Getxoko Udalak adierazpen publikoa kaleratuko du bihar, herriko jaien harira herritarrei arduraz jokatzea eskatuz eta hainbat debekuren berri emanez: eremu publikoan ekitaldiak antolatzea, txosnak montatzea eta abar. EH Bildutik erabaki dugu adierazpen horretan ez parte hartzea, hainbat arrazoi direla medio:

| 2020-09-02 12:39:00

- Adierazpen hori Udalaren aurpegi zuriketa baino ez da. Jaiak bertan behera utzi dituzte, kulturgintza itotzen ari dira, herri-mugimenduak debekuak baino ez ditu jasotzen... Baina Udaletik ez da inolako alternatibarik proposatzen. Beste herri batzuetan udako egitarauak antolatu dituzte, artistekin eta herri-mugimenduarekin elkarlanean, osasun-neurriak errespetatuz. Getxon, uda osorako, zazpi kultur ekitaldi antolatuko dituzte bakarrik, hutsaren hurrengoa.

- Udalak inposaketaren bidea jarraitu du uneoro. Horretan, normaltasun berriak ez du ezberdintasunik normaltasun zaharrarekin. EH Bildutik hamaika proposamen egin ditugu azken hilabeteotan, baita kulturgintzari dagokionez ere, baina ez dira kontuan hartu, eta ez digute erabakietan parte hartzen utzi. Beraz, ez dugu euren propaganda-argazkietan parte hartuko. Batasuna irudikatu nahi dute, atzean inposaketa dagoenean, besterik ez.

- Inposaketa hori herri-mugimenduak ere pairatu du. Udalak diru-laguntzen %85 kendu die jai batzordeei, eta jaiak egitea debekatu die. Bazegoen alternatibarik: diru-laguntzak mantendu eta bestelako jaiak antolatzea: streaming bidezko ikuskizunak, osasun-arauak errespetatzen dituzten jarduerak antolatu eta abar. Beste herri batzuetan hala egin dute. Gainera, Getxoko Udalak kultur ekimenak antolatu ahal baditu, zergatik herri-mugimenduak ez?

- Argi geratzen ari da osasun-alarma egoera honetan zeintzuk diren batzuen lehentasunak: enpresari handien etekin ekonomikoa sustatu, azpiegitura erraldoiak bultzatu, bozkatzera joan (nahiz eta oinarrizko osasun-baldintzarik ez egon)... Eta bitartean herrigintzarentzat trabak, debekuak eta inposaketak. Argi diogu: ez dugu onartuko osasun-krisia aitzakiatzat erabiltzea herri-mugimenduaren kontra egiteko, Itzubaltzeta Gaztetxearekin gertatu den bezala.

- Ez da zilegi erakunde publikoek norbanakoen ardura azpimarratzea, erakundeek ere bestelako interesak lehenesten dituzten bitartean. Hauteskundeak dira horren adibiderik garbiena: egun horretara arte "normaltasuna" izan da nagusi, baina uztailaren 12tik aurrera hasi dira fokoak han eta hemen, debekuak areagotu dira eta abar.

- Azkenik, eta nola ez, EH Bildutik arduraz eta erantzukizunez jokatzen jarraituko dugu, orain arte egin dugun bezala, eta hala jokatzeko deia egiten diegu herritarrei. Osasuna eta bizitza lehenetsi behar dugu beste edozerren gainetik, gure burua eta gure ingurukoak zainduz eta arduraz jokatuz. Zaindu gaitezen!

Gurutzaontziek sortzen duten kutsadura aztertzea eskatuko diogu Getxoko Udalari

Getxoko EH Bilduk mozioa aurkeztuko du uztailaren 24ko osoko bilkuran gurutzaontziek sortzen duten kutsadurarekin lotuta. EH Bilduk honakoa eskatuko dio Getxoko Udalari: gurutzaontziek kostaldean sortzen duten kutsadura azter dezala, ingurumen-azterketa baten bidez.

| 2019-07-18 13:25:00

Aurten 60 gurutzaontzi baino gehiago etorriko dira Getxoko portura, eta 2020an 60 baino gehiago izatea aurreikusten da. “Transport & Environment” elkarteak jakinarazi duenez, gurutzaontzi bakoitzak 5 milioi auto baino azufre-oxidoa isurtzen du. Hau da, 47 kruzerok Europar Batasun osoko auto guztiek baino azufre-oxido gehiago isurtzen dute. Hainbat elkartek salatu dutenez, gurutzaontziak garraiobiderik kutsakorrena dira. Erakundeetatik, eta baita Getxoko Udaletik ere, modu aktiboan turismo-eredu hau bultzatzen ari da, gurutzaontzien ekarpen ekonomikoa handia delakoan (ekarpen hori ere zalantzan ipintzekoa da, kontuan hartuta bidaiaren %70 ez dela itsasontzitik jaisten). Baina ekarpen ekonomikotik harago, erakundeek ez dute jakinarazi kruzeroek zer nolako eragina duten gure kostaldean: airea, kutsadura… Ekainean bertan Ekologistan Martxak elkarteak “bandera beltza” eman zion Getxori, turismo-eredu hau bultzatzeagatik. Hori dela eta, Getxoko EH Bilduk Udalari eskatu dio ingurumen-azterketa egin dezan, gurutzaontziek benetan zer nolako eragina sortzen duten aztertzeko.

• «
• 1
• 2
• 3
• 4
• 5
• 6
• 7
• »

GETXO TB

Getxoztarrak ere #prest!

Inposatutako armairuak ireki! LGTBIQ+ Harrotasun Eguna

Getxoko dendari txikiak aurrera!

Trantsizio ekologikoa orain!

EDITORIALA

"Normaltasun berrian" ere, zaharrak berri

Ikasturte politiko berria hastera doa, eta, zalantzarik gabe, osasun-krisia eta horrek sortu duen krisi ekonomikoa izango dugu protagonista. Eusko Jaurlaritzatik eta bestelako erakundeetatik ardurak eskatu dizkigute herritarroi, eurek ere dituzten erantzukizunak ahaztuz. Hezkuntza arloan Jaurlaritzak izan duen inprobisazioa eta baliabide falta horren adibide argia da. AHTaren kilometro bakoitza egiteko xahutu den diruarekin, zenbat irakasle kontratatu ahalko lirateke? Zenbat gela berri egokitu? Lehentasun kontua da.

Getxori dagokionez, Udalaren lidergo eta ideia falta nabaria da. EH Bildutik prest agertu gara elkarrekin aritzeko eta krisi honi denon artean aurre

egiteko, ekarpenak eginez eta konponbideak proposatuz. Baina "normaltasun berri" honetan ere, EAJk eta PSEk inposaketaren bidea hartu dute.

Horren erakusle da Udaltzaingoaren araudi berriarekin gertatu dena. EAJk eta PSEk onartu dute eta oposizioak, herri-mugimenduak eta sindikatuek ez dute aukerarik izan bere erredakzioan parte hartzeko. EH Bildutik 33 emendakin aurkeztu dizkiogu, eta 8 onartzea lortu dugu: euskarari lehentasuna ematea, bizikleta udaltzaingoaren ibilgailu modura gehitzea... Baina zoritxarrez, gure ekarpen gehienak ez dituzte onartu: animalien ongizaterako unitate bat sortzea, udaltzainen zenbakia uniformearen aurrekaldean eta atzekaldean agertzea eta abar.

DOKUMENTUAK

Getxoko EH Bilduren mugikortasun proposamena