AKTUALITATEA

| 2022-06-20 12:34:00

Herri Sanferminak eta kultur aniztasunaren kolektiboak aipatu dituzte, eta elkarrizketa bat irekitzea eskatu dute, adostasunezko konponbideak lortzeko

 

EH Bilduk, PSN-PSOEk eta Geroa Baik adierazpen bat sinatu dute eta bihar eztabaidatuko dute Herritarren Gaietarako Batzordean. Adierazpen horretan, Sanferminetako guneen kudeaketan Kultura alorrak izango duen zeregina zehaztuko da. Testu honen lehen akordioak “María García Barberena zinegotziaren kudeaketa” salatzen du, “alde bakarreko kudeaketagatik, eta Sanferminetan hiriko kolektiboei lagatzeko espazioen kudeaketan gardentasunik ez izateagatik”. Bigarren akordio-puntu batek agerian uzten du taldeek babesa ematen dietela jaiei, “non kolektibo guztiek lekua izango dute”, eta Kultura eta Berdintasuna arloari eskatzen diote “modu irekian eta gardenean hitz egin dezala, eta adostasunezko konponbideak lor ditzala”.

Bi urteko pandemiaren ondoren, Sanferminak antolatzeko garaia iritsi denean, Gobernu Taldeak kudeaketa oso eskasa eta baztertzailea egin du berriro, adierazpenaren arabera. Taldeek bi kasu zehatz ekarri dituzte gogora: batetik, Herri Sanfermiñak kolektiboa, ez baitzitzaizkion berritu Recoletas plazan eta O plazan Runa parkera eramateko baimenak, eta, bestetik, kultura-aniztasunaren kolektiboak, Antoniuttin zeudenak eta Trinitariosera lekualdatu dituztenak (horiek ere baztertu dituzte). Bi kolektiboek salatu dute Udalaren aldebakartasuna eta inposaketa, eta elkarrizketarik eta interesik eza, eta, dibertsitatearen kolektiboen kasuan, diskriminazioa eta bazterkeria eragiten duen tratua.

“Lagapen-guneei buruzko erabakiak bulegoetan hartu dira, eta kolektiboei gauzatutako egitateei helarazi zaizkie”, salatu dute oposizioko hiru taldeek. Ondorioztatu dutenez, “Kultura Arloak ez du beste aukerarik edo interesik izan alternatibak lantzeko, adostasunak sortzeko eta akordioak lortzeko”.