Pasaia

Zorionak Pasaiako haur eta nerabe guztiei!

Pasaiako EH Bilduren adierazpenak arazoaren 20aren harira, Haur eta Nerabeen Eskubideen Nazioarteko Eguna

Gazteria,Hezkuntza,Parte-hartzea | 2019-11-20 10:00:00

Iritsi da beste urte batez azaroaren 20a, Haurren eta Nerabeen Eskubideen Aldeko Nazioarteko Eguna, alegia. Honen harira, Pasaiako EH Bilduko kideok zorion hitzak besterik ez ditugu gure herriko haur zein nerabeentzat.

Zuen eskubideak aldarrikatzeko eguna da eta horregatik, kalera irtengo gara denak elkarrekin elkarlanean antolatu dituzuen ekintza guzti horietaz gozatzera.

Pasaian urteak daramatzagu haur eta nerabeen eskubideen aldarria ozen egiten, baina, azken urteetan zuek – haur eta nerabeak - izan zarete protagonistak. Aldarri honen erdigune bilakatu zarete eta sekulako lana egin duzue hau horrela izan dadin. Beraz, ZORIONAK!

Dena den, ezin dugu ahaztu “Eskubidean” herri-proiektuaren baitan lanean diharduen lantaldea, gure eta pasaitar guztien aitortza merezi dezue lantaldea. Hauentzat ere hitz politak besterik ez ditugu. Bertan, sailen arteko mahaian lan egiten duzuen teknikariak, hezkuntza-komunitateak, udaleko zerbitzuak, hezitzaileak eta oro har herriko eragileak zaudete, beti herria eta herri/irrigintzarekin konprometituak. Mila esker!

Gure aldetik, EH Bilduko kideok berriro ere “Eskubidean” planarekiko zein haur eta nerabeen eskubideen aldarriarekiko dugun konpromisoa azaldu nahi genuke. Gure esku dagoen guztia egingo dugu haur eta nerabeek benetako parte-hartzea izan dezaten udal politikan. Beste herritar oro bezain garrantzitsuak dira eta ondorioz, erabakitzeko eta euren eskubideak bermatzeko tresnak eta metodoak garatu behar ditugu udal ordezkari gisa.

Azkenik, lehen aipatu dugun ekintza mordo horretan parte-hartzera animatu nahi zaituztegu herritarrak. Haur eta nerabeen eskubideen aldarria denok egin behar dugulako.

Pasaiako EH Bilduk 2020ko aurrekontuak adosteko proposamena bidali die gobernuko udal taldeei

Pasaiako EH Bilduko kideek emendakinak prestatu dituzte Udal Gobernuari aurkezteko.

Ekonomia,Politika soziala,Aurrekontuak | 2019-11-15 16:00:00

Pasaitarren bizitza hobetzea eta erdigunean jartzea dugu helburu.

Pasaiako EH Bilduko kideok 2020ko aurrekontuen harira proposamen zehatzak aurkeztu eta erregistratu ditugu Udalean, pasaitarren bizitza hobetzea eta erdigunean jartzea helburu dutenak, herritarrek emandako konfiantza oinarri.

Kultura, ekonomia soziala eta gizarte ekintzako politikak indartu nahi ditugu.

Gure taldeak eginiko ekarpenek kultura, ekonomia soziala eta gizarte ekintzako politikak indartzea dituzte xede nagusi, besteak beste. Zehazkiago, gure herrian boluntario lanean ari diren kultur eta jolas elkarteek jasotzen dituzten diru-laguntzak handitzea, eta herriko jaietarako aurrekontuak emendatzea proposatzen dugu, herriari bizitasuna txertatzeko egiten duten lana aitortzearekin batera. Era berean, Eskola Kultura programa sustatzeko diru-partida sortzea proposatzen dugu, eskola kirolak jarduera fisikoen ezagutza bultzatzen duen bezala, Eskola Kultura programa horrek gure gazteen artean kultura bultza dezan. Azkenik, larrialdi sozialerako gastuetako partida handitzea proposatzen dugu, babesgabetasun egoeran eta egoera zaurgarrian dauden pertsonak babestea oinarrizkoa dela iruditzen baitzaigu.

Herri honek dituen egiturazko arazoei aurre egiteko proposamenak ere egin ditugu.

Pasaiako EH Bilduren adostasun proposamena, ordea, aurrekontuetako partida batzuetatik haratago doa. Ondorioz, herri honek dituen egiturazko arazoei aurre egiteko proposamenak ere egin ditugu, legealdi hasieran aipatu bezala, gure ustez, udal talde guztioi adostasun batera iristea dagokigulako beste erakundeen aurrean gure herriari dagozkion neurriak exijitzeko. Adibide gisa, EH Bilduren ekimenez Portuak eragin ohi dituen ingurumenarekiko kalteekin osatu genuen proposamen bateratua.

Udal Foru Funtsak ez ditu aintzat hartzen Pasaiak dituen egiturazko erronkak.

Bukatzeko, aurrekontuez ari garen honetan, garrantzia berezia hartzen du Udal Foru Funtsak, hau da, Aldundiek udalerriei ematen dieten dirua banatzeko irizpideak, zeinak ez dituen aintzat hartzen Pasaiak dituen egiturazko erronkak. Ildo berean, jada eginda egon beharko luketen, edo gutxienez beste instituzioen agendan eta aurrekontuetan beharko luketen Donibaneko saneamendua, Pasaiako zahar egoitza berria edota Topoaren lurperatzearen aferetan elkarrekin borrokatzeko prestutasun osoa azaltzen dugu berriro ere, eta hala gogorarazi diogu Gomez Alkateari.

Eskua luzatua dugu.

ALBISTEAK

EAJk eta PSEk beste behin gure herriaren beharrak albo batera utzi dituzte

2020-05-27 16:30:00

Pasaiako EAJk eta PSEk ezezkoa eman zioten EH Bilduk Foru Funtsaren inguruan aurkeztutako emendakinari eta mozioari.

Gipuzkoako Foru Aldundiak Udalen Finantzaketarako Foru Funtsa (UFFF) murriztuko du. Zein ondorio izango ditu erabaki honek Pasaian?

2020-05-24 15:20:00

Pasaiako Udalak jasoko duen murrizketa 2.346.393,89€koa da, Pasaiak duen aurrekontu globalaren %10a.

Aberri Eguna 2020

2020-04-11 23:30:00

EH Bilduren adierazpena 2020ko Aberri Eguna dela-eta

Junkal Mintegiaren mezua pasaitarrei [COVID-19]

2020-04-10 15:00:00

Junkal Mintegia Arregik (Pasaiako EH Bilduren bozeramaileak) mezu bat bidali die pasaitar guztiei bideo baten bitartez.