Bizkaia

EH Bilduk birjarpen helegitea aurkeztu du errenta irregularren inguruko aldaketak bertan behera uzteko

Aldaketa eragin duen Foru Dekretua legez kanpokoa da eta Batzar Nagusien eskumen araugilea urratu da

| 2019-09-24 10:41:00

Errenta irregularren inguruko aldaketak bertan behera uzteko birjarpen helegitea aurkeztu du EH Bilduk.

Foru gobernuak bere kabuz eta dekretu bidez egindako aldaketak legez kanpokoak direla azpimarratu du EH Bilduk eta abuztuan egindako aldaketak bertan behera uzteko eskatu du.

Ezkutuan egindako aldaketa horrek Batzar Nagusien eskumen araugilea urratu du. “Batzar Nagusiek daukaten egiteko garrantzitsuenaren kontra egin dute. Eztabaida eta erabakitzeko ahalmena urratu dituzte aldaketak Foru Dekretu baten bitartez egiterakoan. Inorekin eztabaidatu eta adostu gabe gehien daukatenen alde egin dute”, adierazi du Arantza Urkaregi batzarkideak.

Inolako arrazoirik ez aldaketa egiteko

Horretaz gain, “foru gobernuak ez du arrazoitzen zergatik kendu den 300.000 euroko muga. Ez da inolako arrazoirik ematen muga hori kentzeko eta, beste alde batetik, ez daukagu aldaketa horrek ogasunean izango duen eragina zehazten duen inolako txosten ekonomikorik”, azpimarratu du Arantza Urkaregi EH Bilduko batzarkideak.

Ahaldun nagusia izendatu eta hiru hilabetera sail ezberdinetako lan ildoak ez aurkeztu izana salatu du EH Bilduk

Batzar Nagusiei informazio osoa eman gabe zenbait sailek aurkezpen publikoak egitea errespetu falta larria da

| 2019-09-23 14:00:00

EH Bilduk Aldundiak sail bakoitzeko lan ildoak ez aurkeztu izana salatu du. Izan ere, Unai Rementeria Ahaldun nagusia izendatu eta hiru hilabetera, Aldundiak ez du zehaztu sail bakoitzaren taldeak nortzuk osatuko duten ezta zeintzuk diren bakoitzaren helburu nagusiak.

Hiru hilabete denbora nahikoa izan da sail bakoitzaren lehentasunak zeintzuk izango diren aurkezteko dagokion instituzioan; hau da, Batzar Nagusietan. Kezkagarria da informazio hori gaur egun ez ezagutzea”, salatu du Bea Ilardia bozeramaileak.

Izan ere, EH Bilduk gogoratu duen bezala, gaur bertan Elena Unzueta Ingurune eta Jasangarritasun diputatuak bere sailaren ildo nagusietako batzuk aurkeztu ditu modu publikoan.

Sail bakoitzaren lan ildoak Batzar Nagusietan ezagutu baino lehen komunikabideei begira aurkeztea errespetu falta larri bat da”.

Sail ezberdinetako organigramak osatu gabe daude

Horretaz gain, EH Bilduk gogoratu du sail ezberdinek ez dituztela haien organigramak guztiz osatu. “Saileko organigramak eguneratu gabe daude oraindik. Rementeria aukeratu eta hiru hilabetera egoera hori ez ulergarria”.

Koherentea izatea eta Bizkaia paradisu fiskal bat ez bihurtzea eskatu dio EH Bildu Bizkaia PSE-ri

EH Bilduren ustez, azken egunetan ezagutu diren aldaketa fiskalen kontra egotea eta, aldi berean, Eurokopa bezalako ekimenei zergak barkatzea hipokrita da

| 2019-09-20 12:37:00

Zerga arauen egindako aldaketen aurrean PSE-k erakutsitako jarrera positibotzat jo du EH Bilduk. Hala ere, beste urrats bat ematea beharrezkoa da.

“Ona da PSE-k arau hori bertan behera uzteko eskatzea bere gobernukideari, nahiz eta bere bi kidek arauaren aldaketa onartu zuten. Hala ere, ez da ulertzen PSE-k artikulu horri erreferentzia bakarrik egitea arau berean fiskalitate justuago bat lortzeko beste zenbait oztopo daudenean”, adierazi du Arantza Urkaregi batzarkideak.

UEFAri zergak barkatzearen aurka

EH Bilduk modu baikorrean baloratzen du PSE-k zerga arauaren aldaketari egindako kritika. Hala ere, fiskalitate justuago bat lortzeko helburuarekin, jarrera bera izatea eskatzen dio arau horretan dagoen beste arlo bati dagokionez: UEFAri barkatutako zergei, hain zuzen ere.

Urkaregik gogoratu du Europoka ekartzeko aitzakiarekin UEFAri ez zaiola zergarik kobratuko. “Oso larria da horrelako erabakiak babestea ustezko helburua fiskalitate justuago bat lortzea denean. PSE-ri eskatzen diogu ez ditzala eman urrats gehiago Bizkaia paradisu fiskal bat bihurtzeko bide horretan”.

