Getxoko EH Bilduk mozioa aurkeztuko du uztailaren 24ko osoko bilkuran gurutzaontziek sortzen duten kutsadurarekin lotuta. EH Bilduk honakoa eskatuko dio Getxoko Udalari: gurutzaontziek kostaldean sortzen duten kutsadura azter dezala, ingurumen-azterketa baten bidez.

| 2019-07-18 13:25:00

Aurten 60 gurutzaontzi baino gehiago etorriko dira Getxoko portura, eta 2020an 60 baino gehiago izatea aurreikusten da. “Transport & Environment” elkarteak jakinarazi duenez, gurutzaontzi bakoitzak 5 milioi auto baino azufre-oxidoa isurtzen du. Hau da, 47 kruzerok Europar Batasun osoko auto guztiek baino azufre-oxido gehiago isurtzen dute. Hainbat elkartek salatu dutenez, gurutzaontziak garraiobiderik kutsakorrena dira. Erakundeetatik, eta baita Getxoko Udaletik ere, modu aktiboan turismo-eredu hau bultzatzen ari da, gurutzaontzien ekarpen ekonomikoa handia delakoan (ekarpen hori ere zalantzan ipintzekoa da, kontuan hartuta bidaiaren %70 ez dela itsasontzitik jaisten). Baina ekarpen ekonomikotik harago, erakundeek ez dute jakinarazi kruzeroek zer nolako eragina duten gure kostaldean: airea, kutsadura… Ekainean bertan Ekologistan Martxak elkarteak “bandera beltza” eman zion Getxori, turismo-eredu hau bultzatzeagatik. Hori dela eta, Getxoko EH Bilduk Udalari eskatu dio ingurumen-azterketa egin dezan, gurutzaontziek benetan zer nolako eragina sortzen duten aztertzeko.

Ederra kanpotik, ustela barrutik

“Juan Sebastián Elcano” Armadako ontziaren bisitaren aurrean, Getxoko EH Bilduk honakoa adierazi nahi du:

| 2019-07-15 12:43:00

Gure herrian ez dugula nahi gerraren eta gerrako armen apologia egiten duen ontzirik. Itsasontzia kanpotik ederra da, baina barrutik ustela: mundu zabalean gerra eta miseria zabaltzen duen Espainiako Armadaren aurpegi zuriketa baino ez da.

Espainiako Gobernuak Open Arms bezalako ontziei trabak ipintzen jarraitzen du, Mediterraneoan egiten duten lana oztopatu nah...ian. Armadaren egitekoa ez da errefuxiatuek bizi duten egoera gordinari aurre egitea, kontrakoa baizik: errefuxiatuak sortzen dituzten gatazkak sortzea.

Bizikidetza oinarri duen Euskal Herri baketsu eta antimilitarista aldarrikatzen dugu, eta, bide horretan, armadak eta ejerzitoak lekuz kanpo daude.

Horregatik guztiagatik, Getxoko EH Bilduk bat egingo du herri-mugimenduak deitu dituen mobilizazio eta ekimenekin.

• «
• 1
• 2
• 3
• 4
• 5
• »