AKTUALITATEA

Iñaki Ruiz de Pinedo: "Bastidatik, PPri beste batzuek oparitzen dioten plazatik, eskuina gelditzeko konpromisoa hartzen dugu"

| 2023-07-15 14:49:00

Bastida. 2023-07-15. Iñaki Ruiz de Pinedo EH Bilduren Kongresurako Arabako zerrendaburuak esan du EH Bildu eraginkorra dela eskuina gelditzeko. "Gaur hemen, Bastidan, EAJk PPri oparitu dion plaza, hauteskundeak irabazi ez zituen beste plaza batzuk eskuratzeko helburu bakarrarekin, eskuina gelditzeko konpromiso irmoa berresten dugu. Hitzekoak garelako PPren kalte politikoak gertutik ezagutzen ditugulako gure esku dagoen guztia egingo dugu Bastidan, Araban eta Madrilen eskuina geldiarazteko ", azaldu du EH Bilduren Kongresurako hautagaiak.

Ruiz de Pinedok ziurtatu du, gainera, EH Bilduren aldeko botoak balio bikoitza duela. "Alde batetik, eskubideetan aurrera egiteko balio du, jendearen beharrei erantzuten dieten politika aurrerakoiak bultzatzeko balio du. Bestetik, herri honetan ireki den ziklo politikoaren aldaketan sakontzeko balio du. Beraz, boto subiranista eta ezkertiar bakar bat ere ezin da etxean geratu ", gaineratu du.

Bestalde, Mikel Otero legebiltzarkideak nabarmendu duenez, "legegintzaldi honetako lorpenak nahikoak diren ala ez alde batera utzita, itzal beltza dago hauteskunde hauetan. Faxismoa da, gu guztioi barre eginez, denboraren tunelean sartu eta geure burua garai ilun batera arrastaka eramaten saiatzen dena".

"Hauteskunde hauek ere hortik doaz, aldaketa-olatu politikoak, maiatzaren 28an sortu zen itxaropenaren olatu politikoak, balio izatea ez iluntasun-mehatxuaren aurrean euste-horma bat egiteko, eta olatu handi bat egiteko, faxismoa eta eskubideak eta aurrerapen sozialak urratzen dituena herri honetan eta behar direnetan. Izan zirenengatik, garenengatik, eta etorriko direnengatik! Olatu horrek EH Bildu du izena ", ziurtatu du.