Zarautz

urte berri on!

| 2021-12-23 13:03:00

"10 urte besterik ez" dokumentalaren emanaldia

10 urte besterik ez dokumentala proiektatuko da

| 2021-09-13 13:32:00

Zarauzko EH Bilduk emanaldira gonbidatzen zaitu!

Eguna: Irailak 16, Osteguna

Tokia: Modela zinaman

Ordua: 18:30ean

 

(I)Biltzen prozesua hasiko du Zarauzko EH Bilduk

Amesten dugun herri eredua definitu eta datozen urteei eta hauteskundeei begira prestatzen hasteko helburuarekin, beste urrats bat eman nahi dugu

| 2021-04-27 14:05:00

Zarauzko EH Bilduren saretze prozesuarekin hasi ginen orain 15 hilabete. Orduztik hona hainbat ekintza txiki egin ditugu, eta orain, amesten dugun herri eredua definitu eta datozen urteei eta hauteskundeei begira prestatzen hasteko helburuarekin, beste urrats bat eman nahi dugu: (I)BILTZEN prozesua.  

Izenak berak dioen bezala, helburu hori lortu nahi badugu, elkarrekin bildu eta ibiltzen hastea garrantzitsua da, eta horretarako 2 saioko prozesu txiki bat antolatu dugu.

Jakin badakigu horrelako ekintza batean parte hartzeak eskatzen duen esfortzua handia dela, baina EH Bildurekin bat egiten dugun zarauztarron iritzi, ikuspegi  eta ekarpenak ezinbestekoak dira prozesuaren  emaitzak zentzua izan dezan, horregatik, parte hartzera animatzen zaitugu.

         

1. saioa: maiatzaren 22an (larunbata, 10:00etatik 13:00etara)

         Egungo egoeraren azterketa eta amesten dugun Zarautz irudikatzea

2. saioa: ekainaren 5ean (larunbata, 10:00etatik 13:00etara)

         Amesten dugun Zarautz hori lortzeko zer egin?

 

Parte hartzeko maiatzaren 19a baino lehenago izena ematea beharrezkoa da (saioak ongi antolatu eta segurtasun neurriak bete ahal izateko).

Izena emateko aukerak: inprimaki hau betez, email honi erantzunez edo 607265214 telefonora deituz.

Covid-19a dela eta, segurtasuna mantentzeko neurri guztiak zorrotz beteko dira.

Bi saioak Salbatore Mitxelena Ikastolako gimnasioan egingo dira.

Haurtzaindegi zerbitzua egongo da (aurrez jakinarazita)

Saio hauez gain, EH Bilduk alkatetza duen hiru herritako esperientziak ezagutzeko mahai-inguru bat antolatu dugu maiatzaren 18an. Bertan, Aizpea Otaegi, Errenteriko alkatea, Agurtzane Solaberrieta, Usurbilgo alkatea eta Iñaki Ostolaza, Zumaiako alkatea izango ditugu, beraien eta beraien herrietako esperientziak eta proiektuak gurekin partekatzeko. Mahai-Ingurua Modelo aretoan izango da.

Komunitatea sendotu, elkarrekin bildu eta pausoak ematen hasi behar dugu. (I)BILTZEN!

Oharra: Printzipioz data hauetan egin nahi dira saioak, baina Zarauzko datuen eboluzioaren arabera aldaketaren bat egin beharrean aurki gaitezke. Hala gertatzen bada, informatuko zaituztegu. 

Zarauzko EH BILDUren 3. buletina

2020ko uztaila

| 2020-07-29 14:13:00

Hemen duzue Zarauzko EH Bilduko Udal Taldearen 3. buletina. 6 hilabeteko bakoitzean gertatutakoren edo egin ditugunen bilduma labur bat izaten da buletina. Ez dago dena, baina bai garrantzi gehiena duena, gure ustez.

Covid-19ak kutsatu ditu hilabete hauek, eta, nola ez, hainbat puntutatik aztertu dugu Zarautzen gertatutakoa. Baina badira beste gai batzuk ere, eta horien berri ere baduzue hemen: hauteskundeak, estazio berriaren proiektua, Salberdin, mugikortasuna eta Zarauzko EH Bilduren saretze prozesua.

