Eskoriatza

Ander Errarte

Ezagutu nazazu

| 2019-11-07 19:13:00

Ander Errarte del Pozo naiz, EH Bilduko zinegotzia eta Arrasateko Gizarte Zerbitzuetako kale hezitzailea. Gizarte Hezkuntzako gradua ikasi nuen Euskal Herriko Unibertsitatean eta, ondoren, Giza Eskubideak, Garapen jasangarria eta Bakea Masterra egin nuen Valentziako Unibertsitatean. 

Lan munduan gauza ezberdinetan aritu izan naiz, adibidez, honakoetan: bost urtetan izan nintzen monitore herri udaleku irekietan eta beste bi urtetan tabernari lanak egin nituen Eskoriatzako taberna batean; urte betez Londresera joan nintzen ingelera ikastera eta bitartean zerbitzari lanetan ere ibili nintzen. Bestetik, hiru harrera etxeetan lanean izan nintzen, Barakaldo, Buenos Aires eta Elgetan, hain zuzen ere.

 

Dorleta Sologaistoa

Ezagutu nazazu

| 2019-11-07 15:40:00

Dorleta Sologaistoa Aguiriano naiz, momentu honetan, Arizmendiko irakaslea. Lehenengo Giza Nutrizioko eta Dietikako ikasketak egin nituen, eta ondoren, Erizaintzakoak. Gainera, Gizarte Zerbitzuetako zentruen zuzendari kurtsoa ikasi nuen eta honi esker, hainbat urteetan zehar Patronato Jose Aranako (Eskoriatzako zaharren egoitza) zuzendaria izan naiz. Kurtso ezberdinak egin ditut, adibidez honakoak: lehen sorospenak; portaera-arazoen kudeaketa; giza populazioen nutrizio, elikadura eta osasuna...

Bestalde, 2005.urtean 12 eta 17 urte bitarteko gazteen hezitzailea izan nintzen Eskoriatzako Udalean eta urte bat beranduago Ekuadorren izan nintzen hiru hilabetez bolondres lanak egiten. 

 

Nestor Arana

Ezagutu nazazu

| 2019-11-07 13:25:00

Nestor Arana Arexolaleiba naiz, Mondragon Unibertsitatean robotika eta adimen artifizialetako irakasle eta ikertzailea. Modu batera edo bestera beti izan dut gustukua komunitateari ekarpenak egitea. Azken urte honetan hainbat esperientzia izan ditut, batez ere hezkuntzarekin lotuak: Luis Ezeizako guraso elkartean ibili izan naiz eta hezkuntza ez formalak duen garrantzia bermatzeko, ikastetxetik kanpo, Eskoriatzako Hezkuntza Foroan ere aritu naiz. 

Horrez gain, azken legealdian udalean zinegotzi bezala ekonomia jasangarrian aritzeko aukera daukat. Emakume baten lidergoarekin eta lan talde indartsu batek proposatzen duen proiektuan sartzeko irrika bizia sortu zitzaidan eta egoera konplexuetan lana egiten esperientzia duten pertsona nagusiz zein gaztez inguraturik, talde honek herria etorkizunera begira jartzeko aldeko haizea dakarrela sinisten dut. 

Eluska Irazu

Ezagutu nazazu

| 2019-11-07 13:00:00

Izenez Eluska Irazu Hernandez naiz eta lanbidez irakaslea. Donostian jaio nintzen arren, bihotzez eskoriatzarra naiz. Donostiako Deustuko Unibertsitatean Historian lizentziatu nintzen eta bizi erdia igaro dut klaseak ematen, ikaskuntza pribatuan zein publikoan. Tarteka, gainera, ikerketa historiko-artistikoak ere egin izan ditut. 2019ko Haustekunde Munizipaletarako Eskoriatzako EHBilduko alkategaia izan nintzen eta orain, zinegotzia eta udal taldeko bozeramailea naiz. 

Euskara da nire ama-hizkuntza eta gure lur honetan eskatzen diren titulazio ofizialetatik EGA eta C1 ditut. Bestalde, ingelera (advanced eta C1), frantsesa (B1), zeinu hizkuntza (A2) eta gaztelera ere menperatzen ditut. 

Orain eta lehen egitea gustatzen zaizkidan gauzak antzekoak dira: euskara eta euskal kulturaren munduan murgildu; literatura taldeen hitzekin jolastu; dantzan egin; munduko histora, ohiturak eta kulturak ezagutu; irakurri; mendi-irteerak egin; lagunekin egon; gantxillo egin; noizean behin aspertu, eta nola ez, nire bi alaba ausartez ikasi eta disfrutatu.

ALBISTEAK