AKTUALITATEA

Leioako Udalak Viuda de Sainz enpresa orube bat erabiltzeagatik, beharrezko udal lizentziarik izan gabe, zigortzea lortu du EH Bilduk

| 2025-10-03 14:12:00

Viuda de Sainz enpresak bere jabetzako lursail bat eraldatu zuen legez kanpo eta hirigintza-planetik kanpo, Avanzada tunela egokitzeko proiektuaren obraren euskarri gisa, beharrezko udal-lizentziarik izan gabe.

Udal kudeatzaileek erantzukizunak alde batera utzi dituzte. Leioako Udalak ez zuen inolako neurririk hartu legezkontrakotasuna saihesteko, nahiz eta bizilagunek hasieratik egindako obren berri eman zioten, 2023ko udan.

Bizilagunek egoeraren berri eman ziguten, eta 2023ko abenduan informazioa eta espedienterako sarbidea eskatu genituen. Egiaztatu genuen legez kontrako egoera baten aurrean geundela, eta hala jakinarazi genien udal-arduradunei. Urtebete eta erdi baino gehiago behar izan dute jarduteko.

Ezarritako 4.800 euroko isuna gutxieneko balioa iruditzen zaigu EAEn eraikuntza-enpresa handienetako batentzat. Baina haren balio sinbolikoa nabarmendu nahi dugu.

Era berean, legezkotasuna berrezartzeko eta orubea aurkitu zuten bezala uzteko eskatzen dugu.