AKTUALITATEA

| 2024-06-27 17:41:00

Barakaldoko Udalak gaur egin duen ohiko Osoko Bilkuran, EH Bilduk Hegoaldeko Trenbide Saihesbidearen (HTS) proiektuaren aurka egin du berriro, eta Gorostizako Pulmon Verde auzo-elkarteak aurkeztutako mozioaren alde bozkatu du. Era berean, alderdi subiranista eta ezkertiarrak deitoratu egin du EAJketa PSE egoerak eskatzen duen mailan ez egotea eta herritarren eskaerei jaramonik ez egitea. Nabarmendu du ez duela balio onkeriz beteriko haien diskurtso hutsa eta inkoherentea; izan ere, lokalki, adierazi dute Gorostizan eta Kastrexanan izan ditzakeen eragin larriak partzialki salbatu nahi dituztela, udalaz gaindiko erakundeetan proiektu hori bultzatzen duten bitartean.

Era berean, gaurko saioan, LGTBI+ kolektiboa defendatzeko, antolatzeko eta babesteko eta haren aurkako indarkeria mota oro baztertzeko udal eremutik politika publikoak martxan jartzeko eskaera aurkeztu dugu.

 

KOLDO PLAZASEN HITZARTZEA (HTS mozioa)

Gorostizako eta Kastrexanako bizilagunak dira beharrezkoak ez diren azpiegitura horren ondorio kaltegarriak jasango dituztenak. Ezetz esaten diote Hegoaldeko Trenbide Saihesbide osoari. Guk ere uste dugu ez dela beharrezkoa ez zubi, ez tunel bat Barakaldoko birika berdea zeharkatzeko.

Alternatibak daudelako. 2018an, Bideragarritasun Teknikoaren eta Azterketa Sozioekonomikoaren Azterketak (Barakaldo Naturala eta Eguzkik sustatua) ireki zuen irtenbiderik egokienari buruzko eztabaida.

Gehiegizko gastua da, eta ez dator bat garraiatuko lituzkeen salgaien bolumenarekin. Ingurumen-krisiaren testuinguruan, horrelako azpiegituren alde egiteak ez du inolako zentzurik. Ehunka milioi euroko inbertsioa (500 milioi euro baino gehiago).

Plan, aukera eta alternatiba guztiak mahai gainean daude. Erabaki politikoak hartzeko unea da.

Sentitzen dugu EAJren eta PSEren jarrera eta posizioa. Gogora dezagun bi alderdi horiek izan direla proiektu honen sustatzaileak udalaz gaindiko erakundeetan. Egin dezagun bi alderdi horiek beste esparru batzuetan hartutako erabakien ibilbide kronologiko txiki bat.

>Gobernu Nagusia: Obraren bultzatzailea.

- 2015 azken zirriborroa zubiarekin

- 2017 Espainiako Gobernuaren eta Eusko Jaurlaritzaren arteko hitzarmena, hura eraikitzeko.

- 2017 ekaina: Ministroen Kontseiluak hitzarmena sinatzeko behin-behineko baimena berretsi zuen. 549 M €. 464M € Euskadiko kupoari dagozkio.

- 2024ko apirilaren 16a. Garraio eta Mugikortasun Iraunkorreko Ministerioak HTSaren informazio-azterlanaren aldeko ingurumen-inpaktuaren adierazpena egiten du.

>Eusko Jaurlaritza (EAJ): Gobernu Zentralak (Sustapen Ministerioa eta ADIF) 2017an agindu zuen proiektuaren informazio-azterlana idaztea, Santurtzi-Bilbo ibilbidea gutxi gorabehera diseinatzea (publikoa 2019an).

>Aldundia: Bizkaiko natura-ingurunearen gaineko konpetentzia. 2019-2020 saihesbidearen aldeko txostenak.

>Udaletxea: Ez du HTSaren gaineko eskuduntzarik, baina saihesbidea gaitzesten du, eta Gobernu Taldeak tunela proposatzen du.

Aukera hau aprobetxatu nahi dut, Barakaldoko Udaleko Osoko Bilkurari galdera bat egiteko, osoko bilkura hau osatzen dugun guztioi. Barakaldoko bizilagunen eskaerak defendatzeko prest al gaude? Prest al gaude HTSari letra larriz EZETZ esateko? Eta gure esku dagoen guztia egitera, ingurumena ez erasotzeko?

Proiektua bere osotasunean gelditzea, hau da, ez bidezubi ezta tunelik ere, HTS gelditzea, hori da bizilagunek eskatzen digutena. EH Bildutik, jakina, bai.

MARIA SOLARREN HITZARTZEA (LGTBI+ nazioarteko eguna)

Bihar, ekainak 28, LGTBI+ Sexu Askapenaren eta Harrotasunaren Nazioarteko Eguna da, eta udal honen ordezkaritza politikoa Herriko Plazan bilduko gara adierazpen instituzional bat babestuz.

Era berean, aste honetan, barakaldar gazteek Harrotasunaren bandera pintatu dute Eskulturen Plazako eskaileretan, sexu-askatasunerako eskubidea ikusgai bihurtzeko helburuarekin. Biak ala biak garrantzi handiko ekintza sinbolikoak dira, kolektiboari babesa ematen diotenak.

Baina ekintza sinboliko edo adierazpen-ekintza horiez gain, guk Osoko Bilkura den bozgorailu hau baliatu nahiko genuke gaur Gobernu Taldea animatzeko ekintza horiek benetako udal-politikekin osatzera, Barakaldoko LGTBI+ kolektiboaren bizitza hobetzen laguntzeko.

Izan ere, nahiz eta eskubide-aurrerapen bati buruz hitz egin, Arartekoak berak gaur goizean ohartarazi du gora egiten ari direla kolektibo horren aurkako jazarpen- eta eraso-kasuak.

Horregatik, Gobernu Taldeari, sexu eta genero aniztasuna sustatuko duen udal plan estrategiko bat eskatu diogu, ekintza zehatzak eta garatuak jasotzen dituena, Iruñan egindakoa adibide gisa hartuta.

Era berean, Berdintasun Arloari gogorarazi nahi diogu hasiera on bat LGTBI+ Foroa sortzea izango litzatekeela, Barakaldon gertatzen diren egoera eta errealitate desberdinak aztertzeko. Ekintza hori indarrean dagoen berdintasun-planaren barruan onartu baitzen.

 

Barakaldon, 2024ko ekainaren 27an