Araba

Asparrenako Udalak gizarte, kultura eta kirol arloko eragileei deialdia egin die osasun-krisiak markatutako 2020ko Araiako jaiak diseinatzeko

Txelo Auzmendi: "Bizi dugun egoerara egokituko gara, gure baliabideekin, gure irudimenarekin, gure ahaleginarekin, eta, batez ere, gure burua eta besteena zaintzeko konpromiso sozial eta komunitarioarekin"

| 2020-05-09 12:47:00

Datorren ekainean Araiako jaiak ez dira orain arte ezagutu ditugun bezalakoak izango. Osasun krisiak ohiko jarduerak galaraziko ditu, besteak beste, berbenak, kontzertuak eta zezensuzkoa. Hala ere, Udalaren asmoa da Araiak bere jaiak ospatzea eta, gainera, ahalik eta parte-hartze handienarekin egitea. Hori dela eta, maiatzaren 20ra arte, Udalak epea ireki du Jai Batzordean parte hartzen duten gizarte, kultura eta kirol eragileen proposamenak biltzeko. asparrena.kultura@gmail.com helbidearen edo 945304006 telefonoaren bitartez egin ahal izango da.

 

"Modu batera edo bestera, jaiak ospatuko ditugu, nahiz eta ezagutzen dugun formatuarekin ez izan. Nola ez, egokitu egingo gara bizi dugun egoerara, gure baliabideekin, gure irudimenarekin, gure ahaleginarekin, eta, batez ere, gure burua eta besteena zaintzeko konpromiso sozial eta komunitarioarekin ", azaldu du Txelo Auzmendi Asparreneko alkateak. "Konfinamenduan hainbat aste eman ostean, gure herritarrek merezi dutela uste dugu. Gure kaleak eta bihotzak pozez zipriztintzea merezi dugu. Eta egin egingo dugu, nahi dugulako, ahal dugulako eta komeni zaigulako ", gaineratu du.

 

Azaldu duenez, jai-egitaraua otsailetik itxita zegoen, eta Udalak hainbat ideia aztertu ditu dagoeneko. Orain, beste ekimen posible batzuk bildu nahi dira, ondoren, egoeraren eta osasun-segurtasun handiagoa bermatzeko ezarritako protokoloen arabera, jai-programa "desberdina, egoera berrietara egokitua eta, beti bezala, gure herriko eragileen parte-hartzearekin" egiteko.

 

Donemiliagako Udala udalerriko 74 eragile sozio-ekonomikorekin harremanetan jarri da, haien beharrak ezagutzeko

Egoera bertatik bertara ezagutu nahi du, pandemiaren ondorioak jakin ahal izateko

| 2020-05-07 10:00:00

Donemiliagako Udala udalerrian erroldatuta dauden 74 eragile sozio-ekonomikorekin harremanetan jarri da, haien beharrak bertatik bertara ezagutzeko. Arabako Lautadako udalerri honetan erroldatuta dauden abeltzainak, nekazariak, nekazaritza-turismoko etxeak, tabernak, jatetxeak eta ostalaritzarekin lotutako beste enpresa batzuk dira gehienak. Helburua horietako bakoitzaren egoera zehatza ezagutzea da, ondoren laguntza-lerro "eraginkorrak" eta "nahikoak" sortu ahal izateko, beti ere udal eskumenen arabera.

 

Hala azaldu du Erika Letamendi Donemiliagako alkateak. "Kezkatuta gaude pandemiak udalerriko ehun sozio-ekonomikoan izan dezakeen eta izango duen eraginagatik. Badakigu beste erakunde batzuek laguntza-lerroak abian jarri dituztela eta, izan ere, gure herritarren artean informazio hori zabaldu dugu, baina ez dakigu nahikoak diren eta kaltetutako pertsona guztiengana iristen diren. Hori dela eta, informazio guztia izan nahi dugu ", zehaztu du Letamendik.

 

Horretarako, guztiei zuzendu zaie gutun baten bidez. Horrez gain, aste honetan zehar, alkatetzak, aldez aurretik hitzordua eskatuta, telefonoz, telematikoki edo aurrez aurre hartuko ditu interesa duten guztiak. "Pandemiaren ondorioen eta premia larrienen argazki ahalik eta osatuena dugunean, gure aukeren eta eskumenen arabera, gure udalerrian martxan jar ditzakegun neurriak aztertuko ditugu", adierazi du Donemiliagako alkateak.

ALBISTEAK

ALESTIS-eko langileen ordezkariek agerraldia egingo dute Batzar Nagusietan, EH Bildu-k eta Elkarrekin Araba-k hala eskatuta

2020-09-11 08:23:00

Talde aeronautiko horren zuzendaritzak enplegua erregulatzeko espedientea (EEE) aurkeztu du, Miñaoko Parke Teknologikoan dagoen lantegiko 178 langileetatik 87 kaleratzeko.

Aldundiak ardogintza sustatzeko kontratu bat “atzamarrez” esleitu duela salatu du EH Bildu-k.

2020-09-08 09:50:00

Kike Fernandez de Pinedo: "Sektoreak neurri zehatzak eta gardenak behar ditu, sektore osoari zuzenduak, eta ez gutxi batzuei bakarrik. Aldundiak ezaugarri bereko beste proiektu bat ezagutzen duenean, onartezina da lehiaketa publikorik gabeko kontratu bat sinatzea".

EH Bildu-k Denis Itxasoren agerraldia eskatu du, Barrongo urtegiaren proiektuaren inguruan Espainiako Gobernuak dituen kontraesanak azaltzeko.

2020-09-04 08:44:00

Kike Fernandez de Pinedo: “Kontraesanen garaia amaitu da. Barrongo urtegiaren proiektua behin betiko baztertu behar da, neurrigabekeria hutsa baita: Arabako Haranak ureztatzeko proiektua eguneratu, berregituratu eta alternatibak bilatu behar ditugu”

Adinekoentzako eta desgaituentzako egoitzei buruzko zein etxez etxeko laguntza zerbitzuari buruzko informazio zehatza eskatu du EH Bilduk

2020-08-26 11:50:00

Zerbitzu Sozialen Foru Diputatuaren agerraldia eskatu du egoera azaldu dezan eta bigarren olatuari aurre egiteko hartu diren neurriak azaldu ditzan