AKTUALITATEA

| 2025-03-24 18:30:00

Duela egun batzuk prentsaren bidez jakin dugu Dow Chemicaleko lurretan Leioa eta Erandioko Udalen eta gaur egungo lursailen jabeen arteko hirigintza-hitzarmen bat sinatu daitekeela.

Berrian, tokiko gobernuek ia 700 etxebizitza eraikitzea proposatu dute; horietatik % 60 libreak izango lirateke, % 20 babes ofizialeko etxebizitzak eta beste % 20 etxebizitza tasatuak.

EH Bildu Leioak adierazi nahi duen lehenengo gauza, kudeaketa honetan, Leioako Udal Gobernu taldeak izan duen ilunkeria. Oposizioko taldeok ez dugu honi buruzko informaziorik izan. EAJren eta PSEren udal gobernuaren gardentasun faltaren beste adibide bat.

Prentsan agertutako informazioei buruz honako hau adierazi nahi dugu:

• Iraganeko inertziak dituen hirigintza-proposamena. Etxebizitza librea lehenesten da, legeak baimentzen duen gehienekora bultzatuz, eta BOEa % 20ra murrizten da, legeak baimentzen duen gutxienekora, eta etxebizitza tasatuaren % 20ra, legeak baimentzen duen gehienekora, zeina etxebizitza librearen prezioaren antzekoa baita. Ez da etxebizitza-parke publikoa sustatzen. Hori ez da etxebizitzaren arazoa konpontzea, larriagotzea baizik.

• Etxebizitza-sustapena bizitegi-erabilerak baimenduta ez dauden eremu batean egitea planteatzen da. HAPOren nahierako aldaketa bat berriro, gutxienengoaren interés pribatuak asetzeko. Eta gogoratu behar da bi udalerriak beren HAPO berriak idazteko prozesuan daudela.

• Eusko Jaurlaritzaren mendeko ikerketa eta teknologia zentro den Azti enpresa publikoak Astrabudua eta Lamiako hezeguneetako ingurumena berreskuratzeko aukerak daudela esan duen eremu batean eraikitzea planteatzen da.

• Uholde-arriskua duen eremua da

Leioan arazo larria dugu etxebizitza eskuratzeko. Alokairua ordaindu ezin dutelako udalerritik alde egin behar duten ehunka gazteen exodoa, edo etxebizitzen prezio altuen ondorioz beren bizitzak prekarizatuta ikusten dituzten ehunka familia. Leioa da Hego Euskal Herri osoko 4. udalerri garestiena, arazo larria da, eta arazo hau konpontzeko lehentasuna eman beharko litzaioke udal-gobernuko taldeari.

Udalak udalerrian etxebizitza eskuratzea errazteko erronka izango duen etxebizitza-politika bultzatu behar du, eta, horretarako, besteak beste, beharrezkoa da:

• Etxebizitza-parke publikoa ahalik eta gehien handitzea (alokairu soziala lehenetsiz)

• Hutsik dauden etxebizitzak merkatuan sar daitezen lortzeko politikak aurrera eramatea:
  • Hutsik dauden etxebizitzen alokairua sustatzeko plana
  • Etxebizitza hutsagatiko kanonaren aplikazioa

• Alokairu-merkatuan esku hartuz, prezioak kontrolatu ahal izateko:
  • Alokairu-merkatuko tentsio-eremu izendatzea

Arestian adierazitako proposamen guztiak Leioako Udalean aurkeztu ditugu. Horien aurrean, arbuioa, borondate politikorik eza eta norabide horretan urratsak egiteko konpromisorik eza aurkitu ditugu. Jarrera arduragabea da, jabe handiei bakarrik mesede egiten diena eta herritar gehienei kalte egiten diena. Egoera hori hobetuko duen etxebizitza-politikaren alde lan egiten jarraituko dugu.