Araba

EH Bilduk tren soziala aldarrikatu du

Larrionek bere apustua berretsi du Gasteizen lehen galdeketa hiritarra egiteko, mugikortasun jasangarriaren inguruan

| 2019-05-13 16:53:00

Arabako Ahaldun Nagusia izateko hautagaia Kike Fdez de Pinedok  azpimarratu du herrialdean mugikortasun jasangarria garraio publikoaren bidez helduko dela, Miranda eta Altsasu lotuko dituen tren soziala baten bidez. Horretarako, egungo trenbidearen modernizazioa planteatzen da –hirugarren haria jarriz- nazioarteko garraioa eta goi mailako prestaziotakoa ahalbideratzeko, hau da, tren azkarrak, garraioa eta tren soziala jasoko dituena.

“Ez dugu ezer asmatu, badugu mahai gainean azterketa bat eta horren arabera, plantatzen da hamar maiztasun gehiago ezartzea, eskaeraren araberako geltokiak egitea, bost geldiune berri sortzea, salneurria batzea eta txartel bakar bat egitea. Proiektu honen ezarpenak 25 milioiko aurrekontua du lehen fasean eta, ondorioz, bideragarria da ikuspuntu ekonomikotik eta sozialetik ere bai”, azaldu du Fdez de Pinedok.

Tren honek 130.000 lagunei eskainiko die zerbitzua eta agerian uzten du AHTren aurrean askoz bideragarriagoa dela. Abiadura Handiko plataforma beri horiek Madrilek inposatzen ditu baina EAJren Foru Gobernuak begi onez ikusten ditu.

Bestalde, Miren Larrion Gasteizko EH Bilduko alkategaiak berretsi du bere konpromisoa udalerrian lehenbiziko galdeketa hiritarra egiteko, gobernatzeko aukeratzen badute. Hain zuzen ere, Larrionek herritarren esku utzi nahi du hiriko ekialdea eta mendebaldea, Salburua eta Zabalgana, lotu beharko dituen edukiera handiko garraio publiko sistemari buruzko erabakia. Mugikortasun jasangarria bezalako gai estrategiko batean ahotsa eman nahi zaie hiriko auzotarrei.

Hirian inoiz egin den lehen galdeketa hiritarra litzateke, eta izaera positiboa izango luke beti. Gasteiztarrek bi garraiobideren artean aukeratu beharko dute: Azkarbus autobus elektriko adimenduna edo tranbia. «Oraingo honetan, ez da Bai edo Ez esateko galdeketa izango, ez dago blokeo aukerarik, aurrera egiteko borondatea baizik. Bai edo Bai esateko galdeketa bat da», azaldu du alkategaiak.

Asmoa da galdeketari legezko berme guztiak ematea, «bi aukerek alde eta kontrako argudioak azal ditzaten, eztabaida sakon eta informatua egotea ahalbidetu, eta ezagutzarekin botoa eman dadin». EH Bilduk Azkarbus elektrikoaren aukera defendatuko du, baina bozketaren emaitzak bere egingo ditu, eta gasteiztarrek aukeratutako proiektuarekin aurrera egingo du.

Hiritarren parte-hartzearekin aurreko legealdian gertatu dena bereziki kezkagarria da. Udalak, EH Bilduren bultzadari esker, herritarren parte-hartzea sustatzeko araudi aurreratu bat onartu du. Hobetu daitekeena, baina aurreratua edonola ere. Hala ere, ez da galdeketa bat bera ere egin. «Urtaran eta bere gobernua pareta bat izan dira parte-hartzearen aurrean. Ez dute ulertzen parte-hartzea ez bada beraiei arrazoia emateko. Ez dute gustuko euren hiritarren iritzia, euren auzotarrena», nabarmendu du Larrionek.

EH Bilduren aburuz, beharrezkoa da erakundeen demokratizazioan sakontzea. Beldurra galdu behar zaio hiritarrei zuzenean eragiten dizkieten gaiei buruz galdetzeari. Bereziki, hiriaren etorkizuna baldintzatuko duten kontuak direnean. Araudiak berak jaso zuen, koalizioak eskatuta, gai estrategikoek eta 5 milioi eurotik gorako inbertsioa aurreikusita dutenek lehentasuna edukitzea galdeketa hiritarrak planteatzerako orduan. EH Bilduk Gasteiz gobernatzen badu, legezko eperik laburrenean, galdeketa hiritar hau deitu erta antolatuko du.

