AKTUALITATEA

Etorkizuneko ikuspegia eta eskubideen zabaltzea aldarrikatuko ditu EH Bilduk Nafarroako Egoerari buruzko Eztabaidan

| 2026-09-21 10:24:00

Aste honetan Nafarroako Egoerari buruzko Eztabaida egingo dela eta, EH Bilduk Parlamentuko hitzordu garrantzitsu honi aurre egiteko jarrera eta itxaropenak aurkeztu ditu gaur.

Ezker subiranistak adierazi du eztabaida ez dela mugatu behar legegintzaldia errepasatzeko ariketa hutsera. Hauteskundeen aurreko azken saio-aldia denez, Laura Aznal bozeramailearentzat ezinbestekoa da harago begiratzea, salbuespenek eta ziurgabetasunek definitutako agertoki global batean, hala nola prezioen gorakadak, gatazka belikoek, larrialdi klimatikoak eta mehatxu autoritarioaren gorakadak.

EH Bildurentzat, egungo testuinguruan "ez da nahikoa egunerokoa kudeatzea". EH Bilduk ezinbestekotzat jotzen du erantzun sakon eta epe luzerako bat eskaintzea, Nafarroari etorkizuneko ikuspegi sendo bat emango diona. Hori dela eta, Gobernuko presidenteak egiten dituen proposamenak arretaz entzungo ditu, eta, aldi berean, bere lehentasun estrategikoak mahai gainean jarriko ditu, ezinbestekotzat jotzen baitira Nafarroak erronkei ahalik eta baldintza onenetan aurre egin diezaien.

Mehatxu autoritarioko giroaren eta ikusten diren eskubide murrizketen saiakeren aurrean, EH Bilduk Nafarroaren egiteko moduari balioa eman dio: "Gauzak beste modu batera egiten badakigula erakutsi dugu hemen Nafarroan. Eskubideak murriztu nahi dituztenen aurrean, gehiengo aurrerakoia dago hemen eskubidetan aurrera egiteko eta eskubideak zabaltzeko. Gehiengo hau sendotzeko deia egingo dugu, anbizio handiko politikak egiteko, momentuak eskatzen duen ausardiarekin”.