Bizkaia

Durangaldeko Mankomunitateko benetako erronkak lehenesten ez dituen aurrekontu bati ezetza emango dio EH Bilduk

Plan estrategikoa, komunikazio plana eta presidentearen soldataren kontra mintzatu da EH Bildu, eta era berean, legegintzaldi berrian etengabeko iragarpenekin sortutako nahasmena salatu du

| 2020-01-15 11:48:00

EH Bilduk hiru emendakin aurkeztu zizkion aurrekontu proposamenari: plan estrategikorako 40.000€ko partida eta komunikazio plana eta prentsa zerbitzua kontratatzeko 42.000€ko partidak kentzea eta presidentearen soldata aurreko legegintzaldiko zenbatekoetara jaistea. EAJ eta AIk osatzen duten gobernu taldeak ez zituen EH Bilduren emendakinak onartu.

Plan estrategikoa eta komunikazio planaren kontra mintzatu da Aitor Lopez, EH Bildu taldeko bozeramailea. Bere ustetan “plan estrategikoaren beharra EAJrena da, ez Mankomunitatearena. Prest gaude Mankomunitatearen erronka estrategikoez hitz egiteko, EH Bildun argi dugu erronka horiek zein diren, baina ez dugu uste horretarako 40.000€ gastatu behar direnik. Udalek gobernu taldearen proiektu falta ordaindu beharko dute”. Komunikazio planaren inguruan ere kritiko mintzatu da EH Bildu. Legegintzaldia hasi denetik presidentea etengabeko marketin kanpaina bat egiten ari dela salatu dute, eta helburua ez dela zerbitzuen berri ematea, baizik eta bere irudia bultzatzea. Komunikazio plana bide beretik joango dela aurreikusten du EH Bilduk.

“Larria iruditzen zaigu udalen kuotak batez beste %6,5eko igoera izango dutela jakinda EAJk planak egiteko partida handiak sartzea aurrekontuan. EAJ Mankomunitatean egotea garesti irteten zaie gure udalei eta herritarrei” esan du EH Bilduko bozeramaileak. Hori dela eta, EH Bilduk kontrako botoa emango dio EAJ eta Abadiñoko Independenteek 2020rako aurkeztutako aurrekontuari.

Gizarte zerbitzuak indartzea, gizarte zerbitzuen kartera garatzea eta hondakin organikoaren bilketa osoa sustatzea izan beharko lirateke 2020rako erronka nagusienak EH Bilduren ustez. Toki-Garapen arloa bultzatzeko neurriak hartzea ere mahai gainean du Mankomunitateak eta EH Bilduren ustez garrantzitsua da gai hauek lehentasun bezala jartzea. “Gobernu taldeak Mankomunitateko benetako erronkak lehenesten baditu EH Bildu bidelagun izango du” esan du Lopezek, eta EH Bilduk aurrerantzean ere “jarrera proposatzailea” izango duela gaineratu du.

EH Bilduko kideak Iurretan batu dira aldaketa klimatikoaren inguruan hausnartzeko

Komunitatearen aktibazioan inguruko hausnarketa ere egin da

| 2019-12-13 18:57:00
Gaur arratsaldean EH Bilduko 70 bat kide Iurretan bildu dira aldaketa klimatikoaren eta trantsizio energetikoaren inguruan hausnartzeko. Klima larrialdia jada errealitate bat dela kontuan izanda, EH Bilduk gai horren inguruan ezagutzan eta hausnarketan sakontzeko aldeko apustua egin du. Hori dela eta, Bizkaiko EH Bilduko kideek udalerrietatik arazoari nola aurre egin eta transizio energetikoaren aldeko urratsak nola eman aztertu dute. Horretaz gain, EH Bilduk behetik gora egindako politikaren aldeko apustuan sakontzeko asmoz, komunitatearen aktibazioaren inguruko mintegia ere egin du.Hainbat izan dira mintegi horretan ere parte hartu duten EH Bilduko kideak. Hurrengo aste eta hilabetetan EH Bilduk hainbat gai izango ditu aztergai Bizkaiko hainbat herritan.

Genero-ikuspegia nola eta zein programatan txertatu den zehaztea tramitera onartu dute Batzar Nagusiek, EH Bilduk eskatuta

EH Bilduk egindako proposamena alderdi guztiek onartu dute, PP izan ezik

| 2019-12-11 12:11:00

Bizkaiko Batzar Nagusiek, EH Bilduk eskatuta, tramitera onartu dute Kontu Orokorrean genero-ikuspegia nola eta zein programatan txertatzen den zehaztea.

EH Bilduk egindako proposamena talde guztiek babestu dute, PP izan ezik.

