AKTUALITATEA

Lagrango Udalak Trebiñuko Konderriko herritarrak hartuko ditu eguneko arreta zentroan

| 2025-11-26 10:46:00

Lagrango eta Trebiñuko Konderriko Udalek hitzarmen bat sinatu dute azken udalerri horretako bizilagunei Lagrango eguneko arretarako landa-zentroan arreta emateko. Ekimen honen bidez, Laño, Bajauri, Obekuri, Alabaina eta Parizan bizi direnei erantzun nahi zaie bereziki, hurbiltasunagatik nahiago baitute Lagrango zentrora joan eta beren familia- eta gizarte-ingurunean geratzea.

Lagrango eguneko arretarako landa-zentroak hamabost plaza ditu guztira, eta 2014an ireki zituen ateak. Landa-zentroen gainerako kasuetan bezala, Arabako Foru Aldundiak zentroaren finantzaketaren % 80 hartzen du bere gain, eta Lagrango Udalak gainerako % 20a. Orain, hitzarmen honen arabera, bi udalerriek hartuko dute beren gain funtzionamendu- eta mantentze-gastuen % 20 hori, udalerri bakoitzean dagoen erabiltzaile kopuruaren arabera. Arabako Foru Aldundiak arautuko du onarpen-prozesua, bi udalerrietako gizarte-langileekin lankidetzan eta koordinatuta.

Urtzi Gaintzarain Lagrango alkateak pozik hartu du akordioa sinatzea. "Badakigu Lagranera hurbiltzeko interesa duten pertsonak daudela. Ez du inolako zentzurik Trebiñuko enklabean bizi direnen nahiei eta beharrei erantzuten ez dien banaketa administratibo anakroniko batean oinarrituta sartzea galaraztea ", gaineratu du.