AKTUALITATEA

| 2024-12-20 10:32:00

Gaurkoan Lizarrako PSNk eta EH Bilduk egindako akordio bati buruz berri ematera gatoz. Izan ere, jakingo den bezala Nafarroako Aurrekontu Orokorrei egindako emendakinen ondorioz, alderdi bakoitzak 100.000€ jarrita, 200.000€ko emendakina lortu dugu Lizarrako hiritar ororentzat positiboa eta eraginkorra izango den eraldaketa bat aurrera eramateko. Kasu honetan, Txantona eta Los Llanos parkea batuko dituen pasarela baten bitartez.

Gobernu taldeak hiri eredu bat definitzeko gaitasunik ez duen momentu honetan, positiboki baloratu nahi ditugu talde aurrerakoien arteko akordio mota hauek.  Herritarren ongizatean aurrera egiten laguntzen dute, bai eta osasuna, mugikortasuna eta zaintza erdigunean izango dituen hiri eredu bat bultzatzen ere.

Jakitun gara EH Bilduk eta PSNk Nafarroako Aurrekontuetan sartutako kopurua ez dela nahikoa Txantona pasabidearen proiektua bere osotasunean garatzeko, horregatik espero dugu gobernu taldea maila berean egotea eta ekarpen hori aprobetxatzea. Ildo horretan, bere erantzukizuna bete eta datorren urtean hiriarentzat hain beharrezkoa den proiektu bat gauzatzea ahalbidetuko duten aurrekontu-doikuntzak egiteko zain egongo gara.

EH Bildutik beti hartu dugu kontuan Los Llanos parkearen garapena, bere alderdi guztietan. Parkeko lurzati pribatuak liberatzeko AD-2a , Santa Klara auziari buruz sor daitekeen eztabaidak eta, kasu honetan, Los Llanos parketik Oncineda eremu berrira eta etorkizunean Aiegirekin lotura izango duen gune bat lehengoratzeko helburua koka dezakeen pasabideari dagokionez.

EHBildu Lizarra talde aurrerakoien artean akordioak lortzeke dago eta egongo da, are gehiago akordio horiek hiria hobetzea ahalbidetzen dutenean, une honetan dagoen paralisiaren aurrean. Proiektu hau estrategikoa da EHBildu Lizarrak hirirako duen osasun, ongizate, zaintza, mugikortasun jasangarri eta lurralde kohesioaren ereduaren barruan. Pasabideak Oncinedako gizarte-zerbitzuetako eremu bat (adinekoen egoitza publikoa eta kirol-eskolen eremua) etorkizuneko osasun- eta zaintza-zerbitzuekin lotuko du, eta horien aldeko apustua egiten jarraituko dugu, Los Llanosen kokatu daitezen (osasun-zentroa eta eguneko zentroa).

Aiegi eta Lizarra lotuko ditu, halaber, oinezkoentzako eta bizikletentzako bide seguru eta iraunkor baten bidez (indar aurrerakoiekin ere lan egin beharko dena), trafiko handiko eta espaloi estuko ingurunea saihestuz, hala nola Carlos VII .a eta Fray Diego kaleek osatutako ardatza. Pasabide hau, beraz, hiri-eredu atsegin eta jasangarriago baterako lehen urratsa da. Aiegira begira dago, zerbitzuak eta herriak hurbiltzeko asmoz, eta helburu nagusia osasuna eta herritarren ongizatea lortzea da, osasun-, zaintza- eta kirol-zerbitzu publiko eta kalitatezkoen bidez.