Albisteak

Osoko bilkurak aurreikusita eta aurrekontuan jasota egon beharko luketen gastuetarako kredituak onartu ditu. Aldi berean, kontratu irregularrak onartzen jarraitzen da


| 2022-04-29 11:56:00

Atzoko osoko bilkura udal-aurrekontuetan aurreikusi gabeko programa eta ekimenetarantz diru- mugimenduen beste adibide bat izan zen, gobernu talde honen etorkizun-ikuspegirik eza berriro erakusten duena. Plangintza ekonomiko egokia egin beharrean, EAJk eta PSEk gehiengo osoa erabiltzen dute udal aurrekontuko diru-mugimenduak etengabe onartzeko. Kudeaketa alderdikoia, barakaldarren benetako beharren kaltetan.

Aurrekontu-eztabaidan gobernu-taldeak aurkeztutako proiektuari aurka egin genionean, jada argudiatu genuen Udalak hartutako konpromisoak betetzen ez zituen proiektu bat onartzen zela. Adibide gisa, atzo kreditu gehigarri bat onartu zen udalaren eta UNEDen arteko hitzarmena (aurreikusita zegoena) ordaintzeko. Iazko soberakinaren kreditu bidez 300 mila euro baino gehiago ere lekualdatu ziren atzo, Usoa Lantegia udal tailerraren likidezia falta konpontzeko. Gauza bera onartu zuten EAJk eta PSEk merkataritza-bonuen kanpaina bermatzeko partida ekonomikoarekin. Aipatzekoa da bi alderdi hauek atzera bota zutela EH Bilduren aurrekontu-zuzenketa bat, hain zuzen ere horretarako.

Eta horrela, etengabe egiten dira kreditu-onarpenak, diru-mugimenduak, horietako asko kontu-hartzailearen txostenak kontrakoak izan arren. Azkena, atzo bertan, Gurutze Gorriaren aldeko 140.00 euroko faktura batena, kontu-hartzailearen kontrako zigiluarekin.

Eta hau guztia osoko bilkuren aretoan gertatzen den bitartean, kanpoan albistea da gobernu-taldearen aurkako epai judizialak ematen direla osoko bilkuraren konpromisoak ez betetzeagatik edo Barakaldo Kirolakek kontratu irregularrak onartzen dituela. Barakaldo Kirolak, non erabiltzaileek ezin dituzten instalazio batzuk erabili, garbitzaileak greban daudelako lan-baldintzak eta hitzarmen duinak eskatzen. Etengabe errepikatzen diren grebak, zerbitzuak azpikontratatzearen ondorio direnak. Eta hori guztia EAJ kudeaketaz harrotzen den bitartean, iazko aurrekontutik milioika euro soberan geratu direlako. Nondik eta krisi garaian jada murriztuta zegoen aurrekontutik!