Irun

EH Bilduren ekimenez, Moriako errefuxiatu gunearen egoera larriari buruzko mozioa onartu du Irungo Udalbatzak

| 2020-09-25 13:25:00

 

 

Irungo Udalbatzak Moriako errefuxiatu gunearen egoera larriari buruz EH Bilduk aurkeztutako mozioa onartu du:

Badira bost urte Morian, Grezian, pertsona errefuxiatuentzako eremua sortu zenetik. Hasieran 3.000 pertsonentzat sortutako eremu hau kontrolik gabe hazi eta hazi da (gaur egun 12.000 lagun ditu), Europak beste alde batera begiratu duen bitartean eta estatuek pertsona errefuxiatuak artatzeko konpromisoa (2015 eta 2016 artean sinatutako banaketa kupoa) alboratu duten bitartean.

Hirugarren sektoreko eragileek eta gobernuz kanpoko erakundeek behin eta berriro salatu dute Moiran bizirauten duten pertsonen baliabide falta. Mundu mailako osasun alarma egoerak eta azkenaldiko eraso ultraeskuindarrek bizi baldintza horiek zaildu egin dituzte.

Azkenean, Moria lehertu da. Lau sute txikirekin hasi zena sute erraldoi bihurtu zen, Europako errefuxiatuen esparrurik handiena errez. Atzoko datuen arabera, 35 pertsona errefuxiaturen positiboa baieztatu zen, COVID19 birusaz, eta beste 125 pertsona berrogeialdi hertsia egiten ari ziren. Horrelako eremu batean ezinezkoa da segurtasun neurriak aurrera eraman ahal izatea, ezta gutxieneko distantzia mantentzea ere, higiene neurriak bermatzea…

Sutea dela eta, bertako biztanle guztiek ihes egin behar izan dute. Batzuek zuten gutxia gainean hartzeko abagunea izan dute; beste batzuek, aldiz, zeuden bezala alde egin dute.

Orain, 12.000 lagunetik gora sakabanatuta daude Moria inguruan. Jendea sakabanatuta dago, haurrak galduta daude beraien gurasoengatik galdezka, lagundu gabeko adin txikiko haurrak identifikatzen saiatzen ari dira, ur eskasia dago eta etengabe hori eskatzen ari dira.

Elkarte eta erakundeak egoeraren mapeoa egiten ari dira, pertsona errefuxiatuak non pilatu diren aztertzen eta janaria nola banatu eta haiengana nola heldu baloratzen. Lan hori egiten ari direnen artean, Zaporeakeko kideak daude, gaur egun zerbitzu oinarrizko bat ematen dauden erakunde bakanetakoak direlarik.

Horiek horrela, EH Bildu udal taldeak, honako hau proposatzen du:

1. Irungo Udalak "harrera hiritzat" du bere burua, eta elkartasuna adierazi nahi die haien bizilekuetatik alde egin beharrean diren pertsonei. Eta gatazka politiko eta militarretatik ihes egiten duten pertsona errefuxiatuak hartzeko prestutasuna adierazten du, baita konpromiso bera duten beste erakundeekin lan egitekoa ere.

2. Irungo Udalak, Eusko Jaurlaritzarekin eta Gipuzkoako Foru Aldundiarekin bat, iheslariak hartzeko eta integratzeko harrera planari eusteko konpromisoa berresten du, eta xede horretarako estrategiak, programak eta baliabideak zehaztuko ditu, baita erakundeen eta gizarte antolakundeen arteko elkarlanerako esparruak ere.

3. Irungo Udalak Espainiako Gobernuari eta Europako erakundeei eskatzen die har ditzatela premiazko neurriak krisi humanitario honi erantzun aktiboa emateko, elkartasuna eta justizia oinarrian direla, eta politika bateratu bat egin dezatela immigrazio eta asilo arloan, pertsonei lehentasuna emanez eta giza eskubideen zaintza bermatuz. Gerra hauetatik ihes egiten duten edo tragedia hau aprobetxatzen duten mafien biktima diren pertsonak hartzeko beharrezko bitartekoak bidera ditzatela eskatzen die.

4. Irungo Udalbatzak Gipuzkoako Foru Aldundiari eta Eusko Jaurlaritzari Moriako tragediaren aurrean jarrera aktiboa eta solidarioa har dezatela eta haren ondorioak arintzeko eskura dituzten bitartekoak bidera ditzatela eskatzen die. 

Irungo EH Bilduk Hezkuntza arloa indartzea eskatu dio udalari

| 2020-09-23 13:19:00

Hasi berria den ikasturtea berezia eta zaila izaten ari da hezkuntza komunitatea osatzen duten ikasle, irakasle, gainerako langile eta familientzat. Jakin badakigu sekulako ahalegina egiten ari direla COVID-19ak sortutako osasun egoerari aurre egiteko eta EH Bildutik gure animorik handienak bidali nahi dizkiegu.

Koronabirusak sortutako krisiaren ondorioz inoiz baino argiago geratu da sistema publiko indartsua ezinbestekoa dela. Hezkuntzaren kasuan erakundeei dagokie ikasturte berriarekin batera sortu diren kezka, zalantza eta ziurgabetasunei erantzun azkar eta egokia ematea, egoera zailaren zama ezin baita hezkuntza komunitatearen bizkar utzi.

Jakin badakigu Irungo udalak hainbat neurri hartu dituela: 30 espazio publiko egokitu eta ikastetxeen esku utzi ditu eta ikasleei maskarak banatu dizkie. Begi onez hartzen ditugu aipatutako neurriak baina gehiago egin behar delakoan gaude. Esaterako eskolei zuzendutako udal programa eta ekimen guztiak indartu behar dira zentroetako zuzendaritzekin koordinatuta, eta noski, segurtasun neurri guztiak hartuta.