Aldundiak Pertsona Fisikoen Errentari buruzko Zergan aldaketak ezkutuan egin izana salatu du EH Bildu Bizkaiak

Aldaketaren ondorioz, gehien daukatenek gutxiago ordainduko dut

| 2019-09-18 14:50:00

Aldundiak Pertsona Fisikoen Errentari buruzko Zergan egindako aldaketak ezkutuan egin dituela salatu du EH Bilduk.

Arantza Urkaregi batzarkideak gogoratu duen bezala, “orain arte indarrean zegoen Erregelamenduaren arabera, 300.000€ arteko errenten %50 integratzen zen lan etekin osoan; 300.000€-tik gorakoen kasuan %100”.

Egindako aldaketak 300.000€-ko muga kentzen du eta, ondorioz, zerga horren bitartez bilduko den kopurua nabarmen jaitsiko da”, azpimarratu du Urkaregik.

Ezkutuan egindako aldaketa

Aldaketaren garrantzia kontuan izanda, EH Bilduk argi dauka aldaketa ezin dela egin Foru Dekretu baten bitartez. “Lau lerrorekin bi arau aldatu dituzte. Batzar Nagusiei eztabaidatzeko eta erabakitzeko gaitasuna kendu die”.

Aldundiak inbertsoreak erakarri nahi dituela adierazi du, baina agerian geratu da inbertsore horiek erakartzeko daukaten estrategia bakarra zergak barkatzea dela.

Horretaz gain, egindako aldaketa inolako aurreikuspenik gabe egin dela salatu du EH Bilduk. “Aldaketa onartu egin da inolako txosten ekonomikorik egin gabe. Hau da, ez dakigu zenbat diru gutxiago izango duen Ogasunak behar sozialei aurre egiteko”.

Aldundiak EPOAren Batzar Nagusia babesteak interes ekonomiko argi bat daukala salatu du EH Bilduk

Ekimen horretako Ortzadar LGTB Elkarteari emandako diru-laguntza Turismo eta Bizkaiaren Sustapenerako sailaren bitartez eman da

| 2019-09-17 12:05:00

EPOAk (European Pride Organisers Association) Bilbon egingo duen Batzar Nagusiaren harira EH Bilduk Aldundiari galdetu dio zer nolako laguntza bideratu duen.

Aldundiak argitu duen bezala, ekimen hori aurrera eramateko 70.000 euroko diru-laguntza eman dio Ortzadar LGTB Elkartea-ri, Turismoa eta Bizkaiaren Sustapenari dagokion partida ekonomikoaren bitartez.

Emandako diru-laguntza nondik atera den ikusita, argi dago zein den Bizkaiko Aldundiaren helburua ekimen horiekin: LGTB+ kolektiboaren eskubideak defendatu beharrean, haien aldarrikapenak helburu merkantilista batekin erabiltzen dituzte”, salatu du Izaskun Duque EH Bilduko batzarkideak.

Izan ere, Bizkaiko Aldundiak Ekonomia Sustatzeko Sailetik bideratu du ekimen hori babesteko diru-laguntza bakarra. “Gizarte Ekintza saila izan beharko litzateke LGTB+ kolektiboaren interesak defendatu beharko lituzkeena eta, hala ere, ez du euro bat bera ere jarri”, azpimarratu du Duquek.

Mobilizazioekin bat

Egoera horren aurrean, EH Bilduk adierazi du larunbaterako deitutako mobilizazioetan parte hartuko duela.

Harro plataformak egindako deialdiarekin bat egiten du EH Bilduk eta LGTB kolektiboaren eskubideen defentsan eta merkantilizazioaren aurkako mobilizazioetan parte hartuko du.

ALBISTEAK

Asier Vega: «EH Bilduren egiteko moduak gero eta jende gehiago biltzen du, baita Bizkaian ere»

2021-06-13 19:29:00

EH Bildu Bizkaiak bere zuzendaritza berria aurkeztu du gaur goizean, Bilbon.

EH Bilduko Bizkaiko zuzendaritza berriak %90,62ko babesa jaso du

2021-06-05 12:29:00

Asier Vega Isasik aurkeztutako lan taldeak zuzenduko du hurrengo lau urteetan EH Bildu Bizkaia

Lurralde politika eta plangintza estrategikoa eskatu ditu EH Bilduk Ezkerraldera inbertsio industriala erakartzeko

2021-06-05 12:12:00

EAJk eta PSEk Ezkerraldearekiko ahanztura instituzionala eta tertziarizazioaren aldeko urteetan nahita egindako apustua gaitzetsi ditu. Horren aurrean, lurzoruaren kudeaketa bere katalogazio industrialaren araberakoa izan dadila aldarrikatu du EH Bilduk, inbertsioak erakartzeko eta eskualdeari etorkizun duina bermatzeko.

EH Bilduk Bizkaiko Foru Aldundiari eskatu dio hobari-sistema bat ezar dezala AP-68ko ordainlekuan, Bizkaiko zatian

2021-06-01 14:32:00

Neurri horri esker, Hego Uribek jasaten duen diskriminazioarekin amaitu eta BI-625 errepidetik kamioien trafikoa murriztuko litzateke