AKTUALITATEA

| 2025-11-28 14:26:00

Azaroaren 26ko osoko bilkuran 2026rako udal-aurrekontua onartu zen, eta 20.283.883,91 euroko gastua aurreikusten da.

IKUSI BIDEOA

Gobernu-taldearen helburua

Aurrekontu honek jarraipena ematen die dagoeneko hasita dauden proiektuei eta legegintzaldiko planean finkatutako lan-ildoei. Ehbilduk herritarren parte-hartzea bultzatzen jarraituko du udal politiketan eta, ondorioz, eztabaida prozesu parte-hartzaileak antolatzen, zifrak eta inbertsioak alde batera utzita, aurrekontu honen bidez herri biziagoa eta askotarikoagoa eraiki nahi dugulako: berdintasunean oinarrituta, eskuzabalagoa eta parte-hartzaileagoa... herri euskalduna, bidezkoa eta solidarioa.

Aurrekontuak

EHbildu eta Elkarrekin Sopelako gobernu taldeak sei lan-ildo nagusi eta hiru proiektu estrategiko izan ditu oinarri. Lan-ildo nagusiak honako hauek dira: etxebizitza, ingurumena, hezkuntza, eremu soziala, tokiko garapena eta hiri-inbertsioak, eta hiru proiektu estrategikoak honako hauek dira: udalaren kirol-instalazioak, liburutegi berria eta Larrabasterrako Urgitxieta plaza.

Lan-ildo nagusiak

• Etxebizitzan:

Sopela gune tentsionatu izendatzeko prozesua amaitu nahi da; HAPOren prozesuarekin jarraitu; Alokabiderekin etxebizitzen alokairua sustatzeko hitzarmena garatu nahi da, eta etxebizitza turistikoen ordenantza onartzeko asmoa dago.

• Ingurumenean

Urkoko hezegunearen proiektua gauzatu nahi da, eta Eraztun Berdearekin lotutako proiektuekin jarraitu: bide publikoak mantentzea, bidegorrien sarea handitzea, Burdin Hesiari balioa ematea, zuhaitz-plana aplikatzea eta mapa arkeologikoa HAPOren prozesuan sartzea.

• Hezkuntzan

Sopelako Hezkuntzako Udal Kontseilua sortu nahi da, eta hainbat inbertsio egin, hala nola Zipiriñeko patioan ekipamendu inklusiboa jartzea eta berdegunea egokitzea (100.000 €); euskaltegiaren eta Musika Eskolaren fatxadak hobetzea eta Haurreskolan inbertsioak egitea. Guztira, 146.500 € erabiliko dira.

• Gizarte-arloan

209.389,94 €-ra igo da Uribe Kostako Zerbitzuen Mankomunitateari egindako ekarpena, bera baita gizarte-zerbitzuen, berdintasunaren, euskararen, iraunkortasunaren, ekogunearen eta kontsumoaren arduraduna, eta aurrera egin da Sopela udalerri lagunkoi gisa eraikitzen, Sopela Lagunkoia proiektuan oinarrituta.

• Toki-garapenean

Hiri Ekonomia Bultzatzeko Plan Estrategikoa eta Turismo Iraunkorreko Plan Estrategikoa garatuko dira.

• Hiri-inbertsioetan

Kaleak urbanizatzea eta asfaltatzea, 242.000 euroko balioarekin; Akilino Arriola eta Iberre kaleen artean eta anbulatorioaren inguruko beste baten artean biribilguneak sortzea (250.000 €); Sertutxa eta Zubigane kaleetako saneamendua hobetzea eta Sopelako metrorako sarbidea hobetzeko aprobetxatzea (583.220 €) eta Iturrietako parkea hobetzea, gazteen beharretara egokitzeko (kalistenia-parkea handitzea, ping-pong mahaiak...). 84.700 euro gehiago inbertituko dira.

Proiektu estrategikoak

Hiru planteatzen dira: Udal kirol instalazioen kudeaketa berritzea, instalazio berrien proiektua martxan jarriz, 120.000 euroko gastuaz gain egungoak hobetzeko; liburutegi berriaren proiektua onartzea eta burutzapen proiektua lizitatzea eta Urgitxieta plaza berritzeko proiektua onartzea eta burutzapena lizitatzea.