Hortaz, udal hezkuntza arloaren esku beharrezkoak diren baliabideak jartzea eskatzen diogu Irungo udalari. Jakin badakigu udalak dituen eskumenak urriak direla, baina eskumen hauek muturreraino eramateko unea da, ahalegin guztiak egiteko garaia dela uste dugu. Ildo beretik, Eusko Jaurlaritzari bere lana egin dezan, eta giza zein ekonomikoak diren baliabideak handitzea galde egiten diogu.

Argi dago, beraz, COVID19ko garai zail hauetan udalaren eta ikastetxeen arteko harreman zuzena izatea ezinbestekoa izango dela, batik bat, sor daitekeen edozein arazoren aurrean erantzun azkar eta egokia emateko. Eta hau dela eta, EH Bildun erabaki dugu urrats bat gehiago ematea, eta hezkuntzaren arloa indartzea eskatu dugu erregistro bidez. Jendarte eta komunitate indartsua nahi badugu zerbitzu publikoak indartzen jarraitu beharko dugu.

Ostalaritzaren eta tokiko merkataritzaren aldeko apustu irmoa egin dezala eskatzen diogu udal gobernuari.

| 2020-08-31 17:31:00

Jakin badakigu, ostalaritza eta merkataritza txikiaren egoera COVID19a baino lehen gainbeheran zegoela, baina zalantzarik gabe, pandemiaren agerrerak sektorearen krisia areagotu du. Ez dugu ahaztu behar martxoan taberna guztiek eta denda askok itxi behar izan zutela eta fase ezberdinetan hainbat neurri murriztaile jasan behar izan dituztela.

Lakuako gobernuak hartutako azken neurrien artean 3. eta 4. mailako baimenak dituzten taberna eta diskotekak, hau da ordutegi zabalenak dituztenak, ixteko agindua dago. Irungo udalak 3. mailako baimena duten taberna hauei egunez irekitzeko baimena emateko eskaintza egin die, hori ahalbidetzeko 118,25 euroko tasa ordainduta. Esan gabe doa ondo ikusten dugula taberna hauek irekita mantzeko neurri hau. Hala ere, espazio publikoaren okupazio tasarekin (terrazak) onartu zen moduan, gure taldeak tasa honen %95eko hobaria eskatuko du.

Egoera horretatik harago, gure kezka azaldu nahi dugu ostalaritzak eta merkataritza txikiak bizi duten egoerarekin. EUSTATen aurtengo datuen arabera 2011tik 2019ra, Irunen 1268 komertzio izatetik 833 izatera pasa gara, hots, 375 komertzio gutxiago (%33,37 gutxiago) EAEko zifrarik altuenetakoa. COVID19aren ondorioz aurreikuspenak are ezkorragoak dira.

Honen aurrean, Irungo EH Bilduk beharrezkoa ikusten du bi sektore hauei laguntzak ematea. Gure taldearen babesa izan zuen Irun Aurrera planarekin laguntza txiki bat jaso zuten, baina bere garaian esan genuen bezala, ez da nahikoa, are gutxiako koronabirusaren kolpea denboran luzatzen bada. Beraz, Irungo EH Bildutik aipatatutako sektoreen aldeko apustu irmoa egin dezala eskatzen diogu udal gobernuari eta merkataritza eta ostalaritza eragileekin batera elkarlanean aritu dadila. Horiek baitira sektorea ondoen ezagutzen dutenak

Azkenik, tokiko dendetan kontsumitzeko deia luzatu nahi diegu irundar guztiei. Gure auzo eta kaleei bizitza ematen dieten dendak dira, kalitatezko produktuak dituzte eta gertuko arreta ematen digute. Ez ditzagun galdu!

Irunen PREST gaude

| 2020-07-08 16:26:00

Irunen PREST gaude langile eta pertsonen bizimoduak politikaren erdigunean jarri eta hobetzeko.

PREST Gasteizen politika feminista, aurrerakoi eta jasangarriak aurrera eramango dituen lehendakaria izango dugulako.

Igandean, ezkerreko subiranisten bota bat bera ere ezin daiteke etxean geratu. Merezi duzun herria egiteko PREST gaude.

MADDALEN IRIARTE LEHENDAKARI izateko PREST!

Berdintasuna bermatuko duten jaietatik atzo baino gertuago gaude gaur

| 2020-07-01 15:46:00

Covid 19ak ondorio latzak ekarri ditu Irundar askorentzat, guztiontzat hain garrantzitsua den San Martzial egunean, gaixotasuna pairatu edo senitartekoren bat galdu duten Irundar guztiei, EH Bildutik, gure elkartasuna azaldu nahi diegu.

Covid 19ak gure gizarte eredua ezbaian jarri du, beti ezagutu duguna zalantzan jarri du eta hasiera berriak sortzeko aukerak ireki ditu. EH Bilduk Alarde bakarra, publikoa eta parekidea nahi duela aldarrikatu du urteetan. Aurtengo botoa, helburu hori lortzeko bide berri baten sorrera izatea nahiko genuke eta atzokoa, bertan emandako lehenengo pausoaren irudia.

20 urte dira, Ekainaren 30ean, talde politiko guztiak elkarrekin, udaletxeak antolatutako ekimen batean parte hartzen ez genuela. Ea hurrengo urtean, Alarde berdinean elkar topatzen dugun, EH Bildutik horretarako lan egingo dugu, gogoz eta ilusio handiz.

Urte asko pasa dira 1996tik hona, pertsona askok eta askok lan egin dugu berdintasunaren alde, Irunentzat jai parekide batzuk aldarrikatzen, Irun prest dago, gu prest gaurde. Gaur, berdintasuna bermatuko duten jai horietatik, atzo baino gertuago gaude.