EAJk eta PSEk promesa alderdikoietara bideratu dituzte berreskuratze proiektuetarako izan beharko ziren Aldundiaren 4 milioi euro baino gehiago


| 2022-05-27 09:42:00

Aldundiak Barakaldoko Udalari emango dizkion ia 4 milioi eta erdiak, eta berreskuratze proiektuetarako izan beharko ziren promes alderdikoietara, bideratzea onartu zuten EAJk eta PSEk. Aparteko diru sarrera hau herrialdeko lau trantsizio estrategiko handiei erantzuteko planteatu zen: iraupen luzeko zainketak, digitalizazioa, mugikortasun jasangarria eta ingurumena. Beste behin ere, ez oposizioak ez gizarte-eragilerik, ezin izan dugu diru publiko hori zertarako erabili eztabaidatu.

Gainera, EAJk eta PSEk gaur onartutako proposamenak ez dira lehentasunezkoak Barakaldorentzat, onura sozialari dagokionez. Eta ez diete trantsizio estrategiko horiei erantzuten, are garrantzitsuagoa dena egungo egoeran. Kaleak egokitzea, aparkalekuak, plazak birgaitzea, instalazioak hobetzea, beeteak beste izango dira aparteko funts horien xedea. Aitzitik, hain beharrezkoak diren eta EH Bilduk behin eta berriz eskatu dituen proiektuak, hala nola adinekoentzako egoitza publiko bat, udal eraikinetan energia berriztagarri fotovoltaikoa ezartzea, udal energia merkaturatzaile bat sortzea, herri barruko zerbitzuak lotzeko hiri arteko bidegorriak eta abar, ez dira planteatu funts horiekin aurrera eramateko.

Solarrek onartu zuen aipatutako proiektu horietako gehienak ezin izango zirela oraingoan sartu, aurretik ez zeudelako planteatuta, eta hori da baldintza-agirietako baldintzetako bat. Izan ere, “argi dago proiektu horiek ez daudela gobernu-taldearen lehentasunen edo programaren barruan, nahiz eta herritarren egungo eskaerei erantzun dieten eta, batez ere, herritarren ongizaterako pentsatuta egon”. Horrela, beste behin ere, berreskuratze-proiektuei erantzun beharko lieketen ezohiko funtsak alderdikerietara bideratuko dira.