“Guztiz lotsagarria da EAJ ateratzea euskara doan ikasteko eskubidearen berme gisa, 2018az geroztik EH Bilduren lege proposamena etengabe oztopatu ostean. EAJk ez ditu helburu ez euskara ez gizartea, gainetik bere interes alderdikoiak jartzen ditu beti”.
EH Bilduk lehendakariaren premiazko agerraldia eskatu du Legebiltzarrean "aurpegia eman dezan". Salatu du zabortegian egindako irregulartasunak eta Gobernuaren kontrol falta daudela tragediaren jatorrian, eta ohartarazi du krisiak irekita jarraitzen duela, oraindik bi pertsona desagertuta daudela eta isurketa kutsakorren arriskua ere badagoela.
EH Bilduk salatu du Ingurumen Sailaren txostenak, 2019ko azarokoak, araudiaren ez-betetze esanguratsu edo larriak egiaztatu zituela eta enpresari kalifikazio baxuena eman ziola. EH Bilduk Jaurlaritzari eskatuko dio argitu dezala zer nolako neurriak hartu zituen araudia betearazteko.
EH Bilduren iritziz, une honetan lehentasuna desagertutako langileak aurkitzea da. Hortik aurrera argibideak eskatuko ditu Legebiltzarrean zabortegiak amiantoa tratatzeko baimena zeukan eta, hala izatekotan, segurtasun protokoloak legeak dioen moduan errespetatu diren argitzeko.