AKTUALITATEA

Krisi Mahaia sortzea proposatu du EH Bilduk

| 2020-04-21 10:33:00

COVID-19 Osasun krisiaren aurrean Eibarko Udala unean uneko erantzuna ematen ari da. Baina krisi honek sortu dituen eta oraindik sortuko dituen ondorioei aurre egiteko ardatz baten beharrean ikusten dugu Udala. Horregatik, premiazkoa ikusten dugu ahots anitzak batuko lituzkeen krisi mahaia osatzea. Krisi mahai horrek aztertu beharko lituzke egoera honetatik eta eibartarron etorkizuna eraikitzeko beharrezkoak diren neurri ekonomiko eta sozialak. Sinergia eta baliabide guztiak batzeko unea heldu da.

Bestalde, krisiak sortuko dituen ondorio larriek luze iraungo dute. Premiazkoa da ere 2020ko udal aurrekontua baztertu eta ondorio ekonomiko eta pertsonalei aurre egiteko aurrekontu eguneratu bat idaztea. Horretarako, udal teknikariek aurrekontua goitik behera berraztu dezaten eskatu dugu. Itxaron dezaketen proiektuek itxaron beharko dute. Orain premiazko baliabideak behar ditugu udaleko dirusarreren beherakada konpentsatu eta krisi mahaiak erabakitzen dituen neurri ekonomiko eta sozialak aurrera eramateko.