Arantza Urkaregi batzarkideak aipatu duen bezala, “Kontu Orokorrak islatu behar du aurrekontuak nola garatu diren. Eta ez da gauza bera programa batean genero-ikuspegia txertatuta izatea ala ez. Genero-ikuspegia txertatzeko eman diren urratsak agertu behar dira Kontu Orokorretan. Egiten dena, ikustarazi behar da.           

Orain arte eman gabeko urratsa

2017ko ekainean EH Bilduk Arauz Besteko Proposamen bat aurkeztu zuen genero-ikuspegia txertatzeko esperientzia pilotu bat martxan jartzeko dezala eskatuz.

Nahiz eta “Enplegua eta Ekintzailetza” programan abian jarri, 2018ko Kontu Orokorrean ez zen inolako zehaztapenik egin, nahiz eta proiektu pilotuaren ebaluzio-txostena eginda egon.

Batzuetan, Kontu Orokorra zenbakiez beteriko dokumentua da, baina bertan aurrekontuaren betearazpena azaldu behar da. EH Bilduren ustez, betearazpen horretan, aurrekontu proiektuan genero-ikuspegia barneratzeko egindako azaldu behar da”, azpimarratu du Urkaregik.

Beste errepide batzuetan gertatzen den bezala, AP-68an hileko gastu limitea ezartzea eskatu du EH Bilduk

Errepide hori Aldundiaren esku dagoela kontuan izanda, A-8, Supersurrean edo Artxandako Tuneletan aplikatzen den gastu muga ezartzea eskatu dute eskualdeko EH Bilduko zinegotzi eta alkateek

| 2019-12-10 12:48:00

Gaur goizean, Arrigorriagan, EH Bilduko alkate eta zinegotziek agerraldia egin dute AP-68 errepidean hileko gastu limitea ezar dadin eskatzeko.

Maite Ibarrak eta Itziar Bigurik, Arrigorriaga eta Urduñako alkateak hurrenez hurren, A-8, Supersur eta Artxandako Tuneletan aplikatzen den gastu muga bera eskualdeari eragiten dion errepidean aplikatzea exijitu dute.

Alkate biek gogoratu dute Aldundiak bere eskumeneko diren errepideetan gehienez 30 euroko bidesaria ordaintzeko sistema jarri zuela 2017ko urtarrilean. “Une horretan EH Bilduk Hego Uribeko udaletan eta Bizkaiko Batzar Nagusietan proposatu zuen AP-68 autopista erabiltzen duten bizkaitarrentzat antzeko hobari bat martxan jartzea, baina EAJk eta PSEk ezetz esan zuten Hego Uribeko herritarrak diskriminatuz”.

Alkate biek gogoratu dute abenduaren 5az geroztik AP-68 errepidea Aldundiaren eskumenekoa dela eta orain ez daukatela inolako arrazoirik “diskriminazio egoera horri eusteko”.

Milioi bat euro sistema abian jartzeko eta proposamenak udaletan

Agerraldi berean EH Bilduko kideek jakitera eman dute EH Bilduk milioi bat euroko emendakina sartu duela Bizkaiko Foru Aldundiaren aurrekontu proiektuan. Emendakin horren helburua da 2020. urtean sistema abian jartzea.

Horretaz gain gaia eskualdeko udal ezberdinetara eramango dutela jakinarazi dute EH Bilduko alkate eta zinegotziek. Udal ezberdinetan AP-68an gastu muga ezartzeko proposamena egingo dute. Proposamen bera Batzar Nagusietan ere egingo da.

Konformismoan oinarritutako aurrekontuei Osoko Zuzenketa aurkeztu die EH Bilduk

Aberastasunaren bidezko banaketa, kalitatezko enplegua bultzatzea eta klima larrialdiaren aurrean neurriak hartzea izango dira EH Bilduk egindako proposamenaren ardatzak

| 2019-12-02 11:52:00

Bizkaiko Foru Gobernuak aurkezturiko aurrekontu proiektuari Osoko Zuzenketa aurkeztu dio gaur goizean  EH Bilduk. Bea Ilardia bozeramaileak eta Arantza Urkaregi legebiltzarkideak azaldu dutenez, “EAJk eta PSEk aurkezturiko aurrekontu proiektua konformismoan geratzen den dokumentu bat da. Jada ezin dugu jarraikortasunaz hitz egin; alderdi bien jarrera konformismo hutsa da”.

Ilardiak azpimarratu du EH Bilduk Osoko Zuzenketa aurkeztu duela “aurrekontu proiektuak ez duelako Bizkaiko herritarren bizimodu duina bermatzen” eta, politika berberei eutsiz, ezinezkoa delako egoera larrienean dauden pertsonen bizimodua hobetu”.

