Elgoibar

Elgoibarko merkatariei, ostalariei, autonomoei eta enpresei laguntzeko Udalak 800.000 bideratzea proposatu du EH Bilduk

Udal administrazioaren egoera ekonomikoa ona dela gogoratu du Jon Peli Uriguenek, eta azpimarratu du orain dela behar duenari laguntzeko unea

| 2020-04-14 14:51:00

 

 

 

Koronabirusaren krisiak eraginda egoera zailean daude merkatariak, ostalariak, autonomoak eta enpresak. Horietako asko lan egin ezinik, Espainiako Gobernuak ezarritako Alarma Egoerak behartuta. Elgoibarren ere egoera horretan daude asko eta asko: negozioak itxita eta diru sarrera gabe. Gaixotasunaren hedapena geratzea izan behar da orain lehentasuna, baina Elgoibarko EH Bilduk argi dauka aurrera begirako lanean ere hasi behar garela eta begirada luzeagoa jartzen hasi beharra dagoela. Era horretara, Elgoibarko merkatariei, ostalariei, autonomoei eta enpresei laguntzeko 800.000 euroko diru partida bideratzea proposatu du. 

 

Joan den ostiralean Jon Peli Uriguen EH Bilduko zinegotziak egindako Facebook Live-n eman zien proposamenaren berri elgoibartarrei. 800.000 euroko diru partida gordetzea proposatu zuen. Gainera, udalaren egoera ekonomikoa ona dela gogoratu zuen. “Udalak baditu baliabideak hori egiteko. Orain da behar dutenei laguntzeko unea”, azpimarratu duen Uriguenek. EH Bilduko zinegotziak gogora ekarri zuen inguruko beste udal batzuk ari direla antzeko neurriak hartzen. Azpeitiko Udala jarri zuen adibide moduan; izan ere, koronabirusaren krisia abiatu zenetik milioi bat euro bideratu ditu herritarrei laguntzeko ekimenetara. Elgoibarko Udalak ezarritako laguntzak beste administrazio batzuk ezar ditzakeenekin osagarriak izan daitezkeela agertu zuen Uriguenek. Zentzu horretan, egon daitezkeen diru-laguntzak herritarrei jakinarazteko Debegesak jarrera aktiboa hartu beharra daukala uste du. 

 

Neurri hori eta bestelakoak elkarlanean hartu behar direla adierazi zuen Uriguenek. Konfinamendua abiatu zenean, krisi mahaia eratzea proposatu zuen EH Bilduk, tartean egon daitezkeen eragile guztiekin: udal gobernua, alderdiak, udaltzaingoa, babes zibila... Elgoibarko Udal Gobernuak ez zuen aintzakotzat hartu ezker subiranistak egindako proposamena. Orduz geroztik, ez da posible izan harreman eraginkorra izatea Udal Gobernuarekin, baina EH Bilduk baditu hainbat proposamen, eta beharrezkoa ikusten du proposamen horiek eta etor daitezkeenak aztertzeko eta adosteko foro bat eratzea. 

 

Bestelako neurriak ere mahai gainean jarri zituen mahai gainean Uriguenek. Hala nola, politika fikalean EH Bilduk proposatzen du: Udal zergak eta tasak ezabatzea krisi egoera bizi den bitartean udal zerbitzuak bere negoziorako erabiltzen dituztenei; alokairuak ez kobratzea beraien negoziorako udal jabegoko lokala erabiltzen dutenei, hala tokatzen den kasuetan; zabor eta bestelako tasarik ez kobratzea bere jarduera eten behar izan duenari; zergen kobrantzan atzerapenak onartzea bere jarduera eten beharra izan dutenei.

EH Bilduk uste du erabakiak elkarrekin hartzeko eta egoera okerrenean dauden elgoibartarrak entzuteko garaia dela

Jakina da egoera larrien aurrean erabaki ausartak hartu behar direla. Koronabirusaren pandemiak alarma egoera larria eragin duen honetan bezala. Krisi hau gu denok kolpatzen hasi zen unetik bertatik, argi izan duguna EH Bildun, maila guztietan, elkarlanerako unea dela hau, soilik denok batera atera gaitezkeelako arazo larri honetatik.

| 2020-03-20 09:49:00

Krisi honek, edozein krisi bezala, behar handiena duten pertsonak kaltetuko ditu gehien, egoera zaurgarrienean daudenak. Horregatik uste dugu administrazio publikoei dagokiela pertsona eta kolektibo horiengan pentsatuz hartzea neurriak, egoera ahalik eta eramangarriena egiten saiatzeko. 

