AKTUALITATEA

| 2023-11-08 12:02:00

Gorka Ortiz de Guinea: «Gure proposamena akordio bat lortzeko bidean doa, eta Nafarroan akordio hori onartu zuten alderdi sozialistak, EAJk, Elkarrekin eta, jakina, EH Bilduk»

Araba. 2023-11-08 | EH Bilduk Araban Nafarroan ezarrita dagoenaren antzeko Fortuna Handien gaineko Zerga ezartzea proposatuko du, bertan sortutako adostasun zabala errepikatuz eta zerga horren bilketa potentziala handituz.
Helburu horrekin, EH Bilduk zuzenketa bat aurkeztuko dio Batzar Nagusietan Fortuna Handien gaineko Zerga arautzen duen foru arauari, 11 milioi euroko ondaretik aurrera tarte berri bat sortzeko eta % 3,5eko tasa ezartzeko, Nafarroan egin zen bezala.

Horrela, Gorka Ortiz de Guinea EH Bildu Arabaren batzarkideak esan duenez, EH Bilduk nahi du aberastasun handien gaineko zergak «bere helburua betetzea» eta, era berean, «EAJk eta PSEk zerga hori edukiz husteko egindako ahalegina gainditzea».

Aberatsentzako pase forala

«EAJren eta PSEren proposamenak Fortuna Handien gaineko Zerga edukiz husteko eta aberatsentzako pase forala aplikatzeko saiakerari erantzuten dio, hau da, forman zerga hori ezartzeari obeditzea baina, praktikan, zerora murriztuta uztea», adierazi du, eta EAJren eta PSEren erabaki horren atzean. «Lehiakortasun fiskalaz hitz egiten dutenean, aberatsei hemen estatuan baino zerga gutxiago ordaintzen laguntzeaz ari dira».

Egoera horren aurrean, EH Bilduko ordezkariak adierazi du «EAJk eta PSEk osatzen duten Foru Aldundiko gobernua gutxiengoan» dagoela eta «eseri, adostu eta negoziatu» egin beharko dutela, «zerga hau errealitate izatea nahi badute». Hala, EH Bilduren borondatea adierazi du «zerga honen progresibotasuna eta eraginkortasuna hobetzeko akordio bat adosteko, ganbera honetako taldeen proposamenetatik abiatuta».

Beraz, EH Bilduk fiskalitate progresibo baterantz aurrera egitearen aldeko apustua egin du, eta Fortuna Handien gaineko Zerga horretarako aukera bat dela uste du. «Proposamen honekin, akordioak errepikatzeko eta aberastasun handien gaineko zergaren bilketa-potentziala salbatzeko eskua luzatzen dugu; izan ere, Nafarroan, aldaketa horrek PSEren, EAJren eta Elkarrekin eta, jakina, EH Bilduren babesa jaso zuen», amaitu du Ortiz de Guineak.