AKTUALITATEA

Herribusa zabaltzea guztion lorpena da

| 2024-06-06 05:53:00

Pozik gaude jakiteagatik udal gobernuak Herribusaren zerbitzua herriko auzo gehiagotara zabalduko duela, eta gure lanaren eta aldarrikapenen iraunkortasunak bere fruituak ematen dituela berresten digu.

Izan ere, memoria pixka bat egiten badugu, ikusiko dugu gure auzoetako mugikortasun-beharrei erantzungo zien izaera soziala eta solidarioa izango zuen Herribus bat sortzeari ekin genionean, tokiko gobernuaren erantzuna negatiboa izan dela beti orain arte, edo, edonola ere, murriztailea.

1. 2021eko martxoan, oposiziotik zerbitzu sortu berriaren jarraipena eskatzen genuen bitartean, EAJ-PNVk zerbitzuaren iraupena Urazandiko igogailuen inaugurazioarekin lotu zuen.

2. Urte horretan bertan, Errotaberriko igogailuaren lanak amaitu arte atzeratu zuten Herribusaren amaiera, eta, azkenean, zerbitzua aurreko legegintzaldiaren amaierara arte lizitatzea erabaki zuten. Arrazoia eman ziguten zerbitzua denboran luzatzean, baina beste auzo batzuetara zabaltzeari uko egin zioten, eskatzen genuen bezala. 

3. Legegintzaldi honen hasieran, 2024ko udal-aurrekontuen negoziazioan, zerbitzu publikoa zabaltzea gure ildo nagusietako bat izan zen berriro ere, gobernu-taldeari planteatu geniona; gobernu-taldeak, berriz, uko egin zion proposamen hori elkarrekin lantzeari.

4. Azkenik, joan den astean prentsaren bidez jakin dugu Herribusa orain arte iristen ez zen hirigunetik urrun dauden auzo eta guneetara iritsiko dela.

Beraz, esandakoa, poztu egiten gaitu Udal Gobernuak Herribusa garatzeko errezeloak eta zerbitzua bertan behera uzteko tentazioak baztertu dituelako. Hala ere, EH Bildutik uste dugu oraindik ere beharrezkoa dela herritarren parte-hartzea sustatzea zerbitzua hobetzeko eta optimizatzeko, bai ibilbideen eta irisgarritasunaren garapenean, bai finantzaketaren gaian.