Hiru ardatz EH Bilduren proposamenaren oinarrian

Aurrekontu proiektu horren aurrean, EH Bilduk aberastasunaren bidezko banaketa, kalitatezko enplegua eta klima-larrialdiaren aurkako neurriak hartzea eskatzen du.

“Gizarte zerbitzuak pertsona guztietara heldu behar dira eta langileen ekarpena handitzen ari den bitartean, enpresek gero eta ekarpen txikiagoa egiten dute. Azken urtean 93 milioi gutxiago bildu dira, esaterako, Sozietate Zergatik”, esan du Arantza Urkaregi batzarkideak.

Enpleguari dagokionez enplegu publikoa sortzeko diru gehiago bideratzea eskatu du EH Bilduk. “Azpikontratatuko zerbitzuetako langileen lan-baldintzak duindu behar ditugu 1200€ko gutxieneko soldata ez delako bermatzen eta eskualdeen garapenaren alde egin behar dugu. Kanpora begira dauden aurrekontu batzuk dira, nazioartetik talentua ekartzea helburu daukatenak, bertakoa zaindu ordez”, azpimarratu du Urkaregik.

Azken gaiari dagokionez, klima-larrialdiaren inguruan, neurri bakarra jasotzen dela gogoratu du Urkaregik. “Klima-aldaketaren aurreko Ekintza Planerako 44.000€ bakarrik bideratzen dira. Zein neurri har daiteke kopuru eskas horrekin?”

Bitartean, ingurugiroaren aurka doazen hainbat neurri bultzatzen dira, auto pribatuaren erabilera sustatzea adibidez. “Ezin da klima larrialdia aldarrikatu eta horren kontra jo baino larrialdia areagotu duten politikak bultzatu”, adierazi du Urkaregik.

EH Bilduk 219 zuzenketa partzial aurkeztuko ditu

EH Bilduk hainbat hobekuntza aurkeztu ditu bizkaitarron bizitza hobetzeko ekonomiaren sustapenarekin eta herrialde jasangarriago bat lortzeko helburuarekin. 140 milioi euro beste era batera inbertitzea proposatzen du 219 zuzenketa partzialen bitartez.

Enplegu duina bultzatzeko, eskualdeen ehun ekonomikoa indartzeko 4,3 milioi euro gehiago inbertitzea proposatzen du EH Bilduk eta, zenbait kasutan, administrazioan azpikontraten bidez lan egin beharrean, kontratazio zuzenaren alde egitea.

Klima larrialdiari erantzuteko, 5,3 milioi euro bideratzea proposatzen da baso politika berri bat bultzatzeko eta beste 10 milioi euro lehen sektorea indartzeko.

Horretaz gain, mugikortasunari dagokionez, Errekalde eta Galdakaoko metro lineetarako milioi bat euro aurreikusten ditu, Txartel Bakarra garatzeko 500.000€, 6,5 milioi euro gehiago bidegorri sarea indartzeko eta 1,5 milioi euro Errekaldeko saihesbiderako.

Berdintasuna zehar-lerro bat izan behar dela planteatzen du EH Bilduk eta helburu horretarako, sail guztietan, 6 milioi euro gehiago inbertitzea proposatzen du.

ALBISTEAK

Asier Vega: «EH Bilduren egiteko moduak gero eta jende gehiago biltzen du, baita Bizkaian ere»

2021-06-13 19:29:00

EH Bildu Bizkaiak bere zuzendaritza berria aurkeztu du gaur goizean, Bilbon.

EH Bilduko Bizkaiko zuzendaritza berriak %90,62ko babesa jaso du

2021-06-05 12:29:00

Asier Vega Isasik aurkeztutako lan taldeak zuzenduko du hurrengo lau urteetan EH Bildu Bizkaia

Lurralde politika eta plangintza estrategikoa eskatu ditu EH Bilduk Ezkerraldera inbertsio industriala erakartzeko

2021-06-05 12:12:00

EAJk eta PSEk Ezkerraldearekiko ahanztura instituzionala eta tertziarizazioaren aldeko urteetan nahita egindako apustua gaitzetsi ditu. Horren aurrean, lurzoruaren kudeaketa bere katalogazio industrialaren araberakoa izan dadila aldarrikatu du EH Bilduk, inbertsioak erakartzeko eta eskualdeari etorkizun duina bermatzeko.

EH Bilduk Bizkaiko Foru Aldundiari eskatu dio hobari-sistema bat ezar dezala AP-68ko ordainlekuan, Bizkaiko zatian

2021-06-01 14:32:00

Neurri horri esker, Hego Uribek jasaten duen diskriminazioarekin amaitu eta BI-625 errepidetik kamioien trafikoa murriztuko litzateke