Elgoibar

Igerileku berriak herritar guztiei egokituta egoteko, Elkartu Federazioak proiektuari egindako zuzenketak aintzat hartzeko eskatu dio EH Bilduk Udal Gobernuari

| 2020-03-04 09:27:00

 

 

Olaizagako igerieku berrien proiektuak hainbat hutsune dituela eta herritar guztiek erabiltzeko moduan ez dagoela ondorioztatu du Desgaitasun Fisikoa duten Pertsonen Gipuzkoako Elkartu Federazioak. Duela aste batzuk, eskaera aurkeztu zuen EH Bilduk Udaleko Lurraldetasun Batzordean, igerileku berrietan pertsona guztuetan irisgarritasuna bermatzea eskatzeko. Hala, besteak beste arrapala jartzea eskatu zuen. Era berean, mugikortasun arazoak dituzten herritarrekin harrametan jartzeko eskatu zion Udal Gobernuari ezker subiranistak. 

 

Hortik aurrera, Desgaitasun Fisikoa duten Pertsonen Gipuzkoako Federazioarekin, Elkarturekin, harremanetan jarri zen EH Bildu. Elgoibarko igerileku berrien proiektuaren gaineko azterketa egin du Elkartuk. Ondorioetan argi ikusten da proiektuak ez dituela irisgarritasun arauak betetzen: 

 

- Ate guztietan beharrezkoa da 90 zentimetroko tarte librea izatea, eta proiektu honetan, kasu batzuetan, 70 zentimetro besterik ez daude. 

- Komunean 80 zentimetroko tarte librea behar da, eta kasuren batean 66koa besterik ez dago. 

- Konketaren kasuan, 50 zentimetroko sakonera behar da, eta kasuren batean 30 zentimetro baino ez dituzte, ez duelarik bermatzen aurrez aurre gerturatzea. 

- Aldageletan, 1,80 metroko zirkulu bat sartzeko aukera egon behar da, eta gure kasuan 1,50 metro baino gehiago ez dago banakako aldageletan. 

- Horrez gain, beste aholku batzuk ematen dituzte konketetako txorrotei buruz, zokaloen altuerari buruz, aldageletako eserleku egokiei buruz, ez labaintzeko lurrari buruz, armairuek izan behar duten altuerari buruz, … 

Igerilekuko sarbideari dagokionez, txostenean aipatzen da gai delikatua dela, pertsona guztien irisgarritasunaz ari garelako, irisgarritasun unibertsalaz, eta pertsona guztiek daukagulako eskubidea igerileku publikotaz zein beste edozein azpiegiturataz gozatzeko. Igerilekuen kasuan oraindik eta gehiago, igerilekuan egin daitezkeen ariketak errehabilitazioan lagungarri izan daitezkeelako. 

Arlo honetan, premisa bakarra aipatzen dute txostenean: edozein pertsona gai izan dadila igerilekua erabiltzeko modu autonomoan, beste inoren laguntzarik gabe. 

Hemen ez du aipatzen igerilekuak izan ditzakeen gabeziak, baina txostenean 3 aukera ezberdin aipatzen dira: 

 

1. Alboko arrapala 

2. Traslazio bertikaleko plataforma 

3. Garabi polipastoa 

4. Bestelako garabiak: kasu honetan aipatzen du normalean kendu egiten direla, eta erabiltzaileak berriz jartzeko eskatu behar duela, horrek bere autonomia mugatuz. 

Beraz, ikusten da hemen ere badagoela eztabaidatzeko aukera, eta erabiltzaileekin aukera onena zein den definitzeko lanketa beharra 

Hori dela eta, Udal Gobernuari eskatzen diogu aintzat har dezala Elkartu Federazioak egindako zuzenketak aintzat har ditzala, modu horretara elgoibartar guzti-guztiek erabiltzeko modukoak izateko eta inor bazterrean ez uzteko. 

Elkartu Federazioak egindako eskaera guztiak aintzat hartzeko, egindako txostena eta gure eskaerak erregistratu ditugu, gaur bertan, Elgoibarko Udalean.

 

 

Altzolan zuntz optikoa jartzeko eta Albitxurin argiteria ipintzeko konpromisoa hartu du Udal Gobernuak, EH Bilduren ekimenez

| 2020-02-26 21:08:00

 

Elgoibartarren bizi kalitatean eragingo duten hainbat konpromiso hartu ditu Udal Gobernuak, EH Bilduren ekimenez. Alde batetik, Altzolako auzoan zuntz optikoa jartzeko eta lan horiek epe jakin baten barruan egiteko konpromisoa hartu du Udal Gobernuak; bestalde, EAJ eta PSEren Udal Gobernuak Albitxuriko industrialdeko bidean argiteria jartzeko konpromisoa hartu du. Erantzukizunean oinarritutako oposizio eraikitzailea egiteko konpromisoa hartu zuen EH Bilduk, elgoibartarren beharretara egokitutakoa. Gaur emandako urratsek erakusten dute gure lanak eragin zuzena daukala elgoibartarren bizi baldintzetan. 

