AKTUALITATEA

EH Bilduk desgaitasuna baloratzeko zerbitzuak COVID iraunkorrari buruzko prestakuntza espezifikoa izatea bultzatuko du

| 2025-09-24 07:39:00

EH Bilduk desgaitasuna baloratzeko zerbitzuak COVID iraunkorrari buruzko prestakuntza espezifikoa izatea bultzatuko du. Hala jasotzen da EH Bilduk Arabako Batzar Nagusietan erregistratu duen mozio batean, gaitzaren errekonozimendua errazteko. Era berean, ekimen horrekin gizartea gaixotasunaren inpaktuaz eta ondorioez kontzientziatu nahi du.

Claudia Venceslao EH Bilduko prokuradoreak gogorarazi duenez, gaixotasuna pairatzen dutenek COVID iraunkorra gaixotasun gisa aitortzeko dituzten zailtasunak azaldu dituzte Batzar Nagusietan. Izan ere, gaixotasun horren ondorioak ezinduak dira neurri handiagoan edo txikiagoan.

Hala ere, aitorpen horrek aukera emango lieke oinarrizko zerbitzuak eskuratzeko, hala nola gizarteratzea eta laneratzea, laguntza teknikoak, mugikortasunerako laguntzak, prestazio ekonomikoak edo onura fiskalak, gaixotasun ezinduak dituzten pertsonek bizimodu autonomoagoa, independenteagoa eta inklusiboagoa izan dezaten.

Hori dela eta, EH Bilduk azpimarratu du beharrezkoa dela urritasun eta mendekotasun balorazio horiek egiten dituzten profesionalei gaixotasun horri buruzko prestakuntza espezifikoa ematea.