AKTUALITATEA

| 2022-10-17 09:13:00

Garai ilunak bizi ditugu. Eta ekaitza dator. Komunikabide nagusiek negu gogorra datorrela ohartarazten digute. Beste krisi bat datorrela. Krisiak gertaera meteorologiko bat balira bezala. Beraiek sortu dituzte! Euskal Herrian krisiak izan ditugu etengabean gure industriaren birmoldaketatik. Ezer berririk ez eguzkipean. Neo-faxismoaren gorakadak, bizitzaren garestitzeak, ezker tradizionalaren ezintasuna klase herrikoien jaiotzei aurre egiteko, Euskal Herriko gogo subiranistaren ustezko ahultzeak... denak apatiara omen garamatza.

 

Baina, egia esan, erreakzionatzeko garaia da: garai interesgarriak datoz. Inplikatzeko eta gure errealitatea eraldatzeko garaiak. Herri-borrokarako garaiak. Baita Sopelan ere. Hauteskunde hitzordu garrantzitsu bat dator, eta bertan erabakiko da nor izango den gure herriko erakunderik erabakigarrienetako bat gidatuko duena: Udala. EAJren esku uztea edo indarrak batzea eta EH Bilduri udala eraldatzeko aukera ematea. Durango, Galdakao, Arrigorriaga... EH Bilduk pertsonen bizitza hobetzen duen udalgintza eraldatzailea jarri du praktikan. Sopelan ere egoera iraultzeko aukera dugu. Ezkerreko subiranistak gero eta gehiago gara eta gero eta indartsuagoak gara. Legegintzaldi osoa daramagu EAJren politika zaharkituen aurrean alternatibak proposatzen. Orain da garaia sopeloztarrak aldaketa horretan murgiltzen hasteko. Alternatiba ezkertiar, soberanista, euskaldun, feminista eta ekologista batean murgiltzeko garaia da. Prest gaude. Legegintzaldi osoan zehar prestatzen aritu izan gara. Eta plan bat daukagu.

 

Eta zu behar zaitugu. Zuok guztiok, EH Bilduren oinarri soziala osatzen duzuen sopeloztarrok. Urriaren 21ean, ostiralean, 18:30etan Kurtzion, batzar garrantzitsu bat egingo dugu herri ereduaren proposamena eta 2022/2023 ikasturterako erronkak aurkezteko. Gainera, Sopelarako etapa berri honen buru izango direnak proposatuko dizkizuegu: Sopelako alkategaia eta gure arduradun politiko berria. Garai interesgarriak datoz. Izan zaitez guzti honen parte.