Araba gobernatzeko prest dagoela nabarmendu du EH Bilduk

Miren Larrion: “EH Bildu buru duen gobernu batek bakarrik aldatu dezake Gasteizko norabidea”

| 2019-05-12 13:38:00

Araba gobernatzeko moduan dagoela nabarmendu du gaur EH Bilduk. Arabako Ahaldun Nagusia izateko hautagaia Kike Fdez de Pinedoren ahotik esan du gaur goizean Gasteizen egin den Ekitaldi Nagusian. “Alfonso Alonsok ostiralean esan zuen bere helburu nagusia zela Araban EH Bildu ez gobernatzea. Lehen gogoeta: Alonsok informazio ona dauka, EH Bildu Araba gobernatzeko moduan dagoela baieztatzen duelako. Bigarren gogoeta: PPren helburuak izan ziren ere Maroto alkatea izatea duela lau urte eta Madrilgo diputatu egitea duela bi aste. Ematen du euren helburuak lortzeko ez dabiltzala oso fin…  eta esaerak dioen moduan “No hay dos sin tres”, ohartarazi du EH Bilduko hautagaiak.

 

Zentzu horretan, Fdez de Pinedok ziklo aldaketaren aldeko apustua egin du “klientelismoa, botere ekonomikoen menpekotasuna eta zentralizazioa uzteko”. Horren ordez, gobernantza “irekia, parte-hartzailea eta behetik gorakoa” bultzatu nahi du EH Bilduk herrien eskumenak errespetatuz. Era berean, “ziklo aldaketa” aldarrikatu du “Araba ondo doala entzuteari uzteko”, hori esaten duten bitartean zerbitzu sozialetan soldata miserableak kobratzea baimentzen dutelako eta ezinbestekoa delako horri buelta ematea eta kalitatezko zerbitzu sozialak bermatzea.

 

Bestalde, Gasteizko alkategaia Miren Larrionek nabarmendu du soilik EH Bildu buru duen gobernu batek aldatu dezakela Gasteizko norabidea. “Azken legealdietan gobernuan egon direnen eskutik, hiri hau atzean gelditzen joan da. Orain da unea erabakia hartzeko. Erabakitzeko gainbehera honekin konformatuko garen edo hiri eredu berri baterantz aurrera pausu bat eman nahi dugun. Feminismoarekin plazak eta kaleak bete dituen hiria, pentsionistekin, LOMCEren aurka, martxoaren 3ko biktimekin edo eskubide berdintasunarekin kaleak bete dituen Gasteiz horrek hartu behar du erabakia. EH Bildu buru duen gobernu batek bakarrik aldatu dezake Gasteizko norabidea, hiri honek duen potentzial osoarekin”, aipatu du Larrionek.

Azkenik, Xabi Valdor Sobronek azken hamarkadetako gazteriaren ekarpena balioan jarri du. “Asko daukagu aurreko belaunaldietatik ikasteko, baina gu ez gara iraganean iltzaturik geratzeko intentziorik, gu etorkizunaren nostalgikoak gara. Memoriarekin bai, baina aurrera egiteko irrikitan gaude. Sarritan esaten digute gazteria etorkizuna garela eta gure momentua biharmunean iritsiko dela. Gazteok ordea, etorkizuna izateaz aparte oraina ere bagara eta Araban ematen ari den aldaketa sakona instituzioetara eramango dituen bulkadak izango gara”, esan du Valdorrek.

 

 

 

ALBISTEAK

EH Bilduk osasun publikoa lehenestea eskatu du

2020-07-07 11:10:00

Mikel Otero: "Igande honetan, EH Bilduren bozkaz bete behar dira hautesontziak, Voxi esateko frankismoak ez duela lekurik herrialde honetan. Duintasun demokratikoa dugula. Uztailaren 12an, boto antifaxista, EH Bilduren botoa izango da"

EH Bildu-k Foru Aldundiari eskatu dio malgutu ditzala FOFELen murrizketaren ondorioz, diru-bilketaren beherakadak eragindako soberako kobrantzak itzultzeko toki-erakundeei ezarritako baldintzak

2020-07-07 09:16:00

Javier Argote: "Ramiro Gonzalezen gobernuak toki-erakundeei atzeratzeko eta zatikatzeko formulak ahalbidetu behar dizkie, FOFEL bidez kobratzen duten dirua itzultzeko, krisitik ateratzeko baliabideak hobeto kudeatu ahal izateko"

Mikel Otero: "Aldaketa ezkerretik etorri behar da, jasangarritasunean eta justizia sozialean oinarrituta, eta hori bermatzen duen indar bakarra EH Bildu da"

2020-07-04 12:00:00

EH Bilduk konpromisoa agertu du kalitatezko enpleguarekin, gure adinekoentzako pentsio duinaren alde, gure zerbitzu publikoak berreskuratu eta prestigiatzeko, eta larrialdi klimatikoaren erronkari erantzun bat emateko.

EH Bilduk egoitza publiko eta txikien eredua eta langileen lan baldintza duinak aldarrikatu ditu

2020-07-03 10:51:00

Mikel Otero: "Etorkizun hobe bati ateak irekitzeko, faxismoa behin betiko baztertzeko, XXI. mendeko erronka handiei aurre egiteko, ingurumen politika eraldatzailea garatzeko, ezkerreko botoa, boto ekologista, boto feminista, langileen botoa, boto eraldatzailea EH Bildun batu behar da"