AKTUALITATEA

Sopelako udala: bizilagun guztiontzat irekia

| 2025-03-27 22:24:00

EHBildu: gobernatzeko beste modu bat...

EHBilduk udal hauteskunde-programan zera adierazi zuen "Udala gidatzeko modua aldatzea (parte-hartzaileagoa, gardenagoa, kooperatiboagoa), partaidetzaren kultura bere funtzionamenduan sartuz. Udal Erregelamendu Organikoa (UEO) aldatzea ". Hau da gure gobernantza-estiloa: demokratikoa, parte-hartzailea eta auzotarrentzat irekia eta betetzen ari gara.

ORAIN auzotarrek parte hartzen dute

  • Terrazei buruzko ordenantza
  • Lonjak etxebizitza bihurtzeko ordenantza
  • Urgitxetako plaza berritzea
  • Udal-aurrekontuak
  • Hiri Antolamenduko Plan Orokorra (HAPO)
  • Turismo Plana
  • Kirolaren plan estrategikoa
  • Herri bideak
  • UdalHez eta Oinherriren hezkuntza-planak
  • …

Hauek dira Udalak bultzatu dituen parte-hartze prozesuetako batzuk eta EHbilduk oso balorazio positiboa egin du. Prozesu batzuk arrakastatsuak izan dira: aurrekontu parte-hartzaileak; HAPOren diseinuan. Beste batzuetan, parte-hartzea txikiagoa izan da, baina udal araudiak egin aurretik iritzia eman nahi izan duten interesdun guztiei entzun zaie: lonjen jabeei, etxebizitza bihurtzeko; ostalaritza jabeei eta bizilagunei, terrazako araudian... eta beste batzuk teknikoagoak izan dira: turismoaren plana; kirolaren plan estrategikoa eta gaian espezializatutako sektoreei ahotsa eman zaie...

ORAIN auzotarrek abotsa dute instituzioetan

  • Gai zehatz batean interesa duten pertsonek eta kolektiboek PARTE HAR DEZAKETE udal-batzordeetan eta beren ikuspuntua eman zinegotzien aurrean.
  • Gai zehatz batean interesa duten pertsonek eta kolektiboek PARTE HAR DEZAKETE osoko bilkuran, gai hori aztertzen ari denean, eta, beraz, haien iritzia kontuan har daiteke.
  • Gai zehatz batean interes duten pertsonek eta kolektiboek mozioak aurkez ditzakete zuzenean Osoko Bilkuran.

LEGEGINTZALDI HONETARA ARTE HAU GUZTIA EZINEZKOA ZEN. Bizilagunek ezin zuten udal-batzorde informatiboetara joan; Osoko Bilkuran "galde-eskeetan" bakarrik hitz egin zezaketen, eta mozio bat aurkezteko alderdi politiko baten bidez egin behar zen. Orain zuzenean parte har daiteke eta horretarako EHBilduk Udal Organikoaren Araudiaren aldaketa bultzatu du.

ORAIN udalean ordezkaritza duten alderdi guztiei lana errazten zaie

  • Zinegotzi guztiek udal espediente guztietarako sarbide librea dute, aldez aurretik alkatetzaren baimenik behar izan gabe.
  • Udalean ordezkaritza duten alderdi guztiek parte har dezakete Udal Gobernu Batzordean.
  • Alderdi guztiek mozio ez-erabakitzaileak aurkez ditzakete, gobernu-taldea prozedura bat hastera behartzen dutenak.

LEGEGINTZALDI HONETARA ARTE HAU GUZTIA EZINEZKOA ZEN. EHBildu alkatetzara iritsi arte, gezurra dirudien arren, alkateari baimena eskatu behar zitzaion udal espediente bat ikusteko; ezin zen Gobernu Batzordean parte hartu eta oposizioko mozioak sinbolikoak baino ez ziren eta ez zuten Gobernu Taldea behartzen.