Ekoizleen espazioari, postu finkoen eta ostalaritza zerbitzuaren pleguei ekarpen garrantzitsuak egin dizkio EH Bilduk. Ez dugu sarbide klasistarik nahi eta aukera berdintasuna bultzatu nahi dugu. Errebal berrian lan aukera bat izatea nahi duenak izan beharko du sarbidea, horretarako negozioaren ideia berritzailea eta bideragarritasun planari eman beharko zaio garrantzia.

| 2020-10-02 07:46:00

Goitik behera aldatu ditugu PSOEren pleguak. Ekoizleen aldetik, Rialton dauden baserritar guztiak derrigorrez Errebalen beraien espazioa izatea eskatu dugu.

Postu finkoei eta ostalaritza zerbitzuei dagokienez, eskakizun ekonomiko zorrotz guztiak ezabatzea proposatu dugu. Aberatsak saritzen zituzten PSOEn pleguek, aberatsak gehiago aberasteko? Berdintasunean oinarritutako sarbideak nahi ditugu, horretarako, negozio ideia eta bideragarritasun plana aurkeztea proposatzen dugu. Albo batera utzi dituzte langabetu eta ekintzaileak. Gainera, kilometro zeroko produktuen salmenta derrigorrezkoa izatea eskatu dugu eta filosofia horretan oinarritutako supermerkatu txiki bat txertatzea ere eskatu dugu. Subastak ere albo batera utzi ditugu, formatu honek ere diru gehien eskaini ahal dutenak saritzen dituztelako. Tasa finkoak planteatzen ditugu, 4.000€/urtean postuko eta 6.000€/urtean ostalaritza zerbitzurako.

Ostalaritza zerbitzuari dagokionez, ez dugu onartuko ekoizleek arratsaldez libratuko duten tokia terraza batez betetzea. Hau ez da Errebalentzat nahi duguna. Zer da bultzatu nahi dutena, ostalaritza zerbitzua edo kalitatezko komertzioa? Oreka bilatu beharra dago. Ostalaritza zerbitzuari ere derrigorrezko ekarpenak egin dizkiogu. Hau da, plazan bertan ekonomia zirkularra bultzatzea da gure helburua. Erabiliko dituen produktu gehienak bertan erositakoak izan beharko dira, eta gainontzekoak kilometro zerokoak. Gainera, beste betebehar bat gehitu diogu, ostalaritza zerbitzuak hilean behin ekintza kultural bat antolatzea.

Ideia berritzaileak behar dira eraikin osoan eta hori bultzatzen dago etengabe EH Bildu. Errebal berria eraikin traktore eta berritzailea izatea nahi badugu, ideia berritzaileak guztiz beharrezkoak dira. Betiko neurriekin, betiko emaitzak izango ditugu eta.

Gainera, postuen aukeraketa prozesua ahalik eta gardenena izan dadin eta kontsentsu handiena izan dezan, eskaintza guztiak Garapen Ekonomikoko batzordean aztertuak izan daitezen eskatu dugu, bertan alderdi guztiok dugulako ordezkaritza.

EH Bilduk ez du Errebalerako PSOEk duen proposamena onartuko

Baserritarren, 7 postu finkoen eta ostalaritza zerbitzuaren pleguak aztertu eta gero, EH Bildu ez dago batere ados PSOEk Errebalentzako egindako planteamenduarekin. Zonalde kulturalari dagokionez ere, ez dugu onartuko parte-hartze ariketetan ateratako ondorioak leuntzea.

| 2020-09-21 12:36:00

Kilometro zeroa dute ahotan baina non geratu da beraien planteamenduan? Rialtoko “behin-behineko” plazan dauden baserritar guztiek izan beharko dute lekua Errebal eraikin berrian. Baina ez hori bakarrik, planteatzen dituzten 7 postu finkoek ere kilometro zero bereizgarria izatea derrigorrezkoa da EH Bildurentzat. Postuetako bat adibidez, arraindegia izango da, nola ez zaio eskainiko lehenago Rialton 15 urtetan zehar itxaron duen arraindegiari? PSOEk erantzukizun morala izan beharko luke honekin.

Bestalde, ostalaritza zerbitzurako betebeharrak ez ditugu onartzen. Non geratzen da ekintzaileenganako deferentzia? Ez dugu onartuko ostalaritza zerbitzu honetara sartu ahal izateko beste negozio bat izan behar izatea. Gainera, ez dago erabiliko dituen produktuen gaineko eskakizunik. EH Bilduk argi dauka Errebal berriak sinergiak bultzatu behar dituela eta baita barne ekonomia zirkularra, beraz, ostalaritza zerbitzuak erabiliko dituen produktuak plazan bertan erositakoak izatea eskatuko dugu.

Dinamizatzaile sozio-kulturalaren beharra

Eraikina traktore, berritzailea eta erakargarria izateko dinamizatzaile sozio-kultural baten kontratazioa bultzatzea beharrezkoa da. Betiko neurriekin betiko emaitzak izango ditugu. Dinamizatzailearen beharra argia da. Errebal eraikin osoa eta Coliseoa dinamizatzeko pertsona baten beharra du Udalak. Miloika euro xahutu ditugu eraikinean zerbitzuak birkokatzeko?

• «
• 1
• 2
• 3
• 4
• 5
• 6
• 7
• 8
• 9
• »