 

Legealdi honetan lehen aldiz, Udalak hainbat konpromiso hartzea lortu du EH Bilduk, konpromiso horiek biltzen dituen bi mozio aurrera ateratzea lortu delako gaur arratsaldean egindako osoko bilkuran. Auzo Auzo dinamikaren barruan egindako bileretan Altzolako herritarrek egindako oharrak jasota, hainbat eskaera biltzen zituen mozioa erregistratu zuen ezker subiranistak. Mozio horri erantzuten zion beste mozio bat erregistratu zuen orduan Udal Gobernuak. Baina gaurko egunean, erdibideko bat adostea lortu dute EH Bilduk eta Udal Gobernuak. Honako konpromiso hauek jasotzen diren dira bertan: 

 

1.- Altzolara zuntz optikoa eramateko aukerak ikusi eta aztertu ondoren, Altzolako auzoa txuritzeko prozesuarekin hastea urte hontan, Foru Aldundiarekin batera lankidetzan. Behin txuritze hau egitean, Foru Aldundiko Sustapen Ekonomikoko sailarekin batera, zuntz optikoaren zabalketa hau gauzatzeko pausoak ematea. 

2.- Udal gobernuak, jar dezala eskudela Altzolako hilerrian, auzokoekin gaia landu ondoren, gehienez ere hiru hilabeteko epean. 

3.- Udal gobernuak, premiaz eta gehienez ere 15 eguneko epean, tramita dezala Ur Agentziaren aurrean Altzolako petrila konpontzeko eskaera. 

4.- Gipuzkoako Foru Aldundiarekin harremanetan jartzea, zarataren maparen kronograma zein den jakin, eta bizilagunen kezka adierazteko, gehienez ere 15 eguneko epean. 

 

 

Albitxuri 

 

Prozedura bera jarraituta, Albitxuriko industrialdeko erabiltzaileek, batez ere joan-etorriak oinez egiten dituztenek, jakinarazitako gabeziak konpontzeko helburua zuten hainbat proposamen jasotzen zituen mozioa erregistratu zuen EH Bilduk. Hala nola, argiteria jartzea, ilunetan ibiltzen zirelako gauetan, eta espaloiak jartzea. Udal Gobernuak beste mozio bat erregistratu zuen. Bertan esaten zen espaloirik ezin zela jarri “segurtasun arrazoiengatik”, baina argiteriaz ez zen ezer esaten. Gure harridurarako, Udal Gobernuak beste mozio bat proposatu digu gaur, erdibideko bat. Eta onartu egin dugu. Honako konpromiso hauek hartzen ditu bertan Udal Gobernuak: 

 

1.- Udalak, Albitxurirako bidean argiteria hobetzeko proiektua idazteari ekin diezaiola gehienez ere 3 hilabeteko epean. 

2.- Udalak, urte hau bukatu aurretik, Albitxurira iristeko oinezkoen bidea egiteko proiektua garatzea, irisgarritasuna eta segurtasuna bermatzeko. 

 

EH Bildu oso gustura dago lortutako akordioekin eta elgoibartarrei jakinarazi nahi die lan horiek modu zorrotz eta zuzenean jarraituko dituela, betetzen direla ziurtatzeko. Hala, hilero egiten den Gobernu Batzordean lan horien jarraipenaren berri emango duenaren konpromisoa hartu du Udal Gobernuak ezker subiranistarekin. 

 

 

Elgoibartarren bizi kalitatea hobetzeko lanean jarraituko dugu. Ondo egindako lanak elgoibartarren bizi baldintzetan hobekuntzak ekarriko dituela ziur gaude.

ALBISTEAK

Herriko merkataritza sustatzeko bonoen banaketarekin udal gobernuaren inprobisazioa agerian geratu dela dio EH Bilduk

2020-05-28 22:50:00

Elgoibarko EH Bildutik gure kezka eta haserrea adierazi nahi dugu Elgoibarko udal gobernuak merkataritzako bonuak saltzeko erabili duen prozedurarekin. Egia da bonuak arrakastatsu izaten ari direla, logikoa denez, herritarren esku jartzen duelako udalak diru partida bat herrian kontsumitzeko. Gure lehentasunen artean ere markatu genuen hau lehenago, merkataritza dinamizatzeko tresna izan daitekeelako egitasmo oso baten barruan.

Elgoibarko merkatariei, ostalariei, autonomoei eta enpresei laguntzeko Udalak 800.000 bideratzea proposatu du EH Bilduk

2020-04-14 14:51:00

Udal administrazioaren egoera ekonomikoa ona dela gogoratu du Jon Peli Uriguenek, eta azpimarratu du orain dela behar duenari laguntzeko unea

EH Bilduk uste du erabakiak elkarrekin hartzeko eta egoera okerrenean dauden elgoibartarrak entzuteko garaia dela

2020-03-20 09:49:00

Jakina da egoera larrien aurrean erabaki ausartak hartu behar direla. Koronabirusaren pandemiak alarma egoera larria eragin duen honetan bezala. Krisi hau gu denok kolpatzen hasi zen unetik bertatik, argi izan duguna EH Bildun, maila guztietan, elkarlanerako unea dela hau, soilik denok batera atera gaitezkeelako arazo larri honetatik.