Elgoibarko Ehbildun hasiera-hasieratik jarri ginen Elgoibarko Udal Gobernuari laguntzeko prest, proposamen ezberdinak eginez. 

Poztu gaitu, gaur, martxoak 19, Elgoibarko udalaren web gunean irakurtzeak Elgoibarko Udalak neurri fiskalak hartuko dituela koronabirusaren eragin ekonomikoa arintzeko udalerrian. 

Poztu gaitu Elgoibarko udal gobernuak guk proposatutako ideia batzuk ere aintzat hartzeak, baina uste dugu benetan beste neurri batuk ere hartzea beharrezkoa dela, eta horretarako gure prestutasuna adierazten dugu berriz ere. 

Horregatik uste dugu, martxan jarritako neurri horietaz gain, Elgoibarko udal gobernuak Krisi Mahaia eratu beharko lukeela, Ehbilduk alkateari idatziz proposatu bezala, beste gai batzuren artean: 

- Arrisku handiena duten edo premia bereziak dituzten herritarren zaintza beharrei erantzuteko sortu den boluntario sarearen ardura hartzeko 

- Zergen suspentsio edo atzeratzearen inguruko hausnarketa eta azterketa ekonomikoa, aurrerago behar diren erabakiak hartu ahal izateko. 

- Krisi honek familia, merkataritza establezimendu txiki eta ostalariei sor diezaiekeen galera ekonomikoei aurre egiteko diru-laguntzak abian jartzeko 

- … 

Beraz, dei egiten diogu Udal Gobernuari Krisi mahai hori eratzeko, Elgoibarko udalean ordezkaritza dugun alderdi politiko guztiak bertan egonik, eta gainera Gizarte zerbitzuetako, berdintasuneko, babes zibileko, udaltzaingoko eta boluntarioen sareko ordezkariak, denen artean ahalik eta neurri adostuenak eta eraginkorrenak bideratu ahal izateko. 

 

 

 

Uste dugu udal gobernuak hartu dituen neurri hauek hasiera bakarrik direla, baina beste neurri batzuk era hartu behar ditugula udal bezala, eta horretarako ezinbestekoa da kolektibo kaltetuekin elkarlanean aritzea, merkatariekin, ostalariekin, gizarte zerbitzuetako erabitzaileekin, … Soilik beraiekin elkarlanean lortuko ditugu erabaki egokiak mahaigaineratzea. 

Ez dugu lerro hauek amaitu nahi gure elkartasunik beroenak azaldu gabe krisi honetan lanean buru-belarri ari diren kolektibo guztiei gure elkartasun handiena azaldu gabe, bereziki ospitaletan arrisku pertsonala hartuz lan egiten ari diren osasungintzako profesional guztiei, eta bereziki atzo hil zen erizainaren familia eta lagunei. 

Eskerrik asko, eta animo guztiei. Denok batera lortuko dugu, herri bezala, egoera larri honetatik ateratzea,

ALBISTEAK

Pedro Muguruza etorbidearen izen aldaketarekin oraindik ezer egin ez dela gogoratzeko, mozioa aurkeztu du EH Bilduk

2020-06-22 09:29:00

Ezker subiranistak bere egin du kaleak "Martxoak 8 etorbidea" izena hartzeko egindako herri proposamena

Herriko merkataritza sustatzeko bonoen banaketarekin udal gobernuaren inprobisazioa agerian geratu dela dio EH Bilduk

2020-05-28 22:50:00

Elgoibarko EH Bildutik gure kezka eta haserrea adierazi nahi dugu Elgoibarko udal gobernuak merkataritzako bonuak saltzeko erabili duen prozedurarekin. Egia da bonuak arrakastatsu izaten ari direla, logikoa denez, herritarren esku jartzen duelako udalak diru partida bat herrian kontsumitzeko. Gure lehentasunen artean ere markatu genuen hau lehenago, merkataritza dinamizatzeko tresna izan daitekeelako egitasmo oso baten barruan.

Elgoibarko merkatariei, ostalariei, autonomoei eta enpresei laguntzeko Udalak 800.000 bideratzea proposatu du EH Bilduk

2020-04-14 14:51:00

Udal administrazioaren egoera ekonomikoa ona dela gogoratu du Jon Peli Uriguenek, eta azpimarratu du orain dela behar duenari laguntzeko unea