Hona hemen hiri bezala aurrean ditugun erronkei aurre egiteko EH Bilduren proposamen nagusiak:
Gizarte-larrieldeetarako laguntzak handitzea, pandemian eskaerak asko hazi direlako: 200.000 €
SOS Arrazakeriarekin hitzarmena sinatzea, etxeko langileei laguntzeko plan bat ezartzeko: 100.000 €
Etxerik gabeko pertsonei laguntzeko plana: 300.000 €
Zahar egoitzetako egoera hobetzeko: 134.000 €
Lankidetzan murrizketarik ez: 50.000 €
Hiria eremu tentsionatu gisa deklaratzea. Etxebizitzaren Legean ezarritako tresnak praktikan jartze aldera, lehentasunezkotzat jotzen da Donostia etxebizitza eremu tentsionatu gisa izendatzea (eduki ekonomikorik gabeko zuzenketa).
Hiri Lorategia (Loiola): Udalak 64 alokairuzko etxebizitza publiko egitea: 8.000.000 €
Hutsik eta egoera txarrean dauden etxebizitzak erosi, zaharberritu eta alokairuan ateratzeko programa: 2.481.000€
Babestutako etxebizitzak egiteko lursailak erosteko programa: 1.500.000 €
Maizterrentzako aholkularitza bulegoa: 50.000 €
Etxebizitza sustapen pribatuetan gutxienez %50 babes ofizialekoak izatea (eduki ekonomikorik gabeko zuzenketa)
Energia merkaturatzaile publikoa sortzea: 310.000 €
Donostiako Eraztun Berdea osatu eta ezartzeko programa: 850.000 €
Udal Gobernuak parkingekin duen emakida berrituko ez duenaren konpromisoa hartu, eta etorkizunean parkingen kudeaketa publikoa izateko bidea irekiko du (eduki ekonomikorik gabeko zuzenketa)
Erdiguneko aparkalekuen etorkizuneko erabilera birpentsatzeko azterketa: 15.000 euro
Ez da diru gehiagorik zuzenduko promozio turistikorako: Donostiako Sustapena Elkarteak masa-turismoa erakartzeko egin nahi dituen marketin-kanpainetarako aurreikusten dituen 870.000 euro kentzea.
Hotelen hedapena gelditzea: Eraikin baten erabilera hirugarren sektorera aldatzeko, HAPO aldatu beharko da. Horretarako, beharrezkoa izango da Udalak aldaketa-proposamen horren interes orokorra aintzat hartzea (eduki ekonomikorik gabeko zuzenketa).
Turismo-establezimenduen eremu saturatuen deklarazioa. Jardueren kontzentrazioa aztertu eta neurtuko da, eremu urbanistikoen arabera, eta eremu hori saturatu gisa deklaratuko da eraikigarritasunaren ratio jakin batzuk gainditzen direnean, eta inolaz ere ezin izango da gainditu eremuaren eraikigarritasunaren % 20 (eduki ekonomikorik gabeko zuzenketa).
Bidebietako Kultur Etxea: 600.000 euro.
Ekialdeko Barrutiko plantilla handitzea (2 teknikari berri): 104.460 euro
Intxaurrondoko barne autobus berria: 315.000 euro.
dBuseko 31. linearen maiztasunak berreskuratzea: 400.000 euro
Emakumeen Etxe Berria: 1.000.000 euro
Lanpostu berri bat sortzea: 51.000 euro
Udalaren kontratazioetan hitzarmen kolektiboa aplikatzen dela bermatzea (eduki ekonomikorik gabeko zuzenketa)
(EAJ-PSEren aurrekontuak ez du bat ere aurreikusten hiri osoan)
Groseko Zuberoa plaza estaltzea: 965.000 euro
Antiguako plaza bat estaltzeko proiektua: 15.200 euro
Udalbatza eta horri lotutako funtzionamendu osoa euskararen erabilera arautzeko udalaren VI. plangintzan sartzea, horretarako plangintzan atal berria sortuta Udal Batzarreko lehendakariaren ardurapean (eduki ekonomikorik gabeko zuzenketa).
Hirigintza egitasmoen hizkuntza inpaktuen azterketetan eremu soziolinguistikoa doitzea: irismen dokumentuek azterlanerako zehazten duten eremu soziolinguistikotzat ez da hiri osoa hartuko, hirigintza egitasmoak eragingo duen auzoa baizik (eduki ekonomikorik gabeko zuzenketa).
Hiriko bi hizkuntza ofizialak kontuan harturik, publizitate espazioak euskaraz eta gaztelaniaz kontratatzea, hein berean, Udalak publizitatea ezartzen duen aldiro; euskarazko hedabideetan euskara hutsez, eta gaztelaniazko hedabideetan bi hizkuntza ofizialetan (eduki ekonomikorik gabeko zuzenketa).