Viterok esan du Euskal Herria Bilduk bere udal taldearen lana Gasteizko herritar guztien ongizatea eta bizi-kalitatea hobetzeko lanean jartzen jarraituko duela.