AKTUALITATEA

EH BILDU Leioak Mendibile Jauregia udal eta herritarren eskuetara itzultzeko eskatu du, lagapen-baldintzak ez betetzeagatik. Mendibile herriarentzat!

| 2022-06-13 21:41:00

Leioako EH Bilduk  Gobernu Taldeari planteatu dio, maiatzeko batzordean eta Osoko Bilkuran, metodologia zorrotzago batekin egin beharreko ebaluazio baten faltan, eta 2018 eta 2019ko memoriak ikusita (pandemia aurreko urteak), jarduerek eragin minimoa izan dutela enpleguaren sorreran eta Leioako ehun ekonomikoaren birsorkuntzan.

Horregatik uste du:

A) Erakunde independente batek ebaluazioa egin beharko luke egindako jarduerak eta Mendibile Jauregi elkartearen helburuak ebaluatzeko.

B) Bitartean, Mendibile Jauregia Elkartean ordezkatuta dagoen gobernu-taldeari eta Elkartearen beraren Zuzendaritza Batzordeari eskatu zaie, lizitazio berrirako pleguak idazten ari denez – Izan ere, lizitazioaren luzapena amaitu da –, lizitazio hori jatetxe-espazioaren kudeaketara mugatzeko, udalak zuzenean kudea ditzan erakusketak eta bestelako kultura-jarduerak egiteko eta ekitaldi ekonomikoak kudeatzeko espazioak eta aretoak. EH Bilduren eskaera honi Iban R Etxebarria Leioako alkateak erantzun dio elkartearen beraren izenean, eta uko egin dio lizitazioaren pleguak aldatzeari.

Honen aurrean, Leioako udal taldeak honako hau proposatzen du:

1.- Ordua da udal ondarea Leioako herritar guztien eskuetara itzultzeko. Lagapen-erabakia bertan behera uzteko eskatzen dugu, arrazoi nahikoa baitago horretarako, doako lagapen-akordio horri eusteko eskatzen diren baldintzak ez betetzeagatik.

2.- Gobernu Taldeari dei publikoa egiten diogu elkarte-, kultura- eta, oro har, herritar-jardueretarako espazio publikoaren beharrak aztertu eta ebaluatu ditzan, eta, ondorioz, espazio horien kalitatea berma dezala, herritarrek goza dezaten.