Elgoibar

Pedro Muguruza kalearen izena aldatzea ez dagoela ezbaian dio EH Bilduk, memoria historikoaren legeak agintzen duelako

| 2019-10-04 16:07:00

Bizikidetza mahaiari, herritarrekin batera, kaleari zein izen emango zaion erabakitzea dagokiola azpimarratu du ezkerreko indar subiranistak, eta emakume izena jartzearen alde egiten duela gaineratu du 

Elgoibarko EH Bildutik, irailak 25eko osoko bilkuran ikur frankisten inguruan onartu zen mozioaren harira, zehaztapen batzuk egin nahiko genituzke: 

1- EH Bildun argi daukagu memoria historikoaren legea bere osotasunean bete behar dela, eta ahalik eta azkarren, gainera. 

2- Horiek horrela, osoko bilkuran ere aipatu genuen, etxeetako atarietatik erretiratu gabe egon daitezkeen ikurrak kentzeko epeak finkatu behar direla premiaz, ez delako eztabaidan dagoen zerbait, erabakiak betetzea besterik ez da egin behar. 

3- Pedro Muguruzaren kalearekin dagoen eztabaidaren inguruan, zenbait argibide eman nahi ditu Elgoibarko EH Bilduk: 

a. Elgoibarko EH Bildutik berriz diogu legea bete behar dela, eta ez dagoela zalantzan Pedro Muguruza izena kendu behar denik. 

b. Plenoan onartu zen mozioak honela dio, hitzez hitz, 3. puntuan: “Pedro Muguruza kalearekin dagoen eztabaida mahai honetara (Bizikidetza mahaia) eraman eta errelato horren barruan herritarrei ere galdetzea zer nahiko luketen egin kale horrekin”. 

c. Beraz, bizikidetza mahaian, gure ustez, ez da eztabaidatu behar Pedro Muguruza kaleari izena kendu behar zaion ala ez, baizik eta zein izenek ordezkatuko duen. Gure ustez, emakume izan bat oso egokia litzateke, oso gutxi baitauzkagu Elgoibarren. 

Beraz, Elgoibarko EH Bildutik berretsi nahi dugu memoria historikoaren legea bete behar dela, eta Pedro Muguruza kaleari izena aldatu behar zaiola. Bizikidetza mahaiak, herritarrekin batera erabaki beharko luke zein izen jarri behar zaion.

San Bartolome eta Kalegoeneko kaltetuekin batzartu da EH Bildu

| 2019-07-19 11:30:00

 

San Bartolome kaleko eraikina erortzearen kaltetuekin bilera egin zuen, atzo arratsaldean, EH Bilduk. Kaltetutako pertsonei eskura duten informazioa emateaz gainera, kaltetuen ahotik beraien kezkak eta arazoak ezagutzea zen bileraren helburua.
 
EH Bilduk bileraren balorazio oso positiboa egin du, herritarren parte-hartzea handia izan baitzen. Aldi berean, kezkatuta agertzen da, bizilagun eta negozio batzuk dauden atakarengatik. 
 
Behin informazioa eskuratuta, kaltetutako pertsonei laguntzeko ahalegina egingo du, udalean zein udaletik kanpo.

ALBISTEAK

Hondakinen bilketaren kudeaketan zerbitzu txarra eskaini arren, herritarrei tasak igotzea ez dela onargarria uste du EH Bilduk

2019-10-23 11:09:00

Ordenantza fiskal berriak onartzearen aurka bozkatuko du ezker subiranistak gaurko osoko bilkuran, progresibitatea aintzat hartzen ez delako