AKTUALITATEA

| 2026-05-28 11:35:00

Azken asteko muturreko tenperaturek Bizkaiko hondartzetara ekarritako jendetzak iaz izandako arazoak errepikatzea ekarri du; izan ere, klima-aldaketak egoera berriak sortzen ditu, eta administrazio publikoek horiei aurre egin behar diete.

EH Bilduk iaz ere proposatu zuen, Batzar Nagusietan (BBNN), hondartzetako jendetzaren aurrerapenari aurre egiteko neurriak hartzea. Zehazki, Foru Aldundiko talde soberanistak egiaztatu zuen uda sasoiko zerbitzuak martxan jartzeko garaia iritsi zela, eta galdetu zuen ea Aldundiak zerbitzu horiek aurreratzea baloratzen zuen, besteak beste, sorosleena. Erantzuna izan zen errealitate klimatiko berriak «ez zuela arrazoitzen salbamendu-zerbitzua neurririk gabe zabaltzea».

Erabiltzaileek egunotan izan dituzten arazoak ikusita, jakin dugu Aldundia orain aztertzen ari dela 2027tik aurrera hondartzetako sorosle-zerbitzua maiatzera aurreratzea. Bizkaiko EH Bilduko bozeramaile Iker Casanovak adierazi duenez, «azken egunetako kaosaren ondoren, Aldundiak atzera egin du. Foru erakundearen aurreikuspen falta horrek hamaika eragozpen eta arrisku eragin ditu eta, gainera, arazoa oraindik ez dago konponduta».

Ildo beretik, foru erakundea kostaldeko herrietako alkateekin harremanetan jarri da, denboraldiaren aurrerapenarekin lotutako arazoei aurre egiteko.

Sorne Rubio, Mundakako alkateak, baieztatu du. «Aldundiak egindako irakurketa ondo dago eta ongietorria da, baina oso berandu dator. Kostaldeko udalerri txikiak gara, Mundaka bezala, Sopela, Plentzia, Bakio, Ibarrangelu, Muskiz eta abarren aurrekontuak oso mugatuak dira. Guk ez dugu aurrekonturik beharrezko zerbitzu publikoak aurrera ateratzeko aukerarik, udal txikiek dirua eta laguntza behar dute hori guztia lantzeko».

Sorne Rubiok adierazi bezala, zerbitzu publikoaren eskaintza sorosleen lanetik harago doa. Bizkaiko EH Bilduko bozeramaile Iker Casanovak adierazi duenez, hondartzak bizkaitar guztien ondarea dira, «eta Aldundiak zerbitzu publikoak koordinatzeko betebeharra du, eta udalei finantziazioa bermatu behar die, herritarrentzako zerbitzu publikoan agertzen diren erronka guztiei aurre egin ahal izateko».

Bainulariak dauden unetik, segurtasuna bermatzeko, sorosleen presentzia aurreratzeaz gain, Casanovak adierazi du garraio publikoan maiztasun handiagoa behar dela, «bai metrotik, bai Bizkaibusetik hondartza guztietara»

EH Bilduk galdera bat erregistratu du jada Batzar Nagusietan, Aldundiak hondartzetarako garraio publikoaren arloan hartuko dituen neurri zehatzak ezagutzeko, datorren denboraldiari begira kalitatezko zerbitzua modu egoki eta integralean bermatzeko».