AKTUALITATEA
Ekonomia | 2024-05-06
Bizkaiko Herri Irratian egindako elkarrizketan, EH Bilduko koordinatzaile nagusiak, Arnaldo Otegik, kritikatu du «PSEk esaten zuen ez zela EAJrekin fidatzen eta alderantziz, baina 24 orduan ados jarri dira. Saiakera bat dago ezer aldatu ez balitz bezala egiteko, karguak banatzen dituzten bitartean». «Orain esaten dute proiektuak eta programak bateratu egingo dituztela. Bitxikeria intelektual bat daukat: nola egingo duten ikustea, ez baitaude batere ados ezertan», gaineratu du.
Europako hauteskundeen garrantziaz galdetuta, Otegi kezkatuta agertu da eskuinaren gorakadarekin, «Europako hauteskunde hauek garrantzitsuak dira, eskuin muturrekoak talde garrantzitsua izan baitezake. Eta eskuineko zenbait sektorek oso jarrera militaristak dituzte». «Hego Euskal Herriko lehen indarra izan nahi dugu. Euskal Herria eta ezkertiar politikak defendatuko ditugu Europan, jarrera antifaxista nabarmenarekin», esan du, emaitza onak lortzean sinetsita.
Erregenerazio demokratikoaren beharrari buruz Estatuan zabaldu den eztabaidari dagokionez, bozeramaileak argi eta garbi adierazi du: «niretzat erregenerazio demokratikoa behar da, eta inbestidura-blokearen gehiengoa lasaitasunez eta zuhurtziaz horretan lanean hastea. Erregenerazio demokratikoaren aurka daudenak ez dira geldituko».
AZKEN ALBISTEAK
Luhuso auziko epaia berri ona dela uste dute EH Bilduk eta EH Baik, errugabetuak izan behar zirela azpimarratu duten arren
| 2024-05-16
EH Bilduk abstentziorako bidea hartu du Haurreskolak Partzuergoaren Batzar Nagusian
| 2024-05-15