Osoa irakurri nahi baduzu, klikatu hemen.

Xabier Txurruka alkatearen manipulazioak eta jauntxokeriak salatu ditu EH Bilduk

Alkatearen jarrerarekin kezkatuta agertu da EH Bildu, bai formen aldetik baina baita udaleko arauak ere ez dituelako errespetatzen.

| 2020-07-08 13:10:00

Azken plenoan eta sare sozialetan Xabier Txurruka alkateak adierazpen onartezinak egin dituela salatu du EH Bilduk, “modu iraingarrian eta informazioa manipulatuz”. Izan ere, zenbait gaietan iritzi ezberdina azaltzen duten bakoitzean akusazio larriak entzun behar izaten dituztela salatu du EH Bilduk: “zikin eta zakar jokatzea, iruzur egitea eta gauzak argi ez esatea leporatzen zaigu”.

Bitartean, alkateak iradoki du Talaimendiko eraikintzarrari EH Bilduk eman ziola lehenengo ur baimena, “garbi dakienean hori ez zela horrela izan”. “2015eko maiatzaren 13an Hirigintza sailetik Foru Aldundiari eta Aiako Udalari eraikin berriari buruzko txostenak eskatu genizkien, gure eta hainbat herritarren kezka adieraziz. Hurrengo egunean, Herrilanetik dekretu proposamena sinatu zen, prozedurak hala eskatzen zuelako. Baina maiatzaren 25ean Foru Aldunditik eraikinaren aldekoa ez zen txostena jaso zuen Udalak, eta hori ikusita, ez zen dekretu definitiborik sinatu eta ur-hartunerik ez zen eman”, azaldu du Mikel Goenaga zinegotziak.

Udal hauteskundeen ondoren, EAJ-PSEren udal gobernu berriak berriz ere prozesu guztia martxan jarri zuela argitu du EH Bilduk, beste dekretu proposamen bat eta, kasu horretan bai, dekretu bat sinatuz, diputazioko kontrako txostenen berri izanda.

Jauntxokerizko erabakiak

Gainera, udalbatzari eta bere eskumenari muzin egin eta udala berea balitz bezala jokatzen duela ere salatu du EH Bilduk. “Lehengo asteko plenoan Salberdineko udal partzeletan dagoeneko martxan dauden  zenbait lanen onarpena bozkatzera eraman zuen, udal arauek alkateari behartzen dioten prozedura jarraitu gabe”. Gertatzen ari zenaren larritasuna ikusirik udalbatzarrean birritan azalpenak eskatuta alkateak erantzunik eman ez zuenez, EH Bilduk idatziz galdetu behar izan du ea udal jabetzako eremuetako lanak ofizialki noiz hasi ziren eta nork baimendu dituen.

EH Bilduk Salberdineko proiektuak ahalik eta azkarren aurrera egitea nahi duela esan du Muruak, “baina gauzak ondo eginez, jauntxokeriarik gabe”.

ALBISTEAK

LEHENTASUNA HERRITARRAK DIRA

2020-05-15 19:08:00

Oraindik askotan eskatu dugun Zarauzko aurrekontuen egokitzapenaren argazki zirriborro bat ere ez dugu ikusi.

Zarauzko EH Bilduko udal taldeak bideo bat zabaldu du

2020-04-07 12:05:00

Covid-19aren ondorioz herritarrak animatu eta eskertu nahi izan ditu bideo honen bitartez.

Itziar Murua Ahuntzaren gauerdiko eztula irratsaioan izan zen

2020-03-29 13:30:00

Covid-19aren ondorioz Zarauzko egoeraz eta EH Bildutik egindako proposamenez mintzatu da bertan.

Zarauzko EH Bilduko udal taldeak proposamen berriak aurkeztu ditu aste honetako bozeramaile bileran

2020-03-24 13:59:00

Osatu berri den krisi mahaien parte hartu beharko lukela uste du EH Bilduko udal taldeak