AKTUALITATEA

EH Bilduren Nafarroa Garaiko Mahai Politikoak Laura Aznal Sagasti proposatu du Nafarroako lehendakarigai
| 2026-09-02

EH Bilduren Nafarroa Garaiko Mahai Politikoak Laura Aznal Sagasti proposatu du 2027ko maiatzaren 23ko foru hauteskundeetan ezker subiranismoaren zerrendaburu eta lehendakarigai izateko. Nafarroak aurrera egitea ahalbidetu duen azken hamarkadako lan sendoari jarraipena emateko xedez, Mahai Politikoak Aznalen aldeko apustu garbia berretsi du.

Erronkak biderkatzen ari diren testuinguru konplexu honetan, EH Bilduk azpimarratu du Nafarroan aurrera egitea baimendu duten gehiengoak indartzeko, sendotzeko eta elkarlana sakontzeko garaia dela. Gure ustez, ezinbestekoa da herritarren kezkei zein lehentasunei anbizio handiz erantzutea, atzera urratsik eman gabe eta nafar eskuinak iraganeko ereduetara itzultzeko abiatutako ofentsibari irmoki aurre eginez. Horregatik guztiagatik, Nafarroa Garaiko Mahai Politikoak berretsi du Laura Aznal Sagasti dela pertsonarik egokiena erronka horiei guztiei anbizioz erantzuteko eta proiektua ordezkatzeko.