Sopelako komisaria berriari EZ!


| 2022-06-22 18:48:00

Sopelan komisaria berri bat eraikitzeko 700.000 euroko lursailak erosteko EAJk eta PSEk egindako proposamenaren aurrean, EH Bilduk Udaltzaingoaren egungo lokalak birmoldatzeko alternatiba bat aurkeztu zuen (280.962 euro). Orduan, gobernu taldeak txosten tekniko bat aurkeztu zuen, EH Bilduren proiektuaren balizko hutsuneak azalduz. EAJren eta PSEren ezezkoa onartu beharrean, EH Bilduk bere proiektua birmoldatu, hobetu eta zehaztu du, argudio sendoekin txosten alternatibo bat aurkeztuz.

 

Udaltzaingoaren egungo instalazioak hobetzearen aldeko apustua egiten dugu. Gure proposamenak baieztatzen du posible dela gure udaltzaingoaren egungo egoitza birmoldatzea, eta udal teknikariek horrela baieztatu ziguten: herritarrei eskaintzen zaien zerbitzua hobetzen du (herritarrengandik hurbil dagoen eta herriaren erdigunean kokatuta dagoen udaltzaingoari buruz dugun ikuspegiarekin bat etorriz), koherentea eta proportzionala da udalaren beste behar eta lehentasun batzuekin, langileen lan-baldintzak hobetzen ditu eta dagozkion baldintza tekniko guztiak betetzen ditu (eraikuntza-kodea, segurtasuna suteen kasuan, segurtasuna eta irisgarritasuna, lan-errekerimendua eta energia).

 

Gure Udaltzaingoaren egungo instalazioak hobetzearen aldeko apustua egiten dugu, beste udal-premia batzuekin bat etorriz eta herritarrengandik hurbil dagoen eta herriaren erdigunean kokatuta dagoen udaltzaingoari buruz dugun ikuspegiarekin bat etorriz.

 

Gobernu-taldeari dei egiten diogu Sopelan herri-kontsulta bat egin dezan, herritarrek erabaki dezaten benetan udaltzain berri bat nahi duten edo nahiago duten diru publikoa Sopelarentzat estrategikoak diren beste proiektu batzuetara bideratu.

 

Argazkia: Getxoko Udaltzaigoaren Komisaria. Horrelako eraikin bat nahi du EAJ-ak Sopelarentzat?, hori al da Sopelak duen beharrizan nagusienetakoa?

 

Hemen duzu EH Bilduren ALTERNATIBA!!!