Eibar

Albisteak

Errebal: eta barruko erabilerak zer?


13 urte luze eta gero badirudi eraikinaren obra behingoz bukatuko dela. Baina zer gertatzen da eraikineko barruko erabilerekin? PSE zergatik ari da hain poliki kudeatzen? Eraikina bukatzean, martxan egon beharko luke, urteak izan ditu Udal Gobernuak horretarako. Nora begira dabil?

| 2021-06-01 11:27:00

Asteleheneko maiatzeko Plenoan, EH Bilduk galdera zehatzak luzatu zizkion PSEri. 13 urte pasa dira Merkatu Plaza zaharra bota zenetik, 8 urte pasa dira barruko erabilerak zehazteko parte-hartze prozesua burutu zenetik. Zeren zain dabil PSE barruko erabilerak zehaztu eta martxan jartzeko? Badirudi eraikina bukatuta baina hutsik izango dugula datozen hilabeteetan eta horrek EH Bildurentzat ez dauka ez hanka ez bururik.

Ziurgabetasunez beteta daude Rialton lanean dabiltzatzen baserritarrak eta postuetako langileak ere. Informazioa behar dute, PSEk dituen plazoetaz jakitea.

EH Bildurentzat, baserritarrekin hitzarmenak aspaldi sinatuta egon beharko lirateke. EH Bilduk eskatu bezela, betebeharrak leuntzeko moratoria izango dute Rialtoko baserritar nagusienek eta honek, Errebalen ere beraien postua izateko aukera ahal bideratuko du.

Errebalen egongo diren postuak eta ostalaritza zerbitzuak dagoeneko lotuta egon beharko lirateke. Zergatik ez dira pliegoak ateratzen? Nora begira dago PSE?

Eta zonalde soziokulturalari dagokionez ere, EH Bilduk urteetan bultzatu duen dinamizatzaile soziokulturala ere aspaldi egon beharko litzateke hautatuta eta hiriko elkarte soziokulturalekin buru belarri lanean, eraikineko erabilera eta programazio aberasten.

Benetan, EH Bilduk ez duela ulertzen, horrenbeste urte itxaron eta gero, obra behingoz bukatu eta barruko espazio eta erabilerak oraindik lotu gabe egotea.