Eibar

Albisteak

Ipuruako konbentua ez eraistea eta kiroldegi berriaren diseinuan kontutan hartzea eskatu du EH Bilduk


PSEren Udal Gobernuak Ipuruako kiroldegi berriaren diseinua aurkeztu berri du. Eraikin berria konbentuaren lurzoruan kokatuko litzateke eta eraikina eraisteko asmoa erakutsi dute. Herritar talde batek ordea, konbentua kultura-intereseko ondasun higiezin bezala babestea eskatu du Eusko Jaurlaritzako Kultura Ondarearen Zuzendaritzan.

| 2021-11-26 11:52:00

Kultura ondare urria dugu herrian eta duguna babestearen aldekoa da EH Bildu ere. Gauzak horrela, konbentuak duen ondare balioa argitu arte eraikina ez eraistea eskatu dio PSEri. Gainera, kiroldegi berriaren diseinua berraztertu eta konbentua kontutan hartuko duen diseinu berria egiteko gonbitea luzatu du EH Bilduk. Hamaika adibide daude inguruan, ondare kulturala balioan jarri eta gehikuntza berriak egin dizkiotenak, tradizioa eta modernotasuna nahasiaz, San Telmo museoa kasu.