Araba

Berdinen jendartea defendatuko du EH Bilduk Madrilen

Iñaki Ruiz de Pinedo: herritar guztien eskubideak defendatzen dituen hiriaz harro gaude, berdin jatorria, erlijioa edo identitate afektibo edo sexualak

| 2019-04-16 12:16:00

EH Bilduk berdinen jendarte bat erakikitzeko konpromisoa du eta hori da hain zuzen, Madrilen defendatuko duena. Horrela azaldu du gaur Gasteizen Gora Gasteiz plataformak deitu zuen mobilizazioaren lau urte betetzen direnean. “Plaza honetan bertan duela lau urte jende asko atera zen kalera Gora Gasteiz lelopean hiri anitza aldarrikatzera, herritar guztien eskubideak defendatzen zituen hiria, berdin jatorria, erlijioa edo identitate afektibo edo sexualak. Jendetza horrek argi eta ozen esan zuen bozka gutxi batzuk lortzeko denak ez duela balio”, gogoratu du Madrilgo Kongresurako EH Bilduko hautagaia Iñaki Ruiz de Pinedok.

 

EH Bilduk gogoratu du inboluzio demokratikoan murgilduta gaudela eta pertsonen oinarrizko eskubideak jokoan daudela. Horren adibide, migrazio politikak jarri ditu, Mediterrano itxasoa hobi erraldoi bihurtu dutelako, Aita Mariri ezarritako betoa edo aborto legea aldatzeko aipatu dien azken saiakerak. Gogoratu duenez, berriz gorantz ari dira pertsona migratuen, homosexualen edo emakumeen eskubideak urratu nahi dituzten diskurtsoak.

Hori dela eta, oinarrizko printzipioak berrestea inoiz baino garrantzitsua dela gogoratu du. “EH Bilduk Arabako eta Gasteizko jendartea mobilizatzera eraman zituen printzipioak defendatzeko konpromisoa hartu du. EH Bilduk berdinen hiria eraikitzeko konpromisoa hartu du, guztiok eskubide eta betebehar berdinak izango dituen jendartea. Aniztasun ezberdinek koloreztatutako hiri, herrialde eta herriaz harro gaude”, aipatu du.

 

Iñaki Ruiz de Pinedo: “Apirilaren 28an, bizkarra eman diezaien gure hizkuntza ondarearekin amaitu nahi duten indar politikoei”

| 2019-04-09 08:47:00

Espainiar Estatuko hiru indar atzerakoiek, Vox, Cidadanos eta PP, arabar gizarteak, zorionez, aspaldi gaindituta dituen eztabaidetara eraman nahi dutela nabarmendu du EH Bilduk

Gasteiz. 2019-04-09. EH Bilduk datorren apirilaren 28an gure hizkuntza ondarerekin amaitu nahi duten indar politikei bizkarra emateko deia egin du. “Euskararen erabilera mugatu nahi duen inork ezin du inolaz ere Araba ordezkatu inongo foroan”, esan du EH Bilduko zerrendaburua Arabatik Madrilgo Kongresura Iñaki Ruiz de Pinedok.

Oihaneder euskararen etxearen aurrean egin ditu adierazpenak Korrika Araban sartu den egunean. Hori dela eta, euskarafobia duten indar politikoei uko egiteaz gain, Korrian parte hartzeko deia egin du EH Bilduk. “Apirilaren 9n, 10ean eta 14an, bereziki azken honetan Korrika Gasteizen amaitzen delarik, animatu nahi ditugu arabarrek modu masiboan Korrikan parte hartu dezan herritar guztien hizkuntza eskubideak defendatu eta euskararen ikasketa eta erabilera sustatzeko”, esan du Ruiz de Pinedok.

Kongresurako Arabako zerrendaburuak gizarteak erabat gaindituta dituen eztabaidak piztu izana leporatu die. Espainiar Estatuko hiru indar atzerakoiek, Vox, Cidadanos eta PP, arabar gizarteak, zorionez, aspaldi gaindituta dituen eztabaidetara eraman nahi gaituzte. Arabar gizarteak bere helburuak herritar guztien hizkuntza eskubideak bermatzean eta euskararen ikasketaren doakotasunean jarrita dituenean, kontra erreformaren ordezkariak entzuten ditugu NODOaren garaiko proposamenak eginez. Euskararen erabilera arautuko duen estatu mailako legearen proposamena kasu”, nabarmendu du.

