Bizkaia

Zaintza aferetan Guraso Alienazioaren Sindromea ez erabiltzeko neurriak adostu dituzte Batzar Nagusiak, EH Bilduren proposamenez

EH Bilduren proposamena, Gobernu taldearekin eta Elkarrekin Bizkaiarekin adostua izan dena, alderdi guztien babesa jaso du

| 2020-01-22 11:55:00

Bizkaiko Batzar Nagusietan EH Bilduren proposamena onartu du eta kustodia aferetan Guraso Alienazioaren Sindromea ez erabiltzeko neurriak adostu dira.

Bea Ilardia EH Bilduren bozeramaileak azpimarratu duenez, “gure helburua da Aldundiak zaintzarik ez kentzea amaren ustezko instrumentalizazio batean oinarrituz. Gaur adostutako neurriak bide horretan doaz eta hori oso positiboa da, kontuan izanda arazoak daukan garrantzia”.

Adostutakoaren arabera, haur-zerbitzuko profesionalen lana indartu eta haurren sexu-abusuaren eta indarkeria matxistaren arloko etengabeko prestakuntza eskainiko da, gurasoen arteko banaketan, BALORA tresnan agertzen den instrumentalizazio itemaren ondorioak aztertuko dira eta, azkenik, haurren sexu-abusuaren arloan eskaintzen den erantzun-sistemari buruzko hausnarketa bat egitea adostu da.

EH Bilduren proposamena, Gobernuarekin eta Elkarrekin Bizkaiarekin adostua izan dena, talde guztien babesa jaso du.

Umeen Zerbitzuan eta Indarkeria Matxistaren Behatokian hobekuntzak egitea proposatuko du EH Bilduk

Helburu horrekin, hurrenez hurren, mozioa eta Arauz Besteko Proposamena aurkeztuko ditu asteazkeneko Batzar Nagusien Osoko Bilkuran

| 2020-01-21 11:44:00

EH Bilduk bi proposamen zehatz egingo ditu urtarrileko Batzar Nagusien Osoko Bilkuran. Horien helburua da Aldundiaren Umeen Zerbitzua eta Indarkeria Matxistaren Behatokiaren zerbitzua hobetzea.

 

Alde batetik, Aldundiaren Umeen Zerbitzuak adingabekoen manipulazioan eta instrumentalizioan oinarrituz zaintzarik ez kentzea bilatzen da. Bide horretan, eta lehen urrats bezala, EH Bilduk proposatu du langileei zuzendutako etengabeko prestakuntza espezifikoa eskaintzea, bai indarkeria matxistaren arloan eta umeen sexu abusuan. Jaurlaritzari, berriz, Emakunde eta gaian adituak diren eragileekin batera, BALORA programan dagoen “instrumentalizazioa gurasoen arteko gatazketan” delako itema berraztertzea.

 

Beste alde batetik, Indarkeria Matxistaren Behatokia hobetzeko proposamen zehatza egingo du EH Bilduk. Zerbitzuaren erabiltzaileen profila azkeneko urteetan izandako bilakaeraren aurrean (Larrialdi Harreraren erabiltzaileen %67 eta Laguntza Psikologikoan %24 atzerritarra da) zerbitzuaren pleguen eskakizun linguistikoeta euskara, gaztelera, ingelesa, frantsesa, arabiarra eta zeinuen hizkuntza jaso ditzan.

 

Horretaz gain, emakumeen aurkako indarkeria kasuen bolumenari eta ezaugarriei buruzko datuak erregistratzeko sistema homogeneoa ezar dezala, baliabideak egokitzeko beharra aztertu ahal izateko.

Glefaran enpresak sortutako arazoen aurrean kezkatuta agertu da EH Bildu eta irtenbide bat eskatu die instituzioei

Urtarrilaren 25erako deitutako manifestazioan parte hartuko dutela adierazi dute EH Bilduko ordezkariek

| 2020-01-17 13:52:00

Idoia Perezek eta Aitor Llanok, Gueñes eta Zallako EH Bilduko zinegotziak hurrenez hurren, Glefaran enpresak sortutako arazoekin kezkatuta agertu dira eta instituzioei irtenbide bat eskatu diote.

“Osasun publiko eta ingurugiro arazo baten aurrean gaude, baina baita ere eskualde osoari eragiten dion eredu arazo baten aurrean”, adierazi du Perezek eta gaineratu du urtarrilaren 25erako deitutako manifestazioan parte hartuko dutela.

 “Lehentasunezkoa da Enkarterriri irtenbideak ematea”, azpimarratu du EH Bilduko zinegotziak eta dei bat egin die instituzioei “inplikatutako agente guztiek enpresaren aktibitateren birmoldaketerako bideragarria den plana martxan jartzeko existitzen diren lanpostuak mantenduz eta berriak sortuko direla bermatuz”. Horretaz gain, eskualdea berpizteko plan erreal bat abian jartzea eskatu dute.

Urteetan eskualdeak jasandako eta egungo egoera salatu dute zinegotzi biek, eskualdean emandako deslokalizazioak, langabezi-tasa altua eta instituzioen utzikeria azpimarratuz.

Ekimenak Batzar Nagusietan

Beste alde batetik, Raul Mendez EH Bilduko batzarkideak aipatu du Ainara Basurko Ekonomi Sustapen Diputatu andrearen batzorderatzea eskatu dela 2018-2019 Enkarterriko Plan Pizgarriaren ebaluazio txostenaren emaitzen berri emateko.

