Albisteak

SOPELAKO GURE ESKU ETA PIRINIOETAKO BIDEA


2022ko uztailaren 2an, katalan eta euskal herritarrok 300 gailurretik gora argiztatuko ditugu Pirinio osoan zehar. Farol bereziak eta linternak baliatuz, argi-lerro bat osatuko dugu Euskal Herria eta Katalunia batuz, gure herrien autodeterminazio eskubidea aldarrikatzeko. Sopelari Artxuria mendia egokitu zaio Zugarramurdin.

| 2022-05-15 19:08:00

Bost urte bete berri dira Sopelan erabakitzeko eskubideari buruzko herri-galdeketa egin zenetik, parte-hartze eta mobilizazio sozial handiarekin.


Datorren uztailaren 2an, Kataluniak eta Euskal Herriak erronka handia dute: Pirinioetan 300 gailur argiztatzea, munduari mezu argi bat helarazteko: "Hemen bi herri daude erabaki nahi dutenak".


Sopelari Artxuria mendia egokitu zaio Zugarramurdin. EH Bildutik, parte hartzera animatzen zaituztegu helburu hori betetzeko. Horretarako, jarri harremanetan Sopelako Gure Eskurekin (gureeskusopela@gmail.com), informazio guztia jasotzeko eta antolatzen ari diren autobusean izena emateko.