EAJ eta PSEren arteko gobernu-akordioak arriskuan utzi du Romoko Nagusien Etxea

Getxoko EAJ eta PSE udal taldeek gobernu-akordioa sinatu dute gaur 2019-2023 legegintzaldirako. Getxoko EH Bilduk akordio horren berri udal web orriaren bidez izan du, eta, bertan irakur daitekeen bezala, PSEk aurrerantzean Gizarte Zerbitzuen zinegotziaren ardura izango du.

| 2019-07-15 12:25:00

Horrez gain, bertan agertzen diren “konpromisoen” harira, EH Bildutik honakoa adierazi gura dugu:

-          Akordioa ia osotasunean EAJren hauteskunde-programa da. Bertan agertzen diren proposamen gehienak EAJren programan agertzen ziren, hitzez hitz gainera: Aiboako geltokiaren inguruan espazio berde bat sortzea, herritarren harrerarako lehiatila bakarra sortzea… 15 puntu agertzen dira, eta 13 EAJren programak jasotzen zituen. Puntu bi PSEren ekarpen modura hartu ahal ditugu (Portu Zaharreko zelaiaren ingurukoa eta gizarte zerbitzukoen ingurua, baina orokorrak dira eta ez dute inolako zehaztasunik).

-          PSEk, beraz, oso merke saldu ditu bere botoak, eta hauteskunde-kanpainan saldu zuen “ezkerreko begirada” ahaztu egin du, PNVren mesedetara ipini delako, eta bere proposamenei men egin dielako. Akordioan ikusi dugun bezala, PSEk PNVren proiektu guztiak babestuko ditu.

-          Horrez gain, proiektuan agertzen diren proposamen gehienak martxan daude gaur egun, propaganda hutsa baino ez da: Muxikebarri, Punta Begoñako galeriak, Thinking Fadura prozesua…

-          Akordioak arriskuan utzi du Romoko Nagusien Etxea. Hauteskunde-kanpainan PSEko hautagai Carmen Garciak behin eta berriro adierazi zuen Romoko Nagusien Etxea bere lehentasuna izango zela, ez zuela eraistearen alde egingo eta amaieraraino defendatuko zuela. Argi ikusi dugu bere hitzak jan dituela eta kanpainan agindutakoa arin ahaztu duela. Akordioan ez da esaten hitzez hitz eraikina mantenduko denik, edo bertako zuzendaritzarekin elkarrizketa bultzatuko denik. EAJk bere programan proposatzen zuena bakarrik agertzen da. Kasu honetan ere, beraz, PSEk EAJri men egin dio.

-          EAJ eta PSEren arteko akordioan etxebizitza babestuez eta alokairu sozialaz berba egiten da. Ez da lehenengo aldia: aurreko urteetan ere EAJk eta PSEk alokairu soziala eta etxebizitza publikoa indartuko zutela esan dute, baina errealitatea gero oso bestelakoa da, etxebizitza libreak eta luxuzko etxebizitzak bultzatu dituztelako, gazteak herritik kanpora kondenatuz.

Ongi etorri errefuxiatuak!

Ekainaren 20an Errefuxiatuen Nazioarteko Eguna ospatzen da.

| 2019-07-15 12:16:00

Gaur Getxoko EH Bilduk ekimena egin du Getxoko Ereaga hondartzan. Gaur, ekainak 20, Pertsona Errefuxiatuen Nazioarteko Eguna da, eta Getxoko EH Bilduk bere babesa eta elkartasuna adierazi nahi izan die errefuxiatuei. Getxok harrera herria izan behar duela aldarrikatu du koalizioak.

Era berean, gerrak hementxe bertan hasten direla gogoratu du, Getxon eta Euskal Herrian sortzen diren armek eraginda eta interes ekonomiko eta politikoek bultzatuta.

ALBISTEAK

Konponbideak San Nikolas plaza azpiko aparkalekuarentzat!

2020-09-23 12:09:00

Getxoko EH Bilduk mozioa aurkeztuko du Algortako San Nikolas plazaren azpian alokatzeko sistema merkea eta hilabetekoa ezartzeko.

Osasun-alarma garaian ere, kultura, auzoak eta herri-mugimendua bizirik!

2020-09-02 12:39:00

Getxoko Udalak adierazpen publikoa kaleratuko du bihar, herriko jaien harira herritarrei arduraz jokatzea eskatuz eta hainbat debekuren berri emanez: eremu publikoan ekitaldiak antolatzea, txosnak montatzea eta abar. EH Bildutik erabaki dugu adierazpen horretan ez parte hartzea, hainbat arrazoi direla medio:

Gurutzaontziek sortzen duten kutsadura aztertzea eskatuko diogu Getxoko Udalari

2019-07-18 13:25:00

Getxoko EH Bilduk mozioa aurkeztuko du uztailaren 24ko osoko bilkuran gurutzaontziek sortzen duten kutsadurarekin lotuta. EH Bilduk honakoa eskatuko dio Getxoko Udalari: gurutzaontziek kostaldean sortzen duten kutsadura azter dezala, ingurumen-azterketa baten bidez.