Petronor enpresan dauden kontrol gabeziak salatu ditu EH Bilduk

Elementu kutsakorren gaineko kontrol gabeziak salatu ditu Ingurugiro Sailean eta, horretaz gain, hainbat galdera aurkeztu ditu Abanto eta Muskizeko udaletan

| 2020-01-16 12:58:00

Mikel Otero EH Bilduko legebiltzarkideak Petronor enpresaren gaineko kontrol gabeziak salatu ditu.

Asier Iza Muskizko zinegotzia eta Gentzane Carrion Abantoko zinegotziarekin batera, enpresaren segurtasunari eragiten dioten zenbait gabezi daudela salatu ditu Oterok.

“Kanpo emergentzia plana iraungita dago. Azken Ingurumen Bateratuan eskatzen zitzaion haizea aztertzeko estazioetan hainbat gai kimikoren kontrola egin behar zela. Urtebete beranduago kontrol hori ez da egiten. Jaurlaritzak Petronorrenganako exijentzia maila asko handitu behar du”, salatu du Oterok.

Ekimenak Muskiz eta Abantoko udaletan

Egoera horren aurrean Abanto eta Muskizko zinegotziek hainbat galdera egin dituzte haien udaletan.

EH Bilduk argitu nahi udalek egoeraren jakitun diren edo enpresak nolabaiteko azalpenik eman ote duen. Horretaz gain, argitu nahi da ea enpresari espedienteren bat egin ote zaion.

Durangaldeko Mankomunitateko benetako erronkak lehenesten ez dituen aurrekontu bati ezetza emango dio EH Bilduk

Plan estrategikoa, komunikazio plana eta presidentearen soldataren kontra mintzatu da EH Bildu, eta era berean, legegintzaldi berrian etengabeko iragarpenekin sortutako nahasmena salatu du

| 2020-01-15 11:48:00

EH Bilduk hiru emendakin aurkeztu zizkion aurrekontu proposamenari: plan estrategikorako 40.000€ko partida eta komunikazio plana eta prentsa zerbitzua kontratatzeko 42.000€ko partidak kentzea eta presidentearen soldata aurreko legegintzaldiko zenbatekoetara jaistea. EAJ eta AIk osatzen duten gobernu taldeak ez zituen EH Bilduren emendakinak onartu.

Plan estrategikoa eta komunikazio planaren kontra mintzatu da Aitor Lopez, EH Bildu taldeko bozeramailea. Bere ustetan “plan estrategikoaren beharra EAJrena da, ez Mankomunitatearena. Prest gaude Mankomunitatearen erronka estrategikoez hitz egiteko, EH Bildun argi dugu erronka horiek zein diren, baina ez dugu uste horretarako 40.000€ gastatu behar direnik. Udalek gobernu taldearen proiektu falta ordaindu beharko dute”. Komunikazio planaren inguruan ere kritiko mintzatu da EH Bildu. Legegintzaldia hasi denetik presidentea etengabeko marketin kanpaina bat egiten ari dela salatu dute, eta helburua ez dela zerbitzuen berri ematea, baizik eta bere irudia bultzatzea. Komunikazio plana bide beretik joango dela aurreikusten du EH Bilduk.

“Larria iruditzen zaigu udalen kuotak batez beste %6,5eko igoera izango dutela jakinda EAJk planak egiteko partida handiak sartzea aurrekontuan. EAJ Mankomunitatean egotea garesti irteten zaie gure udalei eta herritarrei” esan du EH Bilduko bozeramaileak. Hori dela eta, EH Bilduk kontrako botoa emango dio EAJ eta Abadiñoko Independenteek 2020rako aurkeztutako aurrekontuari.

Gizarte zerbitzuak indartzea, gizarte zerbitzuen kartera garatzea eta hondakin organikoaren bilketa osoa sustatzea izan beharko lirateke 2020rako erronka nagusienak EH Bilduren ustez. Toki-Garapen arloa bultzatzeko neurriak hartzea ere mahai gainean du Mankomunitateak eta EH Bilduren ustez garrantzitsua da gai hauek lehentasun bezala jartzea. “Gobernu taldeak Mankomunitateko benetako erronkak lehenesten baditu EH Bildu bidelagun izango du” esan du Lopezek, eta EH Bilduk aurrerantzean ere “jarrera proposatzailea” izango duela gaineratu du.

ALBISTEAK

Ilardia: “Bizi dugun egoeran subflubialera dirua bideratuz eta Bizkaia Dorrerako inbertsioa handituz Aldundiak bere lehentasunak zeintzuk diren agerian utzi ditu”

2020-06-03 14:10:00

Aste honetan Bizkaia Dorrerako eta itsasadar azpiko tunelerako 20 milioi euro iragarri dira, enplegu planerako bost milioi bakarrik bideratu diren bitartean

EH Bilduk proposatutako planarekin 110 milioi euro berehala lortuko lirateke koronabirusaren ondorioei aurre egiteko

2020-05-29 12:55:00

Kopuru horretaz gain, epe ertainean diru gehiago lortzea ahalbidetuko duen plana aurkeztu du EH Bilduk Bizkaiko Batzar Nagusietan

Ilardia: “Bizkaia Aurrera planak neurri puntualak eskaintzen ditu. Bizkaiak plan integral bat behar du”

2020-05-20 12:39:00

EH Bildu Bizkaiko bozeramaileak gogoratu du plan horrek ez duela zaintza bezalako gaientzat neurririk aurreikusten