AKTUALITATEA

EH Bildu Bilbok elkartasuna adierazi die Idoia Mendiari eta Alfonso Gili eta bere etxebizitzaren aurkako erasoa gaitzetsi du

| 2020-05-20 10:53:00

EH Bildu Bilbo udal taldeak Idoia Mendia, PSE-EEko idazkari nagusiaren, eta Alfonso Gil, Bilboko Udaleko alkateordearen, etxearen kontrako erasoa gaitzetsi du eta elkartasuna eta babesa adierazi die Mendiari eta Gili. 

Jone Goirizelaiak, EH Bilduren Bilboko bozeramaileak, gertaera hau gaitzetsi du eta “lekuz eta testuinguruz kanpo” dagoela azpimarratu du. Halaber, EH Bilduren apustua berretsi du, “aniztasun ideologikoa errespetatzeak balio bortxaezina izan behar duen Euskal Herriaren alde, eta elkarbizitza demokratiko eraikitze eta finkatzearen alde” , gaineratu du.