Gaur, Iñaki Ruiz de Pinedo, EH Bilduko beste ordezkariekin batera, EH Bildu Arabako kilometroan egongo da, arratsaldeko 7ak aldera Bastidan.

EH Bilduk etxez etxeko laguntza zerbitzuaren kudeaketa bere gain hartzearen eta oinarrizko zerbitzu sozialak indartzearen aldeko apustua egin du Asparrenan

| 2019-04-07 18:49:00

EH Bilduk Asparrenako Udalerako hautagaitza aurkeztu du gaur. Zerrendaburua egungo alkatea Txelo Auzmendi da eta berarekin batera, gaur egungo udal gobernukideak diren Inma Albizu eta Gotzon Lopategik jarraitzeaz gain, Dani Sanchez, Tere Zufiaur, Conchi Fernandez, Aitziber Martinez de Ilarduya, Joseba Almiñana, Javi Saenz, Eva Garcia de Albeniz, Saioa Urteaga eta Javi Samaniegok osatzen dute zerrenda. Aurkezpen ekitaldian legealdiaren balantze bat egiteaz gain, hurrengo legealdirako proposamenak azaldu ditu. Auzmendik arreta berezia eskaini dio zerbitzu sozialen atalari eta arlo horretan hainbat proposamen egin ditu: etxez etxeko laguntza zerbitzuaren kudeaketa Udalaren esku uztea, oinarrizko zerbitzu sozialak indartzea, 12-21 urte bitarteko gazteentzako esku-hartze komunitarioaren programa bat abian jartzea eta eguneko arretarako landa zentro berri bat egitea Barrundia, Zalduondo eta Donemiliagako udalerriekin batera.

Horrez gain, EH Bildu Asparrenak polikiroldegi zaharra zaharberritzea proposatzen du kirol eta kultura jardueratarako. “Frontoiak zuen eremu handian trinkete bat egingo dugu, rokodromo bat, jolasleku eta gazteleku bat, aterpe bat eta talde zein elkarteentzako lekuak –horrela eskatuz gero- baita Alipendi ikustera joaten direnentzako aterpe bat” zehaztu du Auzmendik. Era berean, eskola publikoaren eraikinaren isolamendu termikoaren erreforma, industria poligonorako sarbide berriak eta araztegian eguzki panelak jartzea planteatu ditu.

Asparrenako alkateak amaitzear dagoen legealdiaren balantze labur bat egin du eta hiru kontu nabarmendu ditu: adostasunetara heltzeko gaitasuna, udalerriko partehartzearen bultzada eta udalerria osatzen duten toki erakundeekin elkarlan estua. Energia-eraginkortasunean egindako lana balioan jarri du eta Abiadura Handiko Trenaren aurka azaldu da berriz.

Azkenik, kudeaketa ekonomikoa aipatu du “inbertsio garrantzitsuak egin direlako – futbol zelaia eta ingurua, argiteriaren aldaketa, Andra Mari kalea, igerilekuetan konponketak, polikiroldegi berria, zinea, erabilera anitzeko aretoa…- eguneko lanak ahaztu gabe eta, batez ere, zorra erabili gabe”. Horri esker, Asparrenak etorkizuneko proiektuei aurre egiteko soberakina du.

Iñaki Ruiz de Pinedo: “Ultraeskuindarrak eta estatuko botere ilunek ikusi dute garaitu behar den etsaia ezkerreko independentismoa dela"

| 2019-04-06 16:00:00

Madrilgo Kongresurako EH Bilduko hautagaia Iñaki Ruiz de Pinedok azpimarratu du gaur EH Bildu erabakigarria izango dela datorren legealdian ultraeskuindarra kontra egon arren. “Ultraeskuindarrak eta estatuko botere ilunek ikusi dute garaitu behar den etsaia ezkerreko independentismoa dela. Gal dezaten itxaropena. Asko eta asko izango gara eta erabakitzeko gaitasuna izango dugu. Arabak ere duintasun eta demokraziaren olatuan parte hartu nahi du . Araban ere, gero eta gehiago gara. Hazten ari hara eta bozka gutxitara dugu ordezkaritza izatea eta ultraeskuindarrari kentzea. Guztion artean lortuko dugu”, nabarmendu du.

