AKTUALITATEA

EAJk Berdintasun Sailaren aurrekontua handitzeko konpromisoa hartu du, baina inolako zehaztasunik gabe

| 2022-11-25 11:09:00

Berdintasun Sailaren aurrekontua handitzeko EH Bilduk aurkeztutako ekimen baten eztabaidan, Danel Sola Barakaldoko Udaleko Ogasun bozeramaileak (EAJ) adierazi du aipatutako Sailaren aurrekontua handitu egingo dela datorren ekitaldian. Hala ere, ez du zehaztu ez zein proiektutarako, ez zenbatekoa. Gaur egun, arlo honen aurrekontua udal-aurrekontu osoaren % 0,5 baino gutxiago da. Gainera, azpimarratu behar da EAJ izan dela Arloaren aurrekontua handitzeko beharra argi onartu ez duen talde bakarra.

Azaroaren 25eko asmo onak alde batera utzita, EH Bilduk indarkeria matxistari aurre egiteko baliabide ekonomiko gehiago inbertitzeko beharra azpimarratu nahi du berriro. Hala eskatzen du Mugimendu Feministak, zoritxarrez ugariak diren eraso matxisten aurkako elkarretaratze bakoitzean. Eta indarkeria horri aurre egiteko programa eta zerbitzu berriak garatu nahi baditugu, baliabide ekonomiko gehiago behar ditugu.

Eskaera hori urtero eraman dugu aurrekontuen eztabaidara, baina EAJk eta PSEk uko egin digute beti. Edo haatik, edo aurrekontuari zuzenketak egiteko orduan ez zaielako gustatzen "nondik murrizten dugun aurrekontuari zuzenketak egiteko orduan". Horregatik, aurten aurrekontuen eztabaidari aurrea hartu diogu, eta Gobernu Taldeari eskatu diogu kontuan har dezala behar hori kontuak aurkezterakoan, Berdintasun Sailak udal aurrekontuaren atzeko postuan egoteari utz diezaion.