AKTUALITATEA

Samaniegoko udal igerilekuko lanak amaitu dira

| 2025-10-24 11:32:00

Samaniegok badu bere lehen udal igerilekua. Samaniegoko Udalak Construcciones Majuelo enpresari esleitu zizkion lan horiek, eta 418.000 eurotik gorako kostua izan dute. Lanen zati bat (78.0000 euro) Obra eta Zerbitzuen Foru Planaren bidez finantzatu da, eta beste 150.000 euro Leader funtsen bidez.

Samaniegok 18m luzeko lehen udal igerileku irekia izango du datorren udan. Gainera, 1.2000 metro koadro baino gehiagoko berdegunea izango du. Instalazioek aldagela egokitu bat eta lehen sorospenetarako lokal bat ere badituzte. Gainera, aldagelak pilotalekuko eta futbol-zelaiko instalazioekin partekatzen dituzte.

Samaniegoko alkate Pili Garmendiak azaldu duenez, instalazio honekin udal kirol zerbitzuak indartu, bisitariak erakarri eta biztanle egoiliarrak finkatu nahi ditu Samaniegoko Udalak.

Kokalekuak hiri-zerbitzu guztiak ditu: ura, saneamendua, sare elektrikoa... Neguan pilotalekuari eta futbol-zelaiari zerbitzua ematen dieten aldagelak izatea aukera paregabea da udan igerileku berriari zerbitzua emateko eta, horrela, zerbitzu berriaren kostua murrizteko.

Haur Eskola egokitzeko lanak ere amaitu dira, ikastetxearen irisgarritasuna eta erosotasuna hobetzeko irakasleentzat eta haurrentzat, eta 45.000 euroko inbertsioa egin da.