Zentzu horretan, “soilik estaturik gabeko nazioen ezkerreko soberanisten arteko aliantza batek jar dezake mahai gainean Estatuan jendarte demokratikoak eraikitzeko beharrezko gakoak: austerizioaren amaiera, estatuko nazioen aitortza, herrien autodeterminazioaren eskubidea eta preso politikoen etxeratzea”.

Murgian izandako ekitaldi politikoan parte hartu du ere bai Kike Fdez de Pinedok. Arabako Ahaldun Nagusia izateko hautagaiak. Fdez de Pinedok Araba haize freskoa behar duela esan du. “betiko politikarekin asperturik gaude, Arabak haize freskoa behar du. Egonkortasuna eskaintzen digute baina egungo egoera etsipenez onartzea nahi dute, ezer aldatzea, elite ekonomikoak gero eta egoera hobeagoan egotea, injustizien aurrean beste aldera begira egotea espetxeak preso politikoekin betetzen diren bitartean, hurrengo lege zentratzailea edo Auzitegi Konstituzionaletik datorren hurrengo sententziaren aurrean isilik egotea”, aipatu du.

Gorbeialdeari dagokionez, Kuadrillan bertan Bigarren Hezkuntza egitea ahalbideratu behar da Pauldarren eraikinean. Bestetik, gazteek Gorbeialdean bertan bizitza proiektua garatu ahal izateko, bestelako etxebizitza behar da, alokairu sozialean oinarrituta. Hemen Eusko Jaurlaritzaren inplikazioa ezinbestekoa da, Alokabide zerbitzuaren bidez. Gainera, arreta berezia eskaini behar zaie abandonatzen ari diren baserriei, gutxienez bi norabidetan: batetik, bertan bizitzeko proiektuak sustatzea maldan behera doan lehen sektorean jardutearekin lotuz; bestetik, haien morfologia erabiliz etxebizitza komuniotarioak eskaintzeko.

Azkenik, ekonomia zirkularraren eta garapen endogenoaren aldeko apustu argia egiten jarraituko du EH Bilduk. Hondakinen tratamenduari dagokionez, lehentasun osoa daukate gaikako bilketa egokiak eta konpostaren berrerabileran sakontzeak. Gorbeialdeko Toki Erakundeek bertako ura ondo baino hobeto kudeatzeko erakutsi duten gaitasun erabatekoa babestuko du, eta finantzazio egokia ziurtatuko die Foru Aldunditik, PNVk sustatzen dituen zentralizazio arriskuaren aurrean eta txantaje ekonomikoaren kontra.

ALBISTEAK

EH Bildu-k erresilientzia programa bat proposatu du foru egoitzetako bizipenak pandemian bildu eta gizarteratzeko

2021-03-30 08:57:00

Claudia Venceslao: “Egoitza-zentroetan hilabete hauetan guztietan izandako esperientziez hitz egiten laguntzeko programak proposatzen ditugu. Testigantzak biltzeaz eta zentzuduna partekatzeaz ari gara”

Asparrenak, Donemiliagak eta Barrundiak berriro eskatuko dute Batzar Nagusietan Axpuruko eguneko arretarako landa zentroa martxan jartzeko

2021-03-26 11:12:00

Foru Gobernuak diru-laguntza bat ukatu dio berriro Donemiliagako Udalari, basozainaren etxea egokitzeko.

Mendekotasuna dutenen zaintzaileentzako banakako laguntza psikologikoa "berehala" berreskuratzeko eskatu du EH Bildu-k

2021-03-25 13:00:00

Luis Maria Salgado: “Osasun mentalari dagokionez, egunez egun pandemia garesti kostatzen ari zaigula ikusten ari da. Bitartean, Aldundiak zerbitzua ezabatu eta pandemiaren beraren eta gastu-igoeraren bidez justifikatzen du”

Arkamo eta Iturrietako zentral eolikoak geldiarazteko helburuarekin alegazioak egiteko deia egin die EH Bilduk zuzenean eragiten dieten udal gobernuei

2021-03-25 10:54:00

Aguraingo, Arraia-Maeztuko, Iruraiz-Gaunako eta Erriberagoitiako udaletan erregistratu du eskaera.