AKTUALITATEA

EH Bilduk Gasteizko merkataritzarentzat aholkularitza energetikoa eskatu du, energiaren kontsumoa eta faktura murrizten laguntzeko

| 2022-10-20 11:12:00

Merkataritza-sektorearekin alderatu ostean, Udalak Gasteizko merkataritzari energia aholkularitza eskain diezaion eskatuko du EH Bilduk biharko osoko bilkuran. Azken hilabeteotan, aurrekaririk gabeko prezio igoerak eman dira energiaren fakturetan, eta, horren aurrean, EH Bilduk uste du komertzioei laguntzeko unea dela, energia aurrezteko azterlanak eta balizko laguntza-neurriak eginez. «Pobrezia energetikoari aurre egin behar diogu, eta EH Bildutik uste dugu beharrezkoa dela bereziki merkataritzari zuzendutako laguntza-neurriak aktibatzea, energiaren guztizko kontsumoa eta fakturaren kostuak murrizten laguntzeko», adierazi du Rocio Vitero zinegotziak.

Ildo horretan, EH Bilduk hiru hilabeteko epean hiriko merkataritzari zuzendutako aholkularitza energetikorako gune bat irekitzea proposatu du. Gainera, energia-aholkularitzako puntu horren funtzionamendua eta irismena sektoreko erakundeekin batera definitu behar dela dio. Izan ere, sektorea bera jasaten ari den zailtasunei eta negozio askoren bideragarritasuna arriskuan jartzen dutenei (online salmenta, low cost kontsumoa, enpresa multimarkoak, krisi ekonomikoak), energiaren prezio altua gehitu behar zaie orain.

«Energia merkatuaren eta haren eratorrien erreformarekin zerikusia duten egiturazko neurriez haratago, epe laburrean neurri aringarriak hartu behar dira herritarrei eta gehien kaltetutako sektoreei energiaren kostuei aurre egiten laguntzeko», ziurtatu du Viterok. Energiaren gaiak merkataritzan duen garrantzia agerian geratu da Estatuko gobernuak energia aurrezteko eta kudeatzeko talka-plan berrian merkataritzarako neurri espezifikoak sartu dituenean, hala nola erakusleihoen argiztapen-muga eta barne-tenperatura, besteak beste. Horregatik, EH Bilduk uste du «ezinbestekoa» dela sektoreari erramintak ematea egungo krisi energetikoari aurre